လါယူၤလံ(၂၉)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ကီၢ်ကၠီၣ်တဲၣ်, ၀့ၢ်ဘီကီၥ်, ကၠးဒူကၠဲးဟီၣ်က၀ီၤ, ကၣ်ဖဲၣ်ဖ့းကျဲမုၢ်အဖီခိၣ် အီတီကီတၢ်ဆါတၢ်ပှ့ၤကျးဖးဒိၣ်အပူၤ ဖဲလါယူၤလံ(၂၈)သီအနံၤ, မုၢ်ထူၣ်အဆၢကတီၢ် တၢ်ခးလိၥ်သးကဲထီၣ်၀ံၤအလီၢ်ခံ ပှၤခးတၢ်ဖိတဂၤပၣ်ဃုၥ် (၅)ဂၤသံ၀ဲအဂ့ၢ် ကၠီၣ်တဲၣ်တၢ်ကစီၣ်တဖၣ် ပၥ်ဖျါဃၥ်၀ဲန့ၣ်လီၤ.
မဟါ, မုၢ်ဃ့ၢ်လီၤ(၁၂)နၣ်ရံၣ်ဃၣ်ဃၣ်အဆၢကတီၢ် အနီၢ်ထီထီပှၤခွါတဂၤလၢ ကူးသိးဃၥ် ထံးရှဲးအသူ, ဖျီၣ်ခံအဖုၣ်ဒီး ဟဲ၀ံဃုၥ်ဒီးသုးအလွဲၢ်ထၢၣ်အံၤ ဟဲနုၥ်လီၤလၢကျးပူၤ၀ံၤ ဟးခး၀ဲနါစိၤလၢကျိဖုၣ်အဃိ ဘံၣ်ဘၢ(၃)ဂၤကျိဘၣ်အီၤဒီးသံ၀ဲအဂ့ၢ် စံး၀ဲန့ၣ်လီၤ.
တကးဘၣ်ပှၤခးတၢ်တအံၤဂၤန့ၣ်ခးကဒီး၀ဲစ့ၢ်ကီးပိၥ်မုၣ်လၢအဆါတၢ်တဂၤအံၤ၀ံၤအ၀ဲအိၣ်ခူသုၣ်လၢတၢ်ဆါတၢ်ပှ့ၤကျးတၢ်လီၢ်တတီၤအဆၢကတီၢ် လီၢ်ခၢၣ်သးပၢၤကီၢ်သုး ဟၣ်နူးမၣ်သုးကျိၤဒီးဘံၣ်ဘၢကရၢတဖၣ် ဟဲနုၥ်လီၤက၀ီၤဃၥ် ကျး၀ံၤ ဟးလူၤဃု၀ဲပှၤခးတၢ်ဖိတဂၤကတီၢ် တၢ်ထံၣ်အီၤလၢ သံ၀ဲဒၣ်လၢ ကျးတၢ်ဆ့ၣ်နီၤအလီၢ်အဃိ တၢ်အံၤကမ့ၢ်ဒၣ် က့ၤခးသံလီၤအသးအဂ့ၢ် ပှၤဘၣ်မူဘၣ်ဒါတဖၣ် တဲလီၤ၀ဲဆူ တၢ်ကစီၣ်သန့တဖၣ်အအိၣ်န့ၣ်လီၤ.
PPTV တၢ်ကစီၣ်အပူၤတခီ အ၀ဲန့ၣ် တၢ်ဆါတၢ်ပှ့ၤကျးအံၤအပူၤ အမၤတ့ၢ်၀ဲဒ်သိး ဘံၣ်ဘၢတဂၤန့ၣ်လီၤ. အမံၤ မ့ၢ်နဲနွဲး, သးနံၣ်(၅၄)နံၣ်, ကၠီၣ်တဲၣ်ထံဖိကီၢ်ဖိ ပိၥ်ခွါတဂၤအံၤ အိၣ်ဆိးလီၢ်ကျဲမ့ၢ်၀ဲ ခိၣ်လဲးကီၢ်ရ့ၣ်န့ၣ်လီၤ. တၢ်စံး၀ဲဒ်သိး အ၀ဲမ့ၢ်ပှၤခၣ်ဘီဒံယါဖိ တၢ်တၢထီၣ်တၢလီၤတဖၣ်စ့ၢ်ကီးအိၣ်ထီၣ်၀ဲအဃိ တၢ်သုတနၥ်အီၤတဂ့ၤအဂီၢ် တၢ်သုတမၤဘံၣ်ဘူဒီး ကီၢ်ဆၢတၢ်သဘံၣ်သဘုၣ်အဂီၢ် ပှၤဘၣ်မူဘၣ်ဒါတဖၣ် ဟ့ၣ်ပလီၢ်ဃၥ်၀ဲအဂ့ၢ် ကၠီၣ်တဲၣ်တၢ်ကစီၣ်သန့တဖၣ်အပူၤ ပၥ်ဖျါဃၥ်၀ဲန့ၣ်လီၤ.
Ref: DVB
