လါယနူၤအါရံၤ(၈)သီ,၂၀၂၅နံၣ် ဖဲလါယနူၤအါရံၤ(၆)သီနံၤ, ဂီၤခီအကတီၫ် ကညီကီၫ်စဲၣ်,ရၤမတံကီၫ်ဆၣ်,ယ့ၣ်ပူၣ်သ၀ီ,က၀ီၤဒ့နီၫ်ဂံၫ်(၅)အပူၤ မ့ၣ်ပိၫ်ပိၫ်ဖးထီၣ်အဃိ ပှၤဘၣ်သံ(၃)ဂၤ၀ံၤ ဘၣ်ဒိဘၣ်ထံး(၃)ဂၤအဂ့ၫ် လီၫ်က၀ီၤဖိတဖၣ်တဲ၀ဲလီၤ. တၫ်ကဲထီၣ်သးအပူၤ သးနံၣ်(၃၀)ဘျဲၣ် ကိၣ်မ့သါကၠံဒီးအမါ,မိၫ်ဒၢတဂၤ အဟၢဖၢပူၤ ဖိသၣ်(၁)ဂၤသံ၀ံၤ မိၫ်ဒၢ၀ဲန့ၣ်ဒီး ပိာ်မုၣ်လၢအဂၤ(၂)ဂၤ ဘၣ်ဒိဘၣ်ထံး၀ဲအဂ့ၫ်တဲ၀ဲလီၤ. မ့ၣ်ပိၫ်အံၤ ပိၫ်ဖးထီၣ်၀ဲဖဲကိၣ်မ့သါကၠံလၢသံအံၤ ၀ံဃာ်ထၢၣ်ပူၤအဃိ ပှၤလၢအိၣ်ဖဲတၫ်ကပိာ်ကပၤတဖၣ် ဘၣ်ဒိဘၣ်ထံး ၀ဲအဂ့ၫ် ပှၤ၀့ၫ်ရၤမတံ၀့ၫ်ဖိတဂၤတဲ၀ဲလီၤ.

လါယနူၤအါရံၤ(၇)သီ,၂၀၂၄နံၣ် ခ့ၣ်အဲၣ်ယူၣ်ကညီဒီကလုာ်စၢဖှိၣ်ကရၢ,သုးက့နီၣ်ဂံၢ်(၄),ကီၢ်ရ့ၣ်ဘျံးဒဝဲၢ်,တနီသရံၣ်ကီၢ်ဆၣ်ဟီၣ်ကဝီၤအပူၤ ကဘီချံတဘ့ၣ်လၢအဟဲတီဃုၥ်ဝဲဟုသးအထၢၣ်(၂၀၀၀)ဘျဲၣ်လၢ ကလဲၤဆှၢန့ၢ်ဝဲပယီၤသုးသ့ၣ်တဖၣ်တၢ်အီၣ်အဂီၢ်အံၤ သုးက့နီၣ်ဂံၢ်(၄)ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးရ့ၣ်(၁၁)ဖီၣ်န့ၢ်၀ဲအဂ့ၢ် ကီၢ်ရ့ၣ်ဘျံးဒ၀ဲၢ်နဲၣ်ရွဲၣ်ပဒိၣ်စီၤအဲၣ်နၤ စံးဘၣ်R2Kန့ၣ်လီၤ. ကီၢ်ရ့ၣ်ဘျံးဒ၀ဲၢ်နဲၣ်ရွဲၣ်ပဒိၣ်စီၤအဲၣ်နၤ စံး၀ဲလၢ” အကဲထီၣ်သးန့ၣ် ဖဲ(၂)သီအနံၤန့ၣ် ဒုၣ်ဒါန့ၣ်သူ၀ဲဒၣ် ပၠူၣ်စီထံအခိၣ်ချံဒီး တီၣ်ဟုသးအထၢၣ်(၂)ကထိဘျဲၣ်မီၤ. ကဘီတီၣ်ဟုးသးန့ၣ် လဲၤလၢပီၣ်လဲၣ်ပူၤဒီး ပပှၤဖီၣ်န့ၢ်၀ဲအဂ့ၢ်” န့ၣ်လီၤ. ကဘီတီၣ်ဟုးသးလၢ အဟဲတီဆှၢဝဲတၢ်အီၣ်တၢ်အီဒီးတၢ်ဖီၣ်ချုးန့ၢ်အီၤတဘ့ၣ်အံၤန့ၣ် မ့ၢ်ဒ်သိးဒီးကလဲၤစိၥ်ဆှၢန့ၢ်ဝဲပယီၤသုးလၢအိၣ်ဖဲတနီသရံၣ်ကီၢ်ဆၣ်ဟီၣ်ကဝီၤအပူၤအဂ့ၢ်အ၀ဲစံးအါထီၣ်၀ဲန့ၣ်လီၤ. ဖဲလၢဖီၣ်န့ၢ်၀ဲ ကဘီတီၣ်ဟုသးအဆၢကတီၢ်

လါယနူၤအါရံၤ(၇)သီ,၂၀၂၅နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်က၀ီၤ,သုးက့(၇)ဘ့ၣ်,ကီၢ်ရ့ၣ်(၇)ဘ့ၣ်အပူၤ စးထီၣ်လၢ၂၀၂၄နံၣ်,လါယနူၤအါရံၤ(၁)သီတုၤလါဒံၣ်စ့ဘၢၣ်(၃၀)သီအနံၤ (၁)နံၣ်အတီၢ်ပူၤ တၢ်ဒုးဖးဒိၣ်ကဲထီၣ်တ့ၢ်အဘျီ(၄၀)ပၥ်ဃုၥ် တၢ်ဒုးအဆံးအကလုၥ်ကလုၥ်ကဲထီၣ်တ့ၢ်၀ဲလၢ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)ဒီးသုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးကီၣ်ကးအသုးအဘၢၣ်စၢၤ ခဲလၢၥ်ပၥ်ဖှိၣ်(၃၀၂၇)ဘျီအဂ့ၢ် တၢ်သ့ၣ်ညါဘၣ်န့ၣ်လီၤ. (၁)နံၣ်အတီၢ်ပူၤ ကီၢ်သူလ့ၤတၢ်ပၢဟီၣ်က၀ီၤ,သုးက့(၇)ဘ့ၣ်,ကီၢ်ရ့ၣ်(၇)ဘ့ၣ်အပူၤ တၢ်ဒုးကဲထီၣ်တ့ၢ်သးလၢKNLAဒီးသုးကီၣ်ကးအသုးအဘၢၣ်စၢၤအပူၤ သုးကီၣ်ကးတပၤမၤ၀ဲကလံၤကျါတၢ်ဒုးခဲလၢၥ်ပၥ်ဖှိၣ်(၉၄၃)ဘျီ,ခးလီၤကျိဖးဒိၣ်ခဲလၢၥ်ပၥ်ဖှိၣ်(၄၆၀)ဘျီ,ဒြိတၢ်ဒုးခဲလၢၥ်ပၥ်ဖှိၣ်(၃၀၀)ဃၥ်ဃၥ်,တၢ်ဒုးစဲးပြဲး(၂၄၀၀)ဃၣ်ဃၣ်အဂ့ၢ်တၢ်သ့ၣ်ညါဘၣ်န့ၣ်လီၤ. တၢ်ဒုးလၢကဲထီၣ်တ့ၢ်သးအပူၤ သုးကီၣ်ကးတပၤအပှၤသုးဖိသံ၀ဲ(၁၉၇၂)ဂၤ,တၢ်ဖီၣ်န့ၢ်မူဒံး(၁၂၁)ဂၤဒီးပှၤလၢဟဲပၥ်လီၤစုက၀ဲၤ(၁၆၆)ဂၤအိၣ်၀ဲအဂ့ၢ်တၢ်သ့ၣ်ညါဘၣ်န့ၣ်လီၤ.ဒ်န့ၣ်အသိးကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)တပၤစ့ၢ်ကီး ဘၣ်သံ၀ဲ(၉၃)ဂၤ၀ံၤ ဘၣ်ဒိ၀ဲ(၃၀၂)ဂၤအဂ့ၢ် တၢ်သ့ၣ်ညါဘၣ်န့ၣ်လီၤ. တကးဘၣ် ကီၢ်သူလ့ၤတၢ်ပၢဟီၣ်က၀ီၤ, သုးက့(၇)ဘ့ၣ်, ကီၢ်ရ့ၣ်(၇)ဘ့ၣ်အပူၤ

လါယနူၤအါရံၤ(၆)သီ,၂၀၂၅နံၣ် အ့ၣ်ယၣ်၀တံၣ်ကီၫ်ခီ,ပသံၣ်ကီၫ်ဆၣ်ပူၤ,သုးကီၣ်ကးအပီၣ်လဲၣ်နံၤ သုးကလၢၤလၢအိၣ်ဘူးဒီးရၢၫ်ခၢၣ်ရိမးတဖၣ် ရၢၫ်ခၢၣ်သုးမုၫ်ဒိၣ်(AA)ဒီးသိၣ်မှံၤသုးတဖၣ် ထီၣ်ဒုး၀ဲအဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်ဒီး ဂ့ၫ်ခီၣ်ထံးသုးဂ့ၫ်၀ီတၫ်ကစီၣ်တဖၣ်အိၣ်န့ၣ်လီၤ. ပသံၣ်ကီၫ်ဆၣ်,ရွှ့ၣ်သီၣ်ယၣ်၀့ၫ်ကပၤ, ခၠီ၀းကၠဲၣ်,ပီးလးကၠဲၣ်,မကၠံစ့ၣ် ပီၣ်လဲၣ်နံၤသ၀ီလၢအိၣ်ဘူးဒီးရၢၫ်ခၢၣ်ရိမးတဖၣ် ဖဲလါယနူၤအါရံၤ(၂)သီအနံၤန့ၣ် AAဒီးသိၣ်မှံၤသုးပာ်ဖှိၣ်တဖၣ် ထီၣ်ဒုး၀ဲအဃိ သုးကီၣ်ကးအသုးဖိတဖၣ် ပာ်တ့ၫ်သုး ကလၢၤဃ့ၫ်ဖျိးကွံာ်၀ဲလီၤ. “တၫ်ဒုးကဲထီၣ်ဒီးသုးကီၣ်ကးအပီၣ်လဲၣ်နံၤသုးတဖၣ်ဒီးတၫ်ဒုးန့ၣ်ဆူၣ်၀ဲလီၤ.ထံၣ်ဘၣ်လၢသုးကီၣ်ကးအသုးဖိတဖၣ် ပာ်တ့ၫ်သုးကလၢၤဃ့ၫ်ဖျိးကွံာ်အိၣ်၀ဲလီၤ.တၫ်သ့ၣ်ညါဘၣ်လၢAAထီၣ်ဒုး၀ဲအဂ့ၫ်” သုးဂ့ၫ်၀ီဂ့ၫ်ခီၣ်ထံးတၫ်ကစီၣ်တဂၤတဲ ၀ဲလီၤ. သုးကီၣ်ကးန့ၣ် ဖဲလါယနူၤအါရံၤ(၃)သီဒီး(၄)သီအနံၤန့ၣ်