လါယူၤ(၁၉)သီ, ၂၀၂၅နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်ကဝီၤ, ကီၢ်ရ့ၣ်ဒူပျၥ်ယၥ်, ကီၢ်ဆၣ်ကီးတရံး မုၢ်ထီၣ် ဖလူဖးဒိၣ်သဝီ, နီၢ်ဂံၢ် (၄) ကဝီၤဒ့ အပူၤ ကီၢ်ရ့ၣ်ဒူပျၥ်ယၥ်, ကီၢ်ရ့ၣ်ပၢၤကီၢ်အသုးဒီး ကီၢ်ဆၣ်ကီးတရံး ကီၢ်ဆၣ်ပၢၤကီၢ်သုးတဖၣ် ဖဲလါယူၤ(၁၄)သီ, မုၢ်ဃ့ၣ်လီၤ (၂း၂၀) နၣ်ရံၣ်ဆၢကတီၢ် ဘၣ်တၢ်လဲၤနုၥ်ဃုတၢ်ဖဲ နီၢ်မူးကါအဟံၣ် ဒီး
လါယူၤ(၁၉)သီ,၂၀၂၅နံၣ် ကီၢ်ကၠီၣ်တဲၣ်, တးကီၢ်ရ့ၣ်, မဲဆီး၀့ၢ်အပူၤ တၢ်စးထီၣ်မၤကဒါက့ၤ တၢ်ဖီၣ်ဟံးန့ၢ်ဂ့ၢ်၀ီလၢ တဖိးသဲစးပှၤကီၢ်ချၢဖိ တၢ်တိၥ်ကျဲၤအဃိ ပှၤကီၢ်ပယီၤဖိတဖၣ် တၢ်ဘၣ်ယိၣ်ဘၣ်ဘှီဒိၣ်ထီၣ်၀ဲအဂ့ၢ် တၢ်သ့ၣ်ညါဘၣ်န့ၣ်လီၤ. တၢ်တိၥ်ကျဲၤအံၤန့ၣ် တၢ်ကိးအီၤလၢ ကၠီၣ်တဲၣ်ပဒိၣ် အတၢ်တိၥ်ကျဲၤလီၤဆီ ကွၣ်လါအသိး၀ံၤ တၢ်စးထီၣ်အီၤလၢ လါယူၤ(၁၇)သီအနံၤန့ၣ်လီၤ. ပှၤလၢလံၥ်အုၣ်သးတအိၣ်တဖၣ်, ပှၤကီၢ်ချၢဖိလၢ အမၤတၢ်မၤလၢ ထဲဒၣ်ပှၤကၠီၣ်တဲၣ်မၤတၢ်သ့တၢ်မၤ (၂၇)ကလုၥ်တဖၣ်
လါယူၤ(၁၇)သီ,၂၀၂၅နံၣ် အံၣ်စရ့န့ၣ် တုၤဃီၤလၢတၢ်မၤနၢၤကျဲအဖီခိၣ်လံအဂ့ၢ်န့ၣ် ကိတိၥ်ခိၣ်ကျၢၢ် ဘဲးကၠမ့ၣ်န့ၣ်တၣ်ယၣ်ဟူး စံးလီၤ၀ဲန့ၣ်လီၤ.အံၣ်ရၣ်ဒီးအံၣ်စရ့ထံကီၢ်ခံဘ့ၣ်အဘၢၣ်စၢၤ ဒုးခးလိၥ်သးလၢကလံၤကျါတဖၣ်အဆၢကတီၢ် ဖဲလါယူၤ(၁၆)သီအနံၤန့ၣ် န့ၣ်တၣ်ယၣ်ဟူးလဲၤဆူအံၣ်စရ့ကလံၤသုးကလၢၤတဖျၢၣ်အကတီၢ် တဲလီၤ၀ဲဒ်အံၤန့ၣ်လီၤ. န့ၣ်တၣ်ယၣ်ဟူးတဲလီၤတ့ၢ်ဃၥ်တၢ်ကတိၤတဖျၢၣ်လၢအမ့ၢ် အံၣ်စရ့သုးမုၢ်ဒိၣ်န့ၣ် ဒိၣ်စိဃၥ်၀ဲ အံၣ်ရၣ်၀့ၢ်ခိၣ် တၣ်ဟံၣ်ရၣ်ကလံၤကျါတၢ်ပၢအဂ့ၢ်န့ၣ် တဲလီၤကဒီး၀ဲအသီတဘျီန့ၣ်လီၤ. ဘၣ်ထွဲဒီးအံၣ်ရၣ်န့ၣ် အံၣ်စရ့တပၤ သုးဂ့ၢ်၀ီတၢ်ပညိၣ်အိၣ်၀ဲ (၂)ခါအဂ့ၢ်, တၢ်ပညိၣ်တဖၣ်န့ၣ် တၢ်ကမၤရှဲပျီကွံၥ် နူကလံယါတၢ်မၤပျံၤမၤဖူးဒီးမျိၥ်တၢ်မၤပျံၤမၤဖူးတဖၣ်အဂ့ၢ်ဒီး
လါယူၤ(၁၇)သီ,၂၀၂၅နံၣ် ကီၫ်ကၠီၣ်တဲၣ်ပူၤ အပူၤကွံာ်တနွံအတီၫ်ပူၤန့ၣ် ပှၤဘၣ်ကူဘၣ်ဂာ် ခိၣ်ဘံး-၁၉ အိၣ်၀ဲ ၇၆,၀၀၀ဂၤဘျဲၣ်အသိး တၫ်သံတၫ်ပှၫ်အနီၫ်ဂံၫ် အိၣ်ထီၣ်၀ဲ ပှၤ(၄၀)ဂၤအဂ့ၫ် ဖဲမဟါနံၤ The Nation Thailandတၫ်ကစီၣ်ပူၤ ပာ်ဖျါ၀ဲလီၤ. တၫ်အံၤမ့ၫ်ဖဲအပူၤကွံာ် လါယူၤ(၈)သီတုၤ(၁၄)သီအတီၫ်ပူၤ တၫ်ဆါအတၫ်ရၤလီၤသးတၫ်အိၣ်သးတဖၣ် ကီၫ်ကၠီၣ်တဲၣ် တၫ်ပၢဆှၢတၫ်ဆါ၀ဲၤကျိၤ(DDC)ထုးထီၣ်ဘိးဘၣ်ရၤလီၤ၀ဲ၀ံၤ ၀့ၫ်ဘီကိာ်န့ၣ် ဘၣ်ကူဘၣ်ဂာ်အါကတၢၫ်ဒီး ပှၤသူၣ်က့
လါယူၤ(၁၇)သီ,၂၀၂၅နံၣ် သုးကီၣ်ကးန့ၣ် တအါဒီကလုာ်တၫ်ထူၣ်ဖျဲးသုးမုၫ်ဒိၣ်(TNLA)ထီၣ်ဒုးမၤန့ၫ်ဃာ် ၀့ၫ်နီၣ်ခၠိၣ်အံၤ ကက့ၤမၤန့ၫ်ကဒါက့ၤ၀ဲအဂီၫ် ဟဲထီၣ်ဒုး၀ဲလၢဂံၫ်ဘါအါအါဂီၫ်ဂီၫ်အဂ့ၫ် တၫ်သ့ၣ်ညါဘၣ်လီၤ. ၀့ၫ်နီၣ်ခၠိၣ်အပူၤ အိၣ်မတံ,ယ့ၣ်မီတါဒီးလဲးပၣ်ကိသ၀ီတဖၣ်အပူၤ ဖဲလါယူၤ(၁၅)သီနံၤ,ဂီၤအကတီၫ်န့ၣ် သုးကီၣ်ကးဒီး TNLAအဘၢၣ်စၢၤ တၫ်ဒုးကဲထီၣ်၀ဲဒိၣ်ဒိၣ်မုာ်မုာ်အဂ့ၫ် တၫ်သ့ၣ်ညါဘၣ်လီၤ. “တၫ်ဒုးကဲထီၣ်တလီၫ်လီၫ်လီၤ.လၢတီၣ်ခါတကပၤ ဂံၫ်ဘါဒီးပၠ့ၣ်အူလွ့ၣ်တကပၤ ဂံၫ်ဘါတဖၣ် ပာ်ဖှိၣ်ထီၣ်သး၀ံၤ ထီၣ် ဒုး၀့ၫ်နီၣ်ခၠိၣ်လီၤ.ပာ်ဂံၫ်ပာ်ဘါ၀ဲဒြိဒီးသူ၀ဲမ့ၣ်ပိၫ်လၢအိၣ်ဒီးဂာ်သ၀ံအစုာ်အပျၫ်တဖၣ်အဂ့ၫ်”ဂ့ၫ်ခီၣ်ထံးသုးဂ့ၫ်၀ီတၫ်ကစီၣ်တဲ၀ဲလီၤ. သုးကီၣ်ကးအသုးန့ၣ် ဖဲအိမတံဒီးယ့ၣ်မီတါသ၀ီတၫ်ဒုးအပူၤ ခးလီၤကျိဖးဒိၣ်(၃)ဖျၢၣ်,တ့ၫ်လီၤမ့ၣ်ပိၫ်အိၣ်လၢအိၣ်ဒီး
လါယူၤ(၁၇)သီ,၂၀၂၅နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၆), ကီၢ်ရ့ၣ်ဒူပျၥ်ယၥ်, ကီးတရံးကီၢ်ဆၣ်အပူၤ တၢ်ရဲၣ်ကျဲၤမၤ၀ဲ တၢ်ထီၣ်ဒုးသုးကလၢၤတဖၣ်အဃိ ကညီပှၤစံၣ်သုးပှၤလီၢ်အိၣ်ကမှံဖိ(၁၀၀)ဂၤဘျဲၣ်လၢဟဲအိၣ်ကဒုဆူကၠီၣ်တဲၣ်တဖၣ် က့ၤဆူအိၣ်ဆိးလီၢ်ကျဲတသ့ဒံးဘၣ်ဒီး အိၣ်ထီဃၥ်အသးအဂ့ၢ်တၢ်သ့ၣ်ညါဘၣ်န့ၣ်လီၤ. ကညီပှၤစံၣ်သုးပှၤလီၢ်အိၣ်ကမှံဖိတဖၣ်န့ၣ် မ့ၢ်ပှၤလၢအိၣ်ဖဲ ရွ့ၣ်အ့မၠဲၣ်သ၀ီဒီးအူးကရံးထၣ်သ၀ီတဖၣ်အပူၤ၀ံၤ ဟဲအိၣ်ကဒုဖဲ ကၠီၣ်တဲၣ်, ဖိးဖရး၀့ၢ်, မီၢ်ကဲသ၀ီအကပၤ တၢ်ပၥ်ကီၤဘူခ့ၣ်အလီၢ်အပူၤ ပိၥ်ခွါ(၂၆)ဂၤ, ပိၥ်မုၣ်(၄၇)ဂၤ, ဖိသၣ်ဆံး,ပိၥ်ခွါဒီးပိၥ်မုၣ်(၅၀)ဂၤ, ခဲလၢၥ်ပၥ်ဖှိၣ်(၁၂၃)ဂၤန့ၣ်လီၤ. “လၢရွ့ၣ်အ့မၠဲၣ်န့ၣ်
လါယူၤ(၁၆)သီ,၂၀၂၅နံၣ် ဖဲလါယူၤ(၁၅)သီဂီၤအကတီၫ် အံၣ်စရ့ဒီးအံၣ်ရၣ် ဒုးခးလိာ်အသးကဒဲကဒဲ၀ံၤ အံၣ်စရ့န့ၣ် ပညိၣ်ခး၀ဲ အံၣ်ရၣ်တၫ်ဒီသဒၢ၀ဲၤဒၢးခိၣ်ကျၢၫ်ဒီးဂံၫ်ဘါသဟီၣ် ရ့ၣ်နီၣ်သိတၫ်ဖံးတၫ်မၤတဖၣ်န့ၣ်လီၤ. အံၣ်ရၣ်ခးထီၣ် မျိာ်သၣ်တဖၣ်ဒီး နုာ်လီၤ၀ဲဆူအံၣ်စရ့ကလံၤကျါအကတီၫ် လၢထံကီၫ်အပူၤ ကၣ်လံၣ်လံၣ်ဟီၣ်က၀ီၤပာ်ဃုာ် လီၫ်က၀ီၤတနီၤအပူၤ တၫ်ပိၫ်ဖးအိၣ်ထီၣ်၀ဲဒီး ကမျၢၫ်ဘၣ်သံ(၄)ဂၤအဂ့ၫ် အံၣ်စရ့ပှၤဘၣ်မူဘၣ်ဒါတဖၣ် တဲ၀ဲလီၤ. အံၣ်စရ့စ့ၫ်ကီး အံၣ်ရၣ်တၫ်ဒီသဒၢ၀ဲၤဒၢးခိၣ်ကျၢၫ်ပာ်ဃုာ် တၫ်လီၫ်လၢဘၣ်ထွဲဒီးနူကလံယါတၫ်တိာ်ကျဲၤတဖၣ် ပညိၣ်ဒုး ခး၀ဲတပယူာ်ဃီအသိး
လါယူၤ(၁၆)သီ,၂၀၂၅နံၣ် တၫ်ကသူၣ်ထီၣ် ကညီကီၫ်ကီၫ်သူလ့ၤအဂီၫ် သးစၫ်ပှၤကူၣ်သ့တဖၣ်န့ၣ် လိၣ်လၢကနုာ်လီၤမၤသကိးတၫ်လၢ သနၢၣ်ကိးကလုာ်ဒဲးအပူၤ၀ံၤ ခါလၢကဟဲ ပနီၫ်ကစၫ်အဘူၣ်အတီၫ်န့ၣ် ပကဘၣ်စံၣ်ညီၣ်ဒၣ်ပ၀ဲလီၤဒီးပပၢဆှၢ၀ဲကဘၣ်န့ၫ်အဂ့ၫ် ကညီဒီကလုာ်စၢဖှိၣ်ကရၢ -KNU ပှၤပၢၤလီၫ်ဆ့ၣ်နီၤ ပဒိၣ်စီၤကွဲၤထူ၀့တဲ၀ဲလီၤ. ဖဲလါယူၤ(၁၄)သီနံၤ လီၤဘၣ်(၇၆)၀ီတ၀ီ ကီၫ်သူလ့ၤအမုၫ်နံၤအပူၤ ကညီဒီကလုာ်စၢဖှိၣ်ကရၢ-KNU ပှၤပၢၤလီၫ်ဆ့ၣ်နီၤ ပဒိၣ်စီၤကွဲၤထူ၀့ အတၫ်ကတိၤလီၤအပူၤ ဖၢနုာ်တဲလီၤဃုာ်၀ဲဒ်သိးအံၤန့ၣ်လီၤ. KNUန့ၣ် ကီၫ်ပယီၤတၫ်ဘှီဘၣ်ဆီတလဲအဂီၫ်
လါယူၤ(၁၆)သီ,၂၀၂၅နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူသထူၣ်, ကၠဲးထိၣ်ကီၢ်ဆၣ်အပူၤ ခီဖျိသုးကီၣ်ကးအသုး ခးလီၤကျိဖးဒိၣ်အဃိ လီၢ်က၀ီၤကမျၢၢ်ပိၥ်ခွါ(၁)ဂၤသံ၀ဲ၀ံၤ (၄)ဂၤဘၣ်ဒိ၀ဲအဂ့ၢ် KNUလီၢ်ခၢၣ်သးပၥ်ဖျါဃၥ်၀ဲတၢ်ကစီၣ်န့ၣ်လီၤ. လါယူၤ(၁၁)သီအနံၤန့ၣ် ခီဖျိသုးကီၣ်ကးအသုး (ခမရ-၃)သုးရ့ၣ်သုးကလၢၤခးလီၤကျိဖးဒိၣ်ဆူ ကၠဲးထိၣ်ကီၢ်ဆၣ်, အလူကၠံသ၀ီအပူၤအဃိ ကမျၢၢ်ပိၥ်ခွါလၢသးနံၣ်အိၣ်(၃၄)နံၣ်တဂၤ သံ၀ဲဒီးပှၤ(၄)ဂၤဘၣ်ဒိ၀ဲအဂ့ၢ် ပၥ်ဖျါဃၥ်၀ဲန့ၣ်လီၤ. ခီဖျိကျိဖးဒိၣ်အဃိ ဟံၣ်ဃီတနီၤဒီးသိလ့ၣ်(၁)ခိၣ် ဘၣ်ဟးဂီၤကွံၥ်၀ဲအဂ့ၢ် တၢ်သ့ၣ်ညါဘၣ်န့ၣ်လီၤ. သုးကီၣ်ကးအသုးန့ၣ် ခးလီၤ၀ဲကျိဖးဒိၣ်တဖၣ်ဆူ
လါယူၤ(၁၆)သီ,၂၀၂၅နံၣ် တၢ်ဒုးဆူၣ်လၢ ရၢၢ်ခၢၣ်ကီၢ်စဲၣ်, ကၠီးဖၠူၣ်၀့ၢ်တၢ်ဒုးအပူၤ သုးကီၣ်ကးအသုး ဟဲပၥ်လီၤစုက၀ဲၤလၢသုးရ့ၣ်ဒီတရ့ၣ်အဂ့ၢ် Arakan Princess media ပၥ်ဖျါဃၥ်၀ဲတၢ်ကစီၣ်န့ၣ်လီၤ. သုးကီၣ်ကးအပှၤသုးဖိလၢဟဲပၥ်လီၤစုက၀ဲၤလၢAAသုးမုၢ်ဒိၣ်အအိၣ်တဖၣ်န့ၣ်ခီဖျိလၢသုးကီၣ်ကးဟ့ၣ်တၢ်ဆီၣ်သနံးအဃိ ဘၣ်ဒုးတၢ်၀ံၤ တအဲၣ်ဒိးဒုးတၢ်လၢၤဘၣ်အဃိ ဟဲပၥ်လီၤ၀ဲစုက၀ဲၤအဂ့ၢ် စံး၀ဲန့ၣ်လီၤ. ကၠီးဖၠူၣ်တၢ်ဒုးအပူၤ သုးကီၣ်ကးအပှၤသုးဖိတနီၤ ပၥ်တ့ၢ်သုးရ့ၣ်သုးကလၢၤတဖၣ်၀ံၤဃ့ၢ်ပဒ့ၣ်အသးတဖၣ် အိၣ်ထီၣ်၀ဲအဃိ ကိးမုၢ်နံၤတၢ်ဘၣ်လူၤဖီၣ်အီၤအဂ့ၢ် တၢ်သ့ၣ်ညါဘၣ်န့ၣ်လီၤ. ကၠီးဖၠူၣ်ကီၢ်ဆၣ်တၢ်ဒုးအပူၤ AA