လါမ့ၤ(၅)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,သၣ်ပီကီၫ်ဆၣ်ပူၤ သးစၫ်တနီၤ တၫ်ဟ့ၣ်ဒုးသ့ၣ်ညါဆိ၀ဲတအိၣ်ဘၣ်အမဲာ်ညါ ကကဲသုးအဂီၫ် ဖဲလါအ့ဖြ့ၣ်အလၢာ်န့ၣ် ဘၣ်တၫ်က့ၤကိးန့ၫ်ဆူၣ်အီၤအဂ့ၫ် တၫ်သ့ၣ်ညါဘၣ်လၢပှၤလီၫ်က၀ီၤဖိတဖၣ်အိၣ်န့ၣ်လီၤ.
၀့ၫ်သၣ်ပီ က၀ီၤဒ့နီၫ်ဂံၫ်(၂)ဒီးက၀ီၤဒ့နီၫ်ဂံၫ်(၃)တဖၣ်အပူၤ သးစၫ်(၃)ဂၤန့ၣ် သုးဒီးပၢပြးကရၢဖိတဖၣ် ဟ့ၣ်ဒုးသ့ၣ်ညါဆိ ၀ဲတအိၣ်ဘၣ်အမဲာ်ညါ ကကဲသုးအဂီၫ် က့ၤကိးန့ၫ်ဆူၣ်၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
“တဖီၣ်ဘၣ်တၫ်ဖးဘၣ်အမဲာ်ညါ တဲ၀ဲလၢပာ်ဃုာ်လၢတၫ်ဘၣ်ကဲသုးစရီပူၤ၀ံၤနုာ်လီၤဖီၣ်၀ဲလီၤ. ပၢပြးသးပှၫ်အနီၫ် ကစၫ်ဒၣ်၀ဲပာ်ဃုာ်အဂ့ၫ်”သၣ်ပီ၀့ၫ်ဖိတဂၤတဲ၀ဲလီၤ.
သးစၫ်လၢဘၣ်တၫ်က့ၤဖီၣ်ဃာ်အီၤတဖၣ် ပာ်တၫ်ဖှိၣ်ဃာ်အီၤလၢသုးအပူၤ၀ံၤ ပှၤလီၫ်က၀ီၤဖိတဖၣ် ဘၣ်ယိၣ်ဘၣ်ဘှီ တၫ်ဒိၣ်မးလၢ သၣ်ပီကီၫ်ဆၣ် ပၢပြးဘၣ်မူဘၣ်ဒါတဖၣ် ကကိးန့ၫ်ဆူၣ်သုးအဂ့ၫ် တၫ်သ့ၣ်ညါဘၣ်လီၤ.
သုးကီၣ်ကးန့ၣ် ကဆှၢသုးဖိလၢတၫ်မဲာ်ညါတၫ်ဒုးပျီအဂီၫ် အသုးဖိဂံၫ်ဘါတအိၣ်လၢလၢပှဲၤပှဲၤဘၣ်အဃိ အ့ၣ်ယၣ် ၀တံၣ်ကီၫ်ခီပာ်ဃုာ် ကီၫ်ခီကီၫ်ဆၣ်အဂၤတနီၤတဖၣ်အပူၤစ့ၫ်ကီး ဖီၣ်န့ၫ်ဆူၣ်သးစၫ်တဖၣ်အိၣ်၀ဲအဂ့ၫ် တၫ်သ့ၣ် ညါဘၣ်လီၤ.
Ref: Ayeyarwaddy Times
