လါယူၤ(၁၆)သီ,၂၀၂၅နံၣ်
ဖဲလါယူၤ(၁၅)သီဂီၤအကတီၫ် အံၣ်စရ့ဒီးအံၣ်ရၣ် ဒုးခးလိာ်အသးကဒဲကဒဲ၀ံၤ အံၣ်စရ့န့ၣ် ပညိၣ်ခး၀ဲ အံၣ်ရၣ်တၫ်ဒီသဒၢ၀ဲၤဒၢးခိၣ်ကျၢၫ်ဒီးဂံၫ်ဘါသဟီၣ် ရ့ၣ်နီၣ်သိတၫ်ဖံးတၫ်မၤတဖၣ်န့ၣ်လီၤ.
အံၣ်ရၣ်ခးထီၣ် မျိာ်သၣ်တဖၣ်ဒီး နုာ်လီၤ၀ဲဆူအံၣ်စရ့ကလံၤကျါအကတီၫ် လၢထံကီၫ်အပူၤ ကၣ်လံၣ်လံၣ်ဟီၣ်က၀ီၤပာ်ဃုာ် လီၫ်က၀ီၤတနီၤအပူၤ တၫ်ပိၫ်ဖးအိၣ်ထီၣ်၀ဲဒီး ကမျၢၫ်ဘၣ်သံ(၄)ဂၤအဂ့ၫ် အံၣ်စရ့ပှၤဘၣ်မူဘၣ်ဒါတဖၣ် တဲ၀ဲလီၤ.
အံၣ်စရ့စ့ၫ်ကီး အံၣ်ရၣ်တၫ်ဒီသဒၢ၀ဲၤဒၢးခိၣ်ကျၢၫ်ပာ်ဃုာ် တၫ်လီၫ်လၢဘၣ်ထွဲဒီးနူကလံယါတၫ်တိာ်ကျဲၤတဖၣ် ပညိၣ်ဒုး ခး၀ဲတပယူာ်ဃီအသိး အံၣ်ရၣ်တၫ်ပၢဆၢသုးစ့ၫ်ကီးဒုးခးက့ၤ၀ဲတၫ်ပာ်ကီၤကဘီယူၤသိအလီၫ်တဖၣ်ဒီးဂံၫ်ဘါသဟီၣ် တၫ်သူၣ်ထီၣ်တၫ်လီၫ်တဖၣ်အဂ့ၫ် တဲ၀ဲလီၤ.
ခံကပၤတၫ်ဒုးခးလိာ်သးတဖၣ် ကဲထီၣ်တပယူာ်ဃိ၀ံၤ အမဲရကၤဒီးအံၣ်ရၣ်အဘၢၣ်စၢၤ တၫ်တၢၣ်ပီၣ်တဲသကိးနူကလံ ယါတၫ်ဂ့ၫ်တဖၣ်စ့ၫ်ကီး ပာ်ပတုာ်ကွံာ်၀ဲန့ၣ်လီၤ.တၫ်အဃိ အံၣ်စရ့ဒီးအံၣ်ရၣ်အဘၢၣ်စၢၤ တၫ်ဒုးလိာ်သးအံၤကကတၢၫ် အဆၢကတီၫ်ဖဲလဲၣ်တခီ တလီၤတံၫ်ဒံးဘၣ်.
“ကဒွဲၣ်အူမၤလီၤကလဲကွံာ် တံၣ်ဟံၣ်ရၣ်အဂ့ၫ်”အံၣ်စရ့တၫ်ဒီသဒၢကိတိာ်စ့ၫ်ကီး ကွဲးဖျါဃာ်၀ဲလၢအပှၤတ၀ၢပှာ်ဘျးစဲ အဖီခိၣ်န့ၣ်လီၤ.အံၣ်စရ့ပဒိၣ် မၤတၫ်ဘံၣ်တၫ်ဘၢတၫ်အိၣ်ဖှိၣ်အကတီၫ် မျိာ်သၣ်လၢအံၣ်ရၣ်ခးထီၣ်၀ဲတဖၣ် လီၤတဲာ်ပိၫ် ဖးဖဲ၀့ၫ်တဲအဘံးအပူၤအဂ့ၫ် အံၣ်စရ့တၫ်ဒီသဒၢဒီးအံၣ်ရၣ်ကွဲၤဟူဖျါတၫ်ကစီၣ်တဖၣ် ပာ်ဖျါ၀ဲလီၤ.
ကီၫ်အံၣ်စရ့အတၫ်ဘံၣ်တၫ်ဘၢဒီးအဲၣ်ဒိးတြီ၀ဲ အံၣ်ရၣ်အတၫ်ထုးထီၣ်နူကလံယါတဖၣ်အဃိ လၢတသ့တဘၣ်အပူၤ ဘၣ်ဒုး၀ဲအဂ့ၫ် အံၣ်စရ့ကိတိာ်ခိၣ်ကျၢၣ် န့ၣ်တၣ်ယၣ်ဟူတဲဃာ်၀ဲဘၣ်ဆၣ် ထံကပၤအဘၢၣ်စၢၤ သုးဂ့ၫ်၀ီတၫ်ဖ့ၣ်ဆၢန့ၣ် ကဲထီၣ်တ့ၫ်အသး ဖးယံာ်လံန့ၣ်လီၤ.
လၢကတီၫ်အံၤ ထံကီၫ်ခံဘ့ၣ်အံၤ ဒုးခးလိာ်သးကဒဲကဒဲ ဆူၣ်ထီၣ်တပယူာ်ဃီအဃိ ထံကီၫ်ဂ့ၫ်ခီၣ်ထံးတၫ်သူၣ်ထီၣ်တဖၣ် ဘၣ်ဟးဂီၤ၀ံၤ ထံဖိကီၫ်ဖိကမျၢၫ်တဖၣ်စ့ၫ်ကီး တၫ်သံတၫ်ပှၫ်ဘၣ်အိၣ်ထီၣ်၀ဲလီၤ.
Ref: AP
