လၢကြုၢ်တု ခမရ-၅၄၅ဒီး၅၄၆ သုးကီၣ်ကးလီၢ်လၤအိၣ်သုးခိၣ်သုးနၢ်တဖၣ် ဘၣ်ယိၣ်လၢတၢ်ကဒုးအီၤအဃိ သုးလီၢ်သုးကျဲလၢ မုၢ်နၤခီအဆၢကတီၢ်
လါအီကူး(၂၀)သီ,၂၀၂၄နံၣ် သုးကီၣ်ကးအသုး ခမရ-၅၄၅ဒီး၅၄၆လီၢ်လၤအိၣ်သုးခိၣ်နၢ်တနီၤ လၢအိၣ်ဖဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူပျၥ်ယၥ်, ကီၢ်ဆၣ်ကီးတရံး, ကြုၢ်တုအံၤ ဘၣ်ယိၣ်လၢတၢ်ကလဲၤဒုးအီၤအဃိ လၢမုၢ်နၤခီတပၤ သုးလီၢ်သုးကျဲလဲၤမံလၢတၢ်လီၢ်အဂၤအိၣ်၀ဲအဂ့ၢ် တၢ်သ့ၣ်ညါဘၣ်လၢ ဂံၢ်ခီၣ်ထံးတၢ်ပၢၢ်ဆၢတၢ်ကစီၣ်အအိၣ်န့ၣ်လီၤ. ကြုၢ်တုဟီၣ်က၀ီၤအပူၤ လၢမုၢ်ဆါတပၤ တၢ်ဆီလီၤပၥ်အပှၤသုးဖိတဖၣ်ဒ်ညီနုၥ်အသိးဘၣ်ဆၣ် ဘၣ်ယိၣ်လၢတၢ်ပၢၢ်ဆၢသုးတဖၣ်တၢ်ကလဲၤဒုးအီၤအဃိလၢမုၢ်နၤခီတပၤသုးလီၢ်သုးကျဲဆီတလဲမံလၢတၢ်လီၢ်အဂၤအဂ့ၢ် ဂံၢ်ခီၣ်ထံးတၢ်ကစီၣ်စံး၀ဲန့ၣ်လီၤ. “ကြုၢ်တုတပၤန့ၣ် တၢ်အိၣ်သးဒ်ညီနုၥ်အသိးလီၤ. တၢ်လ့ၤလိၤဟးထီၣ်ဒ်ညီနုၥ်အသိးလီၤ. ဘၣ်ဆၣ်လၢမုၢ်နၤခီတပၤ ခမရ-၅၄၅ဒီး၅၄၆လီၢ်လၤအိၣ်သုးခိၣ်နၢ်တနီၤ