လါမ့ၤ(၂)သီ,၂၀၂၅နံၣ်
ဖဲမဟါအနံၤ, လါမ့ၤ(၁)သီလၢအလီၤဘၣ်၀ဲ ဟီၣ်ခိၣ်ဒီဘ့ၣ်ပှၤမၤတၢ်ဖိအမုၢ်နံၤန့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ပၥ်ပနီၣ်ဒီးပၥ်လၤပၥ်ကပီၤဘၣ် ဟီၣ်ခိၣ်ဒီဘ့ၣ်ပှၤမၤတၢ်ဖိသ့ၣ်တဖၣ် အဂံၢ်အဘါ, အတၢ်ကီၤသူၣ်ကီၤသးဒီး အသးသဟီၣ်လၢအဆူၣ်အကျၢၤတဖၣ်အဂ့ၢ် ခ့ၣ်အဲၣ်ယူၣ်-လီၢ်ခၢၣ်သးပၥ်ဖျါဃၥ်၀ဲတၢ်ကစီၣ်န့ၣ်လီၤ.
ဟီၣ်ခိၣ်ဒီဘ့ၣ်ပှၤမၤတၢ်ဖိအမုၢ်နံၤအံၤန့ၣ် မ့ၢ်စံၣ်စိၤနုၥ်မုၢ်နံၤတနံၤလၢ တၢ်ပၥ်ဖျါထီၣ်တၢ်ပၥ်သးဒီးဃ့ထီၣ်တၢ်လၢ ပှၤမၤတၢ်ဖိသ့ၣ်တဖၣ်ကဒိးန့ၣ်ဘၣ်ပှၤမၤတၢ်ဖိအခွဲးအယၥ်အဂီၢ် တကးဘၣ် မ့ၢ်မုၢ်နံၤလုၢ်ဒိၣ်ပှ့ၤဒိၣ်တနံၤလၢ တၢ်ကဘၣ်သ့ၣ်နီၣ်မၤလၤကပီၤအီၤအဂ့ၢ် စံး၀ဲန့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢအံၤ အိၣ်ဆၢထၢၣ်ဃုၥ်ဒီးပှၤလၢအဟူးဂဲၤမၤသကိးတၢ် ဒ်သိးဒီးပှၤကိးဂၤဒဲး ကဒိးန့ၢ်ဘၣ် တၢ်ဖံးတၢ်မၤအလီၢ်လၢအဘံၣ်အဘၢ, ဖိးသဲစးဒီး တၢ်တုၤသိးထဲးသိတဖၣ်ကအိၣ်အဂီၢ်အဂ့ၢ်စ့ၢ်ကီး စံး၀ဲလီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢန့ၣ် နၥ်ဒီးတူၢ်လိၥ်၀ဲလၢ ပှၤမၤတၢ်ဖိကိးဂၤဒဲးကဘၣ်ဒိးန့ၢ်ဲ၀ဲ ဂံၢ်ခီၣ်ထံးတၢ်ခွဲးတၢ်ယၥ်လၢ တၢ်ဖံးတၢ်မၤအလီၢ်ကိးခါဒဲးအပူၤ လၢကဘၣ်အိၣ်ဒီး အသူးအသ့ၣ်အလၤကပီၤ, တၢ်ပၥ်ကဲလိၥ်သးဒီး တၢ်တုၤသိးထဲသိးအဂီၢ်အဂ့ၢ် ပၥ်ဖျါဃၥ်၀ဲလီၤ.
တကးဘၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢတခီ အၢၣ်လီၤလၢ ပကသူၣ်ထီၣ်မုၢ်ကျိၤ၀ဲၤကွၥ်သနူတခါလၢ အပၥ်လုၢ်ပၥ်ပှ့ၤပှၤဟီၣ်ခိၣ်ဖိအခွဲးအယၥ်ဒီး ပှၤမၤတၢ်ဖိသ့ၣ်တဖၣ်အတၢ်တူၢ်ဆါခီၣ်ဆါသးဒိၣ်န့ၢ်ဒံး တၢ်ဖံးတၢ်မၤအတၢ်ဘၣ်ဘျူးဘၣ်ဖှိၣ်တဖၣ်အဂ့ၢ် စံး၀ဲလီၤ.
တၢ်ပညိၣ်တခါအံၤအဖီခိၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကွဲၥ်မုၥ်၀ဲအတံၤသကိးဒီး တၢ်ကရၢကရိသ့ၣ်တဖၣ်ခဲလၢၥ် လၢကပၥ်ဖှိၣ်မၤသကိးတၢ်, ကမၤဆူၣ်ထီၣ်ပှၤမၤတၢ်ဖိသ့ၣ်တဖၣ်အကလုၢ်, ဒ်သိးပှၤကိးဂၤအတၢ်ပၣ်ဃုၥ်ပၣ်ဂီၢ်လၢ ခါဆူညါအတၢ်လဲၤအဂီၢ်အဂ့ၢ် စ့ၢ်ကီဒီး စံး၀ဲန့ၣ်လီၤ.
