လါယူၤလံ ၁၆သီ, ၂၀၂၄နံၣ် ဖဲလါယူၤလံ(၆)သီအနံၤ, ဟါ(၂း၃၀)နၣ်ရံၣ်အဆၢကတီၢ် သုးကီၣ်ကးအသုးလၢအိၣ်ဆီလီၤအသး ဖဲ၀့ၢ်ကၠဲးထိၣ် သုးတြီၤ-၄၄, ၀ၣ်ကလီ(ဝန်ကလော)ဒီးက့မိစခါ(ကင်းမွန်းစခန်း)တဖၣ် ခးလီၤ(၁၂၀-မမ)ကျိဖးဒိၣ်(၃)ဖျၢၣ်ဆူ ကီၢ်ရ့ၣ်ဒူသထူၣ်, ကၠဲးထိၣ်ကီၢ်ဆၣ်, ငပၠီတီကရူၢ်, ငပၠီတီရှါပဲ(ငပျောတောရှမ်းပိုင်း)အပူၤအဃိ ကၠိဖိ(၄)ဂၤပၥ်ဃုၥ်(၆)ဂၤဘၣ်ဒိ၀ဲအဂ့ၢ် တၢ်သ့ၣ်ညါဘၣ်လၢ ဂံၢ်ခီၣ်ထံးတၢ်ကစီၣ်အအိၣ်န့ၣ်လီၤ. “သုးကီၣ်ကးခးလီၤကျိဖးဒိၣ်ဆူ ဒူသ၀ီတဖၣ်အပူၤ ကိးမုၢ်နံၤဃၣ်ဃၣ်လီၤ. အပူၤကွံၥ်အနၤန့ၣ် ခးလီၤ(၃)ဖျၢၣ်(၄)ဖျၢၣ်ညါ. ခဲအံၤန့ၣ်

လါယူၤလံ၁၂သီ, ၂၀၂၄နံၣ် လါယူၤလံ(၉)သီဒီး(၁၀)သီအနံၤ,ခံသီကတီၢ်ပလီၢ်ကီၢ်ဆၣ်(ပုလောမြို့နယ်),ယဲၢ်မံၤလၤသ၀ီပူၤသုးကီၣ်ကးဒီးတၢ်ပၢၢ်ဆၢသိၣ်မှံကရၢသုးပၥ်ဖှိၣ်တဖၣ်အဘၢၣ်စၢၤ တၢ်ဒုးကဲထီၣ်သး၀ံၤ သုးကီၣ်ကးတပၤသုးခိၣ်ဒိၣ်စိ(၁)ဂၤပၥ်ဃုၥ် အပှၤသုးဖိ(၅)ဂၤသံ၀ဲ၀ံၤ သုးစကီၤ(၂)ဂၤစ့ၢ်ကီးတၢ်ဖီၣ်န့ၢ်မူဒံးအိၣ်၀ဲအသိး တၢ်ပၢၢ်ဆၢသုးတပၤစ့ၢ်ကီး သံ၀ဲ(၂)ဂၤအဂ့ၢ် တၢ်သ့ၣ်ညါဘၣ်လၢ ကမျၢၢ်တၢ်ဒီသဒၢသုးအအိၣ်န့ၣ်လီၤ. လါယူၤ(၉)သီအနံၤ, မုၢ်ဃ့ၢ်လီၤ(၂)နၣ်ရံၣ်ဃၣ်ဃၣ်အဆၢကတီၢ် သုးကီၣ်ကးအသုးအဂံၢ်အဘါ(၅၀)အိၣ်သုးကျိၤလၢ ဟဲထီၣ်ဖဲယဲၢ်မံၤလၤသ၀ီပူၤဒီးတၢ်ပၢၢ်ဆၢသိၣ်မှံကရၢသုးပၥ်ဖှိၣ်အဘၢၣ်စၢၤခံခီခံကပၤတၢ်ခးလိၥ်သးတဖၣ်ကဲထီၣ်၀ဲအဂ့ၢ် လီၢ်က၀ီၤတၢ်ပၢၢ်ဆၢသိၣ်ဒူတဖၣ်တဲ၀ဲန့ၣ်လီၤ. “ပဒိးလီၤမ့ၣ်ပိၢ်အဆၢကတီၢ် က့ၤဘၣ်ဒၢးနီၢ်ကစၢ်မ့ၣ်ပိၢ်လီၤ. သံ၀ဲတဘျီဃီလီၤ.”အဂ့ၢ် ဘျံးကီၢ်ရ့ၣ်နီၣ်ဂံၢ်(၁)သုးရ့ၣ် ပှၤကတိၤတၢ်ပၢ တဲ၀ဲန့ၣ်လီၤ.  တၢ်ဒုးကဲထီၣ်သး၀ံၤအလီၢ်ခံ

လါယူၤလံ(၁၀)သီ, ၂၀၂၄နံၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ကီၫ်သူလ့ၤတၫ်ပၢဟီၣ်က၀ီၤ, ချၢၣ်လွံၫ်ထူၣ်ကီၫ်ရ့ၣ်,မူကီၫ်ဆၣ်အပူၤ သုးကီၣ်ကးပညိၣ်ခးလီၤကျိဖးဒိၣ်တဖၣ်ဆူ ကမျၢၫ်အိၣ်ဆိးလီၫ်ကျဲဒီးဖံးအီၣ်မၤအီၣ်လီၫ်ကျဲတဖၣ်ပူၤအဃိ လီၫ်က၀ီၤကမျၢၫ်(၂)ဂၤဘၣ်ဒိ၀ဲ၀ံၤ ဟံၣ်(၁)ဖျၢၣ်ဟးဂီၤကွံာ်၀ဲအဂ့ၫ် ခ့ၣ်အဲၣ်ယူၣ်-လီၫ်ခၢၣ်သးထုးထီၣ်ပာ်ဖျါဃၣ်၀ဲန့ၣ်လီၤ. လါယူၤလံ(၄)သီအနံၤႇ ဟါ(၄)နၣ်ရံၣ်ဘျဲၣ်အဆၢတကီၢ် သုးကီၣ်ကးအသုးလၢအိၣ်ဆီလီၤအသး ဖဲမုၢ်ဃါပျီအံၤခးလီၤ(၈၁-မမ)ကျိဖးဒိၣ်(၁)ဖျၢၣ်အဃိ လဲၤလီၤတဲာ်ပိာ်ဖးထီၣ်ဝဲဒၣ် ဖဲယ့ၣ်လဲသဝီပူၤန့ၣ်လီၤ. လါယူၤလံ(၆)သီအနံၤ(၈း၃ဝ)နၣ်ရံၣ်အဆၢကတီၢ်စ့ၢ်ကီးသုးကီၣ်ကးအသုးလၢအိၣ်ဆီလီၤအသးဖဲယ့ၣ်အိစ့ၣ်အံၤခးလီၤကဒီး(၈၁-မမ)ကျိဖးဒိၣ်(၁)ဖျၢၣ်ဆူ ယ့ၣ်ဖၠူၣ်သဝီပူၤန့ၣ်လီၤ. လါယူၤလံ(၇)သီအနံၤႇဟါ(၇း၃ဝ)နၣ်ရံၣ်အဆၢကတီၢ်  သုးကီၣ်ကးအသုး(ခမရ−၃၀၇)သုးရ့ၣ်အံၤ ခးလီၤကဒီး(၈၁-မမ)ကျိဖးဒိၣ်(၂)ဖျၢၣ်ဆူ ပၠ့မးပ့ၣ်သဝီပူၤအဃိ သဝီဖိ(၂)ဂၤဘၣ်ဒိဝဲန့ၣ်လီၤ.