လါယူၤ(၁၉)သီ, ၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်ကဝီၤ, ကီၢ်ရ့ၣ်ဒူပျၥ်ယၥ်, ကီၢ်ဆၣ်ကီးတရံး မုၢ်ထီၣ် ဖလူဖးဒိၣ်သဝီ, နီၢ်ဂံၢ် (၄) ကဝီၤဒ့ အပူၤ ကီၢ်ရ့ၣ်ဒူပျၥ်ယၥ်, ကီၢ်ရ့ၣ်ပၢၤကီၢ်အသုးဒီး ကီၢ်ဆၣ်ကီးတရံး ကီၢ်ဆၣ်ပၢၤကီၢ်သုးတဖၣ် ဖဲလါယူၤ(၁၄)သီ, မုၢ်ဃ့ၣ်လီၤ (၂း၂၀) နၣ်ရံၣ်ဆၢကတီၢ် ဘၣ်တၢ်လဲၤနုၥ်ဃုတၢ်ဖဲ နီၢ်မူးကါအဟံၣ် ဒီး ဖီၣ်န့ၢ်ဝဲ ကသံၣ်မူၤဘှီးအဖျၢၣ် (၂၄,၉၂၀) ဖျၢၣ်, Cocaine Packing (2) ခါအဂ့ၢ် ခ့ၣ်အဲၣ်ယူ -လီၢ်ခၢၣ်သးပၥ်ဖျါဃၥ်၀ဲတၢ်ကစီၣ်န့ၣ်လီၤ.
တကးဒ်ဘၣ် ဖီၣ်န့ၢ်ဃုၥ်ဒီး လီတဲစိ (Phone) (၁) ဖျၢၣ်, Power Bank (၁) ဖျၢၣ် ဒီး ပသံးထူ (၁) ဘိစ့ၢ်ကီးအဂ့ၢ် စံး၀ဲန့ၣ်လီၤ.
တၢ်ဖီၣ်န့ၢ်ဒီးကသံၣ်မူၤဘှီးလၢအမ့ၢ် နီၢ်မူးကါအံၤ တၢ်ကဘၣ်တၢ်စံၣ်ညီၣ်ဒ် ကညီဒီကလုၥ်စၢဖှိၣ်ကရၢ, ကညီဒီ ကလုၥ်ပၢၤကီၢ်သုး ဒီး ကီၢ်သူလ့ၤသဲစးတၢ်သိၣ်တၢ်ဘျၢ တၢ်မၤကျဲန့ၣ်လီၤ.
ကတီၢ်ခဲအံၤ ခီဖျိလၢ ကသံၣ်မူၤဘှီးဒီး တၢ်တၤကျိၣ်တၢ်စ့တဖၣ်အဃိ သးစၢ်တဖၣ် တကးဒံးဘၣ် ပိၥ်မုၣ်/ပိၥ်ခွါ အါဂၤ အတၢ်အိၣ်မူဟးဂီၤအိၣ်ဝဲဒၣ်အဂ့ၢ် စံး၀ဲန့ၣ်လီၤ.
တၢ်သ့ၣ်တဖၣ်အံၤကဲထီၣ်အသး ခီဖျိလၢ ထံရူၢ်ကီၢ်သဲးသနူလၢ အကမၣ်တဖၣ်အဃိဒီး ထံကီၢ်အပူၤ တၢ်ဆီၣ်သနံးတဖၣ်အဃိကဲထီၣ်ဝဲ တၢ်ကီတၢ်ခဲ ဒီး ထံကီၢ်မုၥ်ကျိၤဝဲၤကွၥ်န့ၣ်ဘၣ်ဒိဘၣ်ထံးဝဲအဃိ ထံဖိကီၢ်ဖိ တဖၣ် ဃုဝဲကျိၣ်စ့လၢ ကျဲဖုၣ်ကျဲညီကျဲဘွါတဖၣ်အဂ့ၢ် တၢ်ကစီၣ်အပူၤ ပၥ်ဖျါဃၥ်၀ဲန့ၣ်လီၤ.
ဒ်သိး ကသံၣ်မူၤဘှီးဒီး တၢ်တၤကျိ တၢ်စ့သ့ၣ်တဖၣ် တၢ်လဲၤတရံးအသးအံၤ ကပတုၥ်အဂီၢ် ထံဖိကီၢ်ဖိကမျၢၢ်ကိးဂၤဒဲး ထံကီၢ်သနူၢ်ဒီး ခိၣ်နၢ်တၢ်တီခိၣ်ရိၣ်မဲၥ် သးသဟီၣ် တၢ်ဆီတလဲကကဲထီၣ်အဂီၢ် မၤသကိးလၢ တၢ်ကူၣ်သ့ၣ်တၢ်သ့ၣ်ညါနီၢ်နီၢ် ဒီး တၢ်ကဆီတလဲမၤသကိးတၢ်အဂီၢ်န့ၣ် ခ့ၣ်အဲၣ်ယူၣ်ဟ့ၣ်သဆၣ်ထီၣ်အီၤန့ၣ်လီၤ.
