လါယူၤလံ(၃၀)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
လါယူၤလံ(၂၇)သီအနံၤ တၢ်ထိၣ်ဒွးအဖီခိၣ် ကီၢ်ပယီၤ, ကီၢ်ဆၣ်(၁၃)ဘ့ၣ်အပူၤ ဖဲအပူၤကွံၥ်စှၤသီအတီၢ်ပူၤ ခီဖျိမူခိၣ်စူၤဒိၣ်အဃိ ထံတမၢၣ်(၃၀)န့ၣ် တုၤဃီၤလၢထံတၢ်လီၤဘၣ်ယိၣ်တၢ်ပနီၣ်န့ၣ်လီၤ.
MIMU(ကီၢ်ပယီၤတၢ်ပၢဆှၢရဲၣ်ကျဲၤတၢ်ကစီၣ်တၢ်ဂ့ၢ်တၢ်ကျိၤယူၣ်နံး)အတၢ်ဂ့ၢ်တၢ်ကျိၤအဖီခိၣ်ဘၣ်ထွဲဒီးထံတမၢၣ်တၢ်အိၣ်သးတဖၣ်န့ၣ် ပၥ်ဖျါဃၥ်၀ဲဒ်လၥ်အံၤအသိးန့ၣ်လီၤ. ထံတမၢၣ်လၢ ထံထီၣ်ပှဲၤတလၢကွံၥ် ထံပှဲၤတၢ်ပနီၣ် (၂၄)ခါ, ထံတမၢၣ်လၢ အထီၣ်ထီတုၤ ထံပှဲၤတၢ်ပနီၣ် (၇)ခါ, ထံတမၢၣ်လၢ အထီၣ်ထီဘူးထီၣ်လၢ ထံပှဲၤတၢ်ပနီၣ် (၉)ခါတဖၣ်အိၣ်၀ဲအဂ့ၢ် တၢ်ထံၣ်ဘၣ်၀ဲန့ၣ်လီၤ.
မူခိၣ်စူၤဒိၣ်ဃုၥ်ဒီး ထံဒိၣ်နိယွၤတဖၣ်, ထံတမၢၣ်တၢ်လီၤဘၣ်ယိၣ်တဖၣ်အိၣ်ထီၣ်၀ဲသ့အဃိ ကမျၢၢ်ဖိလၢအိၣ်ဖဲ ဘၣ်ထွဲဟီၣ်က၀ီၤတဘ့ၣ်စုၥ်စုၥ်တဖၣ် လိၣ်သပှၢ်ကတၢၢ်လၢ ကအိၣ်ဒီးတၢ်ပလီၢ်ပဒီအဂီၢ်န့ၣ်လီၤ.
လါယူၤလံ(၂၈)သီအနံၤဒီးတုၤလါအီကူၥ်(၃)သီအတီၢ်ပူၤ န့ၣ်ပၠံၣ်တီၣ်, စကဲကီၢ်ခီ(ထးခီ), မါတလ့, ၀့ၢ်တကူၣ်ကီၢ်ခီ, ပကိကီၢ်ခီ(မုၢ်ထီၣ်), တနီသရံၣ်ကီၢ်ခီ, ကခၠ့ၣ်ကီၢ်စဲၣ်, ယိၤဒိၣ်ကီၢ်စဲၣ်, ရၢၢ်ခၢၣ်ကီၢ်စဲၣ်, ကညီကီၢ်စဲၣ်ဒီး တလၢၤကီၢ်စဲၣ်တဖၣ်အပူၤမူခိၣ်စူၤဒိၣ်သ့ပူၤတီၤပူၤတီၤအဂ့ၢ်ဒီကလုၥ်ဃူဖိးပဒိၣ်,ပှၤဟီၣ်ခိၣ်ဖိတၢ်ဒိသူၣ်ဒိသးဒီးတၢ်ပၢဆှၢရဲၣ်ကျဲၤ တၢ်လီၤဘၣ်ယိၣ်ဂ့ၢ်၀ီကိတိၥ်၀ဲၤကျိၤ (MOHADM)ဟ့ၣ်ပလီၢ်ဃၥ်၀ဲန့ၣ်လီၤ.
Ref: DVB
