လါအီးကထိဘၢၣ်(၁၁)သီ,၂၀၂၄နံၣ်
တၫ်မၤကတၢၫ်ကွံာ် ကီၫ်ပယီၤထံလီၫ်ကီၫ်ပူၤတၫ်ဒုးတၫ်ယၤ တၫ်ကဒုးအိၣ်ထီၣ်အမိၫ်လံၤမိၫ်ပှၫ်အဂီၫ် ကယီၤသုးကီၣ်ကး အတၫ်ဂုၫ်ကျဲးစၢးတဖၣ်န့ၣ် တလၢထီၣ်ပှဲၤထီၣ်ဘၣ်အဂ့ၫ် အၣ်စံၣ်ယၣ်ခိၣ်နၫ်တဖၣ် တဲ၀ဲဖဲလါအီးကထိဘၢၣ် (၁၀)သီအနံၤန့ၣ်လီၤ.
၂၀၂၁နံၣ် သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ၀ံၤအလီၫ်ခံ တယံာ်ဒံးဘၣ်အတီၫ်ပူၤ သုးကီၣ်ကးန့ၣ် အၢၣ်လီၤတူၫ်လိာ် အၣ်စံၣ်ယၣ်တၫ်အၢၣ်လီၤ(၅)ထံၣ်ဘၣ်ဆၣ် ပှၤလၢထီဒါအီၤတဖၣ် မၤသံ၀ဲတဘိယူၤဃီအဂ့ၫ် တၫ်ကစီၣ်ပူၤပာ်ဖျါ၀ဲလီၤ.
သုးဟံးန့ၫ်တၫ်စိတၫ်ကမီၤ၀ံၤအလီၫ်ခံ ပှၤဘၣ်တၫ်မၤသံလၢအကထိတကးဘၣ်,ပှၤလၢအကကွဲၫ် ဘၣ်ပာ်တ့ၫ်တၫ်အိၣ်ဆိးလီၫ်ကျဲဃ့ၫ်ပူၤဖျဲးသး၀ံၤ သးစၫ်တဖၣ်အခါဆူညါတၫ်အိၣ်မူကဂ့ၤထီၣ်အဂီၫ် ကဲထီၣ်တၫ်ဆီၣ်တခူထီၣ်တခါလၢ ကဘၣ်လဲၤဆူကီၫ်ဂၤန့ၣ်လီၤ.
ဘၣ်ထွဲကီၫ်ပယီၤ ဘီမုၫ်စၢဖှိၣ်ကရၢပှၤဂ့ၫ်၀ီခွဲးယာ်ခၢၣ်စးလီၤဆီ တိၣ်အ့ၣ်ဒရူ(Tom Andrews)စ့ၫ်ကီး တဲ၀ဲလၢ ကီၫ်ပယီၤထံလီၫ်ကီၫ်ပူၤတၫ်ဒုးတၫ်ယၤအဂီၫ် ထံဂုၤကီၫ်ဂၤအတၫ်ခီၣ်ဆၢန့ၣ် တအိၣ်ဖျိဖျိဖျါဖျါဘၣ်န့ၣ်လီၤ.
Ref: RFA
