လါမ့ၤ(၂)သီ,၂၀၂၅နံၣ်
တၢ်ကဟံးဂ့ၢ်၀ီသုးကီၣ်ကးလၢ ဟီၣ်ခိၣ်ဒီဘ့ၣ်ပှၤမၤတၢ်ဖိကရၢ(ILO) အဆၢဒိၣ်၃၃အဖီခိၣ် တုၤလီၤတီၤလီၤကန့ၢ်အဂီၢ် တၢ်ကပၥ်ဖှိၣ်မၤသကိးတၢ်ဒီး ဒီကလုၥ်ဃူဖိးပဒိၣ်, ပှၤမၤတၢ်ဖိကိတိၥ်၀ဲၤကျိၤပၣ်ဃုၣ် ၀ဲၤကျိၤ၀ဲၤဒ့လၢဘၣ်ထွဲတဖၣ်ဒီး တၢ်ကရၢကရီအဂုၤအဂၤတဖၣ်အဂ့ၢ် မဟါအနံၤလၢအလီၤဘၣ် ဟီၣ်ခိၣ်ဒီဘ့ၣ်ပှၤမၤတၢ်ဖိအနံၤန့ၣ် ကီၢ်စၢဖှိၣ်ဘျီၣ်ဒိၣ်ခၢၣ်စးကမံးတံၥ် (CRPH) ဘိးဘၣ်ရၤလီၤဃၥ်၀ဲန့ၣ်လီၤ.
၂၀၂၅နံၣ်, လါယူၤ(၂)သီတုၤ(၁၃)သီအနံၤ ဖဲကီၢ်ဆွ့ၣ်စလၣ်, ကၠံၣ်နံၣ်ဘၣ်၀့ၢ်အပူၤ တၢ်ကမၤ၀ဲ (၁၁၃)၀ီတ၀ီ 2025 International Labor Conference (ILC) တၢ်ရဲၣ်တၢ်ကျဲၤအပူၤ ဒ်သိးကဟံးန့ၢ်ဂ့ၢ်၀ီလၢ သုးကီၣ်ကးအဖီခိၣ်ကန့ၢ်အဂီၢ် ကဂုၥ်ကျဲးစၢးဟူး၀ဲၤအဂ့ၢ် စံး၀ဲန့ၣ်လီၤ.
(CRPH)တခီ ဒ်သိးတၢ်ဒုးလီၤပှီၢ်ကွံၥ် သုးမီၤစိရိၤတၢ်ပညိၣ်ပၣ်ဃုၥ် သုးမီၤစိရိၤလၢအမၤကမၣ်တ့ၢ် သုးကွီၢ်မ့ၣ်တဖၣ်အဖီခိၣ် တၢ်တူၢ်မူတူၢ်ဒါကအိၣ်အဂီၢ် ကဖီၣ်လိၥ်စုမၤသကိးတၢ်ဒီး ဒီကလုၥ်ဃူဖိးပဒိၣ်ပၣ်ဃုၥ် ဟီၣ်ခီၣ်ဒီဘ့ၣ်ဘျီၣ်ဒိၣ်, ပဒိၣ်, တၢ်ကရၢကရိတဖၣ်, ကီၢ်ပူၤကလုၥ်ဒူၣ်တၢ်ပၢၢ်ဆၢကရူၢ်တဖၣ်, တၢ်ကရၢကရိလၢ တၢ်ပညိၣ်ဖှိၣ်အဒ်သိးလိၥ်သးအဂ့ၢ် စံး၀ဲန့ၣ်လီၤ.
လၢန့ၣ်အမဲၥ်ညါ ခါဆူညါ ဒံၣ်မိၣ်ကရ့ၣ်စံၣ်ထံကီၢ်သီအပူၤ ဟီၣ်ခိၣ်ဒီဘ့ၣ်လံၥ်ဃံးဃၥ်တဖၣ်, တၢ်ကဒိးန့ၢ်ဘၣ် တၢ်ထဲသိးတုၤသိးလၢတၢ်ပနီၣ်ဃၥ်တဖၣ်အဂီၢ်, ပှၤဟီၣ်ခိၣ်ဖိတၢ်အိၣ်မူအတီၤပတီၢ်ကလဲၤထီၣ်လဲၤထီအဂီၢ် ကမၤဖျါထီၣ်အမိၢ်လံမိၢ်ပှၢ်အဂ့ၢ် ဒီး တၢ်ပၥ်လီၤသဲစးတၢ်ဘျၢလၢအဂံၢ်ဆူၣ်တဖၣ်ကန့ၢ်အဂီၢ် ကဂုၥ်ကျဲးစၢး၀ဲအဂ့ၢ် တၢ်သ့ၣ်ညါဘၣ်လၢ လံၥ်ဘိးဘၣ်ရၤလီၤအဖီခိၣ်န့ၣ်လီၤ.
