လါအီးကထိဘၢၣ်(၁၄)သီ,၂၀၂၄နံၣ်
သုးကီၣ်ကးအသုးလဲၤဒုးလၢဒြိမ့ၣ်ပိၢ် ဖဲစကဲကီၫ်ခီ,ကီၫ်ဆၣ်ကးဘလုၢ်,အ့လဲၣ်သ၀ီပူၤအဃိ ဖိသၣ်(၂)ဂၤပာ်ဃုာ် ဘၣ်သံ(၃)ဂၤ၀ံၤဘၣ်ဒိဘၣ်ထံး(၈)ဂၤအဂ့ၫ်န့ၣ်လီၤ.
ဖဲလါအီးကထိဘၢၣ် (၁၂)သီအနံၤ ဂီၤ(၁း၃၀)နၣ်ရံၣ်အဆၢကတီၫ် ပၠူၣ်စီထံအသုးကလၢၤသုးဖိတဖၣ်ဒီးပၠူၣ်စီထံတဖၣ် လဲၤတ့ၫ်လီၤဒြိမ့ၫ်ပိၫ်(၃)ဖျၢၣ် ဆူကီၫ်ဆၣ်ကးဘလုၢ်,အ့လၣ်ကၠံသ၀ီအဃိ ဖိသၣ်(၂)ဂၤပာ်ဃုာ် ဘၣ်သံ(၃)ဂၤ၀ံၤဘၣ်ဒိဘၣ်ထံး(၈)ဂၤအဂ့ၫ် တၫ်သ့ၣ်ညါဘၣ်လၢ ကၠိလးပှၤသူၣ်ဆူၣ်သးဂဲၤကရၢတဖၣ်အိၣ်န့ၣ်လီၤ.
ပှၤလၢဘၣ်သံတဖၣ်မ့ၫ်၀ဲ မဖၠူၣ်၀့,သးနံၣ်(၃၀)နံၣ်,သးနံၣ်(၄)နံၣ်အိၣ် မသ့းသ့းဖၠူၣ်ဒီးသးနံၣ် (၁၀)နံၣ်အိၣ် မည့အံးစၣ်တဖၣ်န့ၣ်လီၤ.
ဖဲအပူၤကွံာ် လါအီးကထိဘၢၣ်(၁၁)သီနံၤ သိလ့ၣ်ဒုးသုး သုးရ့ၣ်(၆၀၀၆),သုးဖိဂံၫ်ဘါအိၣ်(၇၀)ဂၤ သုးကျိၤအံၤ နုာ်လီၤလၢသ၀ီပူၤ၀ံၤ ဒုး၀ဲသ၀ီလၢအိၣ်ဘူးဖဲန့ၣ်တဖၣ်လၢဒြိအဂ့ၫ် တၫ်သ့ၣ်ညါဘၣ်လီၤ.
“ကးဘလူ သိလ့ၣ်ဒုးသုးကရၢတဖၣ် ဘၣ်တၫ်ဆှၢအီၤဆူပ့ၣ်လဲၣ်ဘူသုးကလၢာ်လံ. အခဲအံၤ နုာ်လီၤဒုး ၀ဲသ၀ီလၢအိၣ်ဘူးဖဲန့ၣ်တဖၣ်လၢးဒြိလီၤ.တၫ်လၢအိၣ်တဖၣ်နုာ်လီၤဟုၣ်၀ဲအိၣ်န့ၣ်လီၤ.တၫ်ကမၣ်လၢအဂၤတဖၣ်စ့ၫ်ကီးမၤကမၣ်၀ဲအိၣ်ဒီးလီတဲစိတၫ်ဆဲးကျိးတအိၣ်ဘၣ်အဃိ တၫ်ကမၣ်အဂၤလၢမၤ၀ဲတဖၣ် တၫ်တသ့ၣ်ညါဘၣ်အဂ့ၫ်” ကးဘလူလီၫ်က၀ီၤဖိတဂၤတဲ၀ဲလီၤ.
ကးဘလုၢ်,၆၀၀၆သုးကလၢၤသုးကျိၤတဖၣ် လဲၤနုာ်လီၤဒီးသုးကျိၤဒ်သိးအပူၤကွံာ်တန့ၢ်လၢၤဘၣ်ဒီး သ၀ီဖိဖဲန့ၣ်အတၫ်ဖိတၫ်လံၤတဖၣ် ဟုၣ်အီၣ်၀ဲအိၣ်အဂ့ၫ်ဒီး လူၤတ့ၫ်လီၤမ့ၣ်ပိၫ်လၢသ၀ီတဖၣ်အပူၤ တပယူာ်ဃီန့ၣ်လီၤ.
ကီၫ်ဆၣ်ကးဘလုၢ်အပူၤ သုးကီၣ်ကးဟလူၤတ့ၫ်လီၤမ့ၣ်ပိၫ်ဒ်သိးန့ၣ်အဃိ ဖဲလါစဲးပထ့ဘၢၣ်အတီၫ်ပူၤ ကမျၢၫ်ဘၣ်သံ(၆)ဂၤအဂ့ၫ် တၢ်သ့ၣ်ညါဘၣ်လၢ ကၠိလးပှၤသူၣ်ဆူၣ်သးဂဲၤကရၢတဖၣ်အိၣ်န့ၣ်လီၤ.
Ref: Ayeyarwaddy Times
