လါမ့ၤ(၆)သီ,၂၀၂၅နံၣ် ဟီၣ်ခိၣ်ဟူးလၢအသဟီၣ်ဆူၣ် ရံၣ်ခၠးစတၣ်စက့ (၇.၇)ဟူးဂဲၤ ဖဲလါမးရှး(၂၈)သီအနံၤဒီး စးထီၣ်ဖဲမုၫ်နံၤ၀ဲန့ၣ် တုၤလါ မ့ၤ(၂)သီနံၤ လၢ(၃၆)သီအတီၫ်ပူၤ သုးကီၣ်ကး မၤ၀ဲကလံၤကျါတၫ်ဒုးခးလီၤတၫ် (၂၈၂)ဘျီဒီးကမျၢၫ်ဘၣ်သံ (၂၇၆)ဂၤ ၀ံၤ ဘၣ်ဒိဘၣ်ထံးအိၣ်၀ဲ (၄၅၆)ဂၤအဂ့ၫ် ဒီကလုာ်ဃူဖိးပဒိၣ်(NUG)ဘၣ်ထွဲပှၤဂ့ၫ်၀ီခွဲးယာ်ကိတိာ်၀ဲၤကျိၤ ထုးထီၣ်ပာ် ဖျါ၀ဲဖဲလါမ့ၤ(၅)သီအနံၤန့ၣ်လီၤ. ကလံၤကျါတၫ်ဒုးခးလီၤတၫ်တဖၣ် မ့တမ့ၫ်လၢ၀့ၫ်တကူၣ်ဒီးန့ၣ်ပၠံၣ်ဒီၣ်ဘၣ်န့ၣ် ကီၫ်ခီဒီးကီၫ်စဲၣ်အဂၤလၢအိၣ်တ့ၫ်တဖၣ် အပူၤ

လါမ့ၤ(၅)သီ,၂၀၂၅နံၣ် အမဲရကၤဒီးဖံးလံးပံးသုးတဖၣ် ဒ်နံၣ်ကတၢၫ်တၫ်ပာ်ဖှိၣ်ဂဲၤလိသုးတၫ်ဂဲၤလိတခါအသိး လၢဖံးလံးပံးကလံၤစိး ကၣ် ကၣ်ယၣ်ကီၫ်ဆၣ်အပူၤ ဖဲလါမ့ၤ(၃)သီအနံၤန့ၣ် ကခီၣ်ဆၢဒုးဒါအတၫ်ထီၣ်ဒုးဃီၤအဂီၫ် ခးလီၤကျိဂဲၤလိသ့အသးလီၤ. ကီၫ်ဖံးလံးပံးအကလံၤစိးပီၣ်လဲၣ်နံၤ တၫ်မ့ၫ်ဟဲဒုးဃီၤ၀ဲန့ၣ် လၢခါဆူညါတၫ်လၢကဲထီၣ်အသးသ့ တၫ်ကဒီသဒၢ၀ဲအဂီၫ် ဟံးန့ၫ်တၫ်အဒိ၀ံၤ မၤလိအသုးဖိတဖၣ်န့ၣ်လီၤ. ဖံးလံးပံးဒီးအမဲရကၤသုးဖိဂံၫ်ဘါအိၣ်(၁,၄၀၀)ဂၤဘျဲၣ်အံၤ ဒ်သိးကမၤဆူၣ်ထီၣ် တၫ်ပာ်ဖှိၣ်မၤသကိးတၫ်လၢသုးဂ့ၫ်၀ီ အဂီၫ် ပညိၣ်၀ဲ၀ံၤ ဂဲၤလိ၀ဲ ဘၣ်လံၣ်ကၣ်တၣ် သုးတၫ်ဂဲၤလိန့ၣ်လီၤ.

လါမ့ၤ(၅)သီ,၂၀၂၅နံၣ် အပူၤကွံၥ် လါအ့ဖြ့ၣ်တလါအတီၢ်ပူၤ ခီဖျိသုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးမီၤစိရိၤအသုး မၤသံမၤ၀ီတၢ်တဖၣ်အဃိ ပှၤဟူးဂဲၤဒံၣ်မိၣ်ကရ့ၣ်စံၣ်ဂ့ၢ်၀ီဒီးထံဖိကီၢ်ဖိကမျၢၢ်ခဲလၢၥ်ပၥ်ဖှိၣ်(၉၆)ဂၤသံ၀ဲ၀ံၤ ထံရူၢ်ကီၢ်သဲးတၢ်ဂ့ၢ်အဖီခိၣ် တၢ်ဖီၣ်ဃၥ်၀ဲ(၆)ဂၤအဂ့ၢ် တၢ်မၤစၢၤထံရူၢ်ကီၢ်သဲးပှၤလီၤဃိၣ်ဖိကရၢ(AAPP)ထုးထီၣ်ပၥ်ဖျါဃၥ် အလံၥ်ပၥ်ဖျါလၢလါမ့ၤ(၃)သီအနံၤန့ၣ်လီၤ. ပှၤသံ(၉၆)ဂၤအကျါ ပှၤ(၄)ဂၤန့ၣ် တၢ်ဖီၣ်အီၤ၀ံၤအလီၢ်ခံ တၢ်ဂ့ၢ်အကလုၥ်ကလုၥ်အဖီခိၣ် ဘၣ်သံ၀ဲအဂ့ၢ်တၢ်သ့ၣ်ညါဘၣ်န့ၣ်လီၤ. ကတီၢ်ခဲအံၤပှၤသံနီၣ်ဂံၢ်စရီလၢတၢ်ပၥ်ဖျါထီၣ်အီၤန့ၣ်တၢ်ပၥ်ဂၢၢ်ပၥ်ကျၢၤန့ၢ်အီၤဃုၥ်ဒီးအမံၤ,တၢ်ဂ့ၢ်တၢ်ကျိၤလီၤတံၢ်လီၤဆဲး၀ံၤ မ့မ့ၢ်လၢဟီၣ်ခိၣ်မဲၥ်ဖံးခိၣ်တခီ တၢ်သံတၢ်ပှၢ်နီၣ်ဂံၢ်ကအိၣ်အါန့ၢ်ဒံးတၢ်ပၥ်ဖျါအဂ့ၢ် ဒုးသ့ၣ်ညါဃၥ်၀ဲလၢ အလံၥ်ပၥ်ဖျါအပူၤန့ၣ်လီၤ. တၢ်ကဘၣ်ပၥ်ဂၢၢ်ပၥ်ကျၢၤအီၤလိၣ်ဒံးလၢ လါအ့ဖြ့ၣ်တလါအတီၢ်ပူၤ ပှၤသံ(၁၅၀)ဂၤဃၣ်ဃၣ်အနီၣ်ဂံၢ်စရီစ့ၢ်ကီး

လါမ့ၤ(၂)သီ, ၂၀၂၅နံၣ် ယူၣ်ကရ့ထံကီၢ် အဂံၢ်သဟီၣ်ဒီးဟီၣ်လၥ်ပနံၥ်ဂံၢ်ခီၣ်ထံးတဖၣ် တၢ်အၢၣ်လီၤတူၢ်လိၥ်လၢကစူးကါသကိးအဂီၢ် ယူၣ်ကရ့ဒီးအမဲရကၤ ဆဲးလီၤ၀ဲမံၤစဲပနီၣ်န့ၣ်လီၤ. ရၢးရှါဒီးယူၣ်ကရ့အတၢ်ဒုးမ့ၢ်၀ံၤ ဒ်သိးယူၣ်ကရ့အမုၢ်ကျိၤ၀ဲၤကွၥ် ကဂုၤထီၣ်ပသီထီၣ်က့ၤအဂီၢ်ကဒုးအိၣ်ထီၣ်စ့ပၥ်ကီၤလၢတၢ်သူၣ်ထီၣ်ကဒါက့ၤအဂီၢ်စ့ၢ်ကီးယူၣ်ကရ့ဒီးအမဲရကၤအၢၣ်လီၤတူၢ်လိၥ်၀ဲန့ၣ်လီၤ.ယူၣ်ကရ့ထံကီၢ်တၢ်မုၥ်တၢ်ခုၣ်ဒီးတၢ်အီၣ်ကုၢ်အီပှဲၤကအိၣ်ကၢအိၣ်ခိးအဂီၢ်ခံကပၤလိၥ်အၢၣ်လီၤတူၢ်လိၥ်၀ဲအဂ့ၢ်အမဲရကၤခိသွဲကိတိၥ် စကီးဘဲးဆး တဲ၀ဲန့ၣ်လီၤ. ဘၣ်ထွဲဒီးတၢ်အၢၣ်လီၤတူၢ်လိၥ်အံၤ ယူၣ်ကရ့တခီလိၣ်ဘၣ်၀ဲအမဲရကၤသုးဂ့ၢ်၀ီတၢ်မၤစၢၤလီၤတံၢ်အဂ့ၢ် ပှၤဃုသ့ၣ်ညါတၢ်တဖၣ်တဲ၀ဲန့ၣ်လီၤ.လၢယူၣ်ကရ့ထံကီၢ်အပူၤဟီၣ်လၥ်တၢ်ထူးတၢ်တီၤလၢအလုၢ်ဒိၣ်ပှ့ၤဒိၣ်တဖၣ်အိၣ်အါမးအဂ့ၢ် တၢ်သ့ၣ်ညါဘၣ်န့ၣ်လီၤ. ဟီၣ်လၥ်တၢ်ထူးတၢ်တီၤဂံၢ်ခီၣ်ထံးတဖၣ်ယူၣ်ကရ့တကပၤကပၢၤဃၥ်၀ဲ၀ံၤဘၣ်ထွဲဒီးန့ဆၢၣ်ဂၥ်သ၀ံဒီးရ့ၣ်နီၣ်တၢ်ရဲၣ်တၢ်ကျဲၤတၢ်ဖံးတၢ်မၤတဖၣ်န့ၣ်အမဲရကၤခီပနံၣ်တကပၤကပၣ်ဃုၥ်၀ဲ၀ံၤတၢ်မၤသကိးအတၢ်ဘၣ်ဘျုးတဖၣ်န့ၣ်ကမၤန့ၢ်၀ဲဒ်သိးသိးန့ၣ်လီၤ. ဖဲအပူၤကွံၥ်လါဖ့ၣ်ဘြုၤအါရံၣ်အခါယူၣ်ကရ့ကီၢ်ခိၣ်စလါစကံ(ဇီလန်စကီး)ကတၢၣ်ပီၣ်တဲသကိး၀ဲဒ်သိးကမၤန့ၢ်သုးဂ့ၢ်၀ီတၢ်မၤစၢၤအဂီၢ်ဒီးပၣ်ဃုၥ်တၢ်အၢၣ်လီၤတူၢ်လိၥ်တဘျီအံၤအဂီၢ်လဲၤထံၣ်လိၥ်တဲအါလိၥ်သးဒီးအမဲရကၤကီၢ်ခိၣ်ဒီၣ်နၢၣ်ထရၢးဖဲဟံၣ်၀ါ၀ံၤအလီၢ်ခံတၢ်အၢၣ်လီၤတူၢ်လိၥ်တဖၣ်ဘၣ်စဲၤခံတ့ၢ်၀ဲန့ၣ်လီၤ. Ref: Ayeyarwaddy Times

လါမ့ၤ(၂)သီ,၂၀၂၅နံၣ် ကီၢ်ကရ့ၣ်နံၣ်, မိၤခံဟီၣ်က၀ီၤပူၤ ခီဖျိဂ့ၢ်ဂီၤအူတၢ်အိၣ်သးအဖီခိၣ် တၢ်ကးတံၥ်တၢ်သူ Star linkတလါအဂ့ၢ် ကီၢ်ရ့ၣ်ပၥ်ဖှိၣ်တၢ်ပၢတၢ်ပြးကမံးတံၥ် ထုးထီၣ်ပၥ်ဖျါဃၥ်၀ဲဖဲ လါအ့ဖြ့ၣ်(၂၈)သီအနံၤန့ၣ်လီၤ. တၢ်ကးတ့ၥ်ဃၥ်တၢ်သူ Star link Wi-Fiတလါအတီၢ်ပူၤ၀ံၤ မ့မ့ၢ်လၢ ၀ဲကျိၤ၀ဲၤဒ့ဘၣ်ထွဲတၢ်ကရၢကရိတဖၣ်တခီ မ့ၢ်အဲၣ်ဒိးသူ Star linkန့ၣ် တၢ်ကဘၣ်လဲၤတီၣ် တၢ်ဟ့ၣ်တၢ်ပျဲတၢ်သူ Star link

လါမ့ၤ(၂)သီ,၂၀၂၅နံၣ် ဖဲမဟါအနံၤ, လါမ့ၤ(၁)သီလၢအလီၤဘၣ်၀ဲ ဟီၣ်ခိၣ်ဒီဘ့ၣ်ပှၤမၤတၢ်ဖိအမုၢ်နံၤန့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ပၥ်ပနီၣ်ဒီးပၥ်လၤပၥ်ကပီၤဘၣ် ဟီၣ်ခိၣ်ဒီဘ့ၣ်ပှၤမၤတၢ်ဖိသ့ၣ်တဖၣ် အဂံၢ်အဘါ, အတၢ်ကီၤသူၣ်ကီၤသးဒီး အသးသဟီၣ်လၢအဆူၣ်အကျၢၤတဖၣ်အဂ့ၢ် ခ့ၣ်အဲၣ်ယူၣ်-လီၢ်ခၢၣ်သးပၥ်ဖျါဃၥ်၀ဲတၢ်ကစီၣ်န့ၣ်လီၤ. ဟီၣ်ခိၣ်ဒီဘ့ၣ်ပှၤမၤတၢ်ဖိအမုၢ်နံၤအံၤန့ၣ် မ့ၢ်စံၣ်စိၤနုၥ်မုၢ်နံၤတနံၤလၢ တၢ်ပၥ်ဖျါထီၣ်တၢ်ပၥ်သးဒီးဃ့ထီၣ်တၢ်လၢ ပှၤမၤတၢ်ဖိသ့ၣ်တဖၣ်ကဒိးန့ၣ်ဘၣ်ပှၤမၤတၢ်ဖိအခွဲးအယၥ်အဂီၢ် တကးဘၣ် မ့ၢ်မုၢ်နံၤလုၢ်ဒိၣ်ပှ့ၤဒိၣ်တနံၤလၢ တၢ်ကဘၣ်သ့ၣ်နီၣ်မၤလၤကပီၤအီၤအဂ့ၢ် စံး၀ဲန့ၣ်လီၤ. ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢအံၤ အိၣ်ဆၢထၢၣ်ဃုၥ်ဒီးပှၤလၢအဟူးဂဲၤမၤသကိးတၢ် ဒ်သိးဒီးပှၤကိးဂၤဒဲး ကဒိးန့ၢ်ဘၣ်

လါမ့ၤ(၁)သီ, ၂၀၂၅နံၣ် ဟီၣ်ခိၣ်တၢ်ဒုးဖးဒိၣ်ခံဘျီတဘျီအပူၤ ဆိၣ်ဘံးယဲးကီၢ်စၢဖှိၣ်လီၢ်လံၤမၤနၢၤတၢ်ပှဲၤထီၣ်အနံၣ်(၈၀)တၢ်သ့ၣ်နီၣ်အဂီၢ်စးထီၣ်လၢနွံလၢကဟဲကပၥ်ပတုၥ်တၢ်ခးလိၥ်သးဒီးယူၣ်ကရ့(၃)သီအဂ့ၢ်ရၢးရှါကီၢ်ခိၣ်ပလၣ်တံၣ်မၣ်ပူၣ်တ့ၣ်ဘိးဘၣ်ရၤလီၤ၀ဲတခီတၢၤန့ၣ်လီၤ. လါမ့ၤ(၈)သီဖးဖီမုၢ်အဆၢကတီၢ်န့ၣ် ကစးထီၣ်ပၥ်ပတုၥ်တၢ်ခးလိၥ်သးန့ၣ်လီၤ.အဃိဒီးယူၣ်ကရ့မ့ၢ်ပၥ်ပတုၥ်တၢ်ဒုးန့ၣ်ကဆိကတီၢ်တၢ်ဒုးလိၥ်သးခဲလၢၥ်အဂ့ၢ်ရၢးရှါကီၢ်ခိၣ်၀ဲၤဒၢးတကပၤတဲ၀ဲန့ၣ်လီၤ. ယူၣ်ကရ့တကပၤမ့ၢ်ထီဒါတၢ်ပၥ်ပတုၥ်တၢ်ခးလိၥ်သးန့ၣ်ရၢးရှါထံကီၢ်ကဟ့ၣ်ကၣ်ဆၢက့ၤအဂ့ၢ်ရၢးရှါကီၢ်ခိၣ်၀ဲၤဒၢးတကပၤဟ့ၣ်ပလီၢ်၀ဲန့ၣ်လီၤ. ယူၣ်ကရ့အထံဂုၤကီၢ်ဂၤကိတိၥ် အၣ်ဒရ့ၣ်ဆံၣ်ဘံၣ်ယၣ် တဲ၀ဲလၢရၢးရှါတကပၤမ့ၢ်လိၣ်ဘၣ်တၢ်မုၥ်တၢ်ခုၣ်နီၢ်နီၢ်န့ၣ်ကဘၣ်ပၥ်ပတုၥ်တၢ်ခးလိၥ်သးတဘျီဃီလီၤ.ဘၣ်မနုဘၣ်ခိး၀ဲတုၤလါမ့ၤ(၈)သီအနံၤန့ၣ်လဲၣ်.ပ၀ဲယူၣ်ကရ့ထံကီၢ်တကပၤဘၣ်ထွဲဒီးတၢ်ပၥ်ပတုၥ်တၢ်ခးလိၥ်သးလၢတၢ်ဆၢကတီၢ်ယံၥ်အဂ့ၢ်န့ၣ်ပဆီၣ်ထွဲဟ့ၣ်ဂံၢ်ဟ့ၣ်ဘါတစှၤန့ၢ်ဘၣ်အသီ(၃၀)အဂ့ၢ်တဲ၀ဲဖဲပှၤတ၀ၢပှၥ်ဘျးစဲအပူၤန့ၣ်လီၤ. ဒ်သိးဒီးတၢ်ကဂုၢ်ကျဲးစၢးတၢ်ပၥ်ပတုၥ်တၢ်ခးလိၥ်သးလၢတၢ်ဆၢကတီၢ်ယံၥ်အဂီၢ်အမဲရကၤကီၢ်ခိၣ်ဒီၣ်နၢၣ်ထရၢး ဃ့ထီၣ်၀ဲအဂ့ၢ်ဟံၣ်၀ါပှၤထုးထီၣ်ပၥ်ဖျါတၢ်လၢအမ့ၢ်(ရိုလိုင်းလီဗက်)တဲ၀ဲန့ၣ်လီၤ. ရၢးရှါဒီးယူၣ်ကရ့ခိၣ်နၢ်တဖၣ်န့ၣ်လိၣ်၀ဲဒၣ်လၢကဟဲတၢ်ထံၣ်လိၥ်တဲသကိးတၢ်အဂ့ၢ်တဲကဒီး၀ဲန့ၣ်လီၤ. ပူၣ်တ့ၣ်န့ၣ်တလါအံၤစးထီၣ်အဆၢကတီၢ်တၢ်မၤ၀ဲ(အီစတၥ)မူးအတီၢ်ပူၤဘိးဘၣ်ပၥ်ဖျါတ့ၢ်၀ဲလၢကပၥ်ပတုၥ်တၢ်ခးလိၥ်သးတစိၢ်တလီၢ်သနၥ်က့တၢ်ဒုးတဖၣ်ကဲထီၣ်၀ဲတပယူၥ်ဃီန့ၣ်လီၤ. Ref: Ayeyarwaddy Times