လါအီးကထိဘၢၣ်(၁၁)သီ,၂၀၂၄နံၣ်
ခ့ၣ်အဲၣ်ယူၣ်,ကညီဒီကလုၥ်စၢဖှိၣ်ကရၢ,ဖၢ်အၣ်ကီၢ်ရ့ၣ်,ဒူယီၢ်ကီၢ်ဆၣ်အပူၤ, လါအီးကထိ(၁၀)သီအနံၤ, ဂီၤခီ(၇)နၣ်ရံၣ်ဘျဲၣ်အဆၢကတီၢ်,တၢ်ခးအီၤသုးကီၣ်ကးအသုးဖိလၢဟံးန့ၢ်ပှၤထၢဖးဖီမုၢ်စရီတၢ်ဘံၣ်တၢ်ဘၢတဖၣ်လၢ RPG ဖဲသၣ်မညၣ်,ဝ့စ့ၤသဝီဟီၣ်ကဝီၤအပူၤအဂ့ၢ် ဂံၢ်ခီၣ်ထံးတၢ်ကစီၣ်စံးဝဲန့ၣ်လီၤ.
ဖဲလၢတၢ်လဲၤဒုးအီၤအပူၤ သုးကီၣ်ကးအသုး ဘၣ်သံ၀ဲ(၃)ဂၤ ဒီး တၢ်ဘၣ်ဒိဘၣ်ထံးတဖၣ်စ့ၢ်ကီးအိၣ်၀ဲအဂ့ၢ် စံး၀ဲန့ၣ်လီၤ.
တၢ်ထၢဖးဖီမုၢ်စရီဒီးတၢ်ဃုထၢလၢ သုးကီၣ်ကးကမၤ၀ဲအံၤအပူၤ တၢ်သုတၢ်ပၥ်ဃုၥ်ပၥ်ဂီၢ်တဂ့ၤအဂီၢ် တၢ်ပၢၢ်ဆၢသုးတဖၣ် ဟ့ၣ်ပလီၢ်ဃၣ်တဖၣ်စ့ၢ်ကီးအိၣ်၀ဲန့ၣ်လီၤ.
တကးဘၣ် ကါနံၣ်သ၀ီကဲဒိတဲၥ်လၢ အိၣ်စီၤစုၤဒီး ကၠိၣ်ဒိမုၢ်နုၥ်သၢမံၤလၤအပူၤ တၢ်ပၢၢ်ဆၢသုးတဖၣ် ဟံးသုးကီၣ်ကးအပၢပြးခိၣ်နၣ်တဖၣ်ဂ့ၢ်၀ီအိၣ်၀ဲဘၣ်ဆၣ် အ၀ဲသ့ၣ်ထၢခူသူၣ်ဖးဖီမုၢ်စရီတဖၣ်အိၣ်၀ဲအဂ့ၢ် တၢ်သ့ၣ်ညါဘၣ်လၢ ဂံၢ်ခီၣ်ထံးတၢ်ကစီၣ်အအိၣ်န့ၣ်လီၤ.
တၢ်ကဟံးသုးကီၣ်ကးအပၢပြးခိၣ်နၢ်တဖၣ်ဂ့ၢ်၀ီအဆၢကတီၢ် ပၢပြးခိၣ်နၢ်တနီၤလၢ လဲၤအိၣ်ကဒု ဖဲ (ခမရ-၅၄၅)သုးရ့ၣ်လၢ အိၣ်ဆီလီၤအသးဖဲ ကၠိၣ်ဒိ၀့ၢ်ပူၤတဖၣ်စ့ၢ်ကီးအိၣ်၀ဲအဂ့ၢ် ဂံၢ်ခီၣ်ထံးတၢ်ကစီၣ်တဖၣ် စံး၀ဲန့ၣ်လီၤ.
ဘၣ်ထွဲဒီးတၢ်ခးသုးကီၣ်ကးအသုးဖိလၢဟံးန့ၢ်ပှၤထၢဖးဖီမုၢ်စရီတၢ်ဘံၣ်တၢ်ဘၢတဖၣ်လၢ RPGအဖီခိၣ် တၢ်ဘၣ်ဒိဘၣ်ထံးဒီးတၢ်သံတၢ်ပှၢ်အိၣ်၀ဲအဂ့ၢ် သုးကီၣ်ကးန့ၢ်ပၢတၢ်ကစီၣ်သန့တဖၣ် စ့ၢ်ကီးပၥ်ဖျါဃၣ်၀ဲန့ၣ်လီၤ.
Ref: Salween Press
