လါမ့ၤ(၅)သီ,၂၀၂၅နံၣ်
အမဲရကၤဒီးဖံးလံးပံးသုးတဖၣ် ဒ်နံၣ်ကတၢၫ်တၫ်ပာ်ဖှိၣ်ဂဲၤလိသုးတၫ်ဂဲၤလိတခါအသိး လၢဖံးလံးပံးကလံၤစိး ကၣ် ကၣ်ယၣ်ကီၫ်ဆၣ်အပူၤ ဖဲလါမ့ၤ(၃)သီအနံၤန့ၣ် ကခီၣ်ဆၢဒုးဒါအတၫ်ထီၣ်ဒုးဃီၤအဂီၫ် ခးလီၤကျိဂဲၤလိသ့အသးလီၤ.
ကီၫ်ဖံးလံးပံးအကလံၤစိးပီၣ်လဲၣ်နံၤ တၫ်မ့ၫ်ဟဲဒုးဃီၤ၀ဲန့ၣ် လၢခါဆူညါတၫ်လၢကဲထီၣ်အသးသ့ တၫ်ကဒီသဒၢ၀ဲအဂီၫ် ဟံးန့ၫ်တၫ်အဒိ၀ံၤ မၤလိအသုးဖိတဖၣ်န့ၣ်လီၤ.
ဖံးလံးပံးဒီးအမဲရကၤသုးဖိဂံၫ်ဘါအိၣ်(၁,၄၀၀)ဂၤဘျဲၣ်အံၤ ဒ်သိးကမၤဆူၣ်ထီၣ် တၫ်ပာ်ဖှိၣ်မၤသကိးတၫ်လၢသုးဂ့ၫ်၀ီ အဂီၫ် ပညိၣ်၀ဲ၀ံၤ ဂဲၤလိ၀ဲ ဘၣ်လံၣ်ကၣ်တၣ် သုးတၫ်ဂဲၤလိန့ၣ်လီၤ.
တၫ်မၤ၀ဲသုးတၫ်ဂဲၤလိတဘျီ၀ဲၤအံၤန့ၣ် မုၫ်လၫ်၀ဲလၢအမၤ၀ဲတုၤလါမ့ၤ(၉)သီနံၤ၀ံၤ အီစထြ့လံယါဒီးယပၣ်သုးဖိတနီၤ စ့ၫ်ကီး ဂဲၤလိသကိးဃုာ်၀ဲန့ၣ်လီၤ.
ကလံၤထံးတရူးပီၣ်လဲၣ်ပူၤ ဘၣ်ထွဲဒီးကီးဖိတဖၣ်လၢအိၣ်လၢပှဲၤဒီးန့ဆၢၣ်ဟီၣ်လာ်တၫ်ထူးတၫ်တီၤတဖၣ်အဖီခိၣ် ဖဲဖံးလံးပံးဒီးတရူးအဘၢၣ်စၢၤ တၫ်ရ့လိာ်ဘၣ်ထွဲ ဖ့ၣ်ဆၢထီၣ်အကတီၫ် ကိးမုၫ်နံၣ်ဒဲး ပာ်ဖှိၣ်ဂဲၤမၤ၀ဲ သုးတၫ်ဂဲၤလိ ဒ်သိးအံၤန့ၣ်လီၤ.
Ref:DVB
