လါအီးကထိဘၢၣ် ၂၈သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
သုးကီၣ်မံးရှၢၣ် ခီၣ်ဆၢစံးဆၢက့ၤ၀ဲလၢ အပၥ်ဖှိၣ်မၤသကိး အၣ်စံၣ်ယၣ်တၢ်အၢၣ်လီၤ ၅ထံၣ်ဘၣ်ဆၣ် လၢအနီၢ်ကီၢ်ကီၢ်တခီ လူၤပိၥ်မၤထွဲ၀ဲတအိၣ်အဃိ ကီၢ်ပယီၤသုးကရူၢ်ခိၣ်နၢ်တဖၣ် တၢ်ကကးတံၥ်ဃၥ်လၢဟဲထီၣ်အၣ်စံၣ်ယၣ်ပတီၢ်ထီတၢ်အိၣ်ဖှိၣ်အံၤအဂ့ၢ် ဆၢတဲၥ်လီၤ၀ဲအဂ့ၢ် ကတီၢ်ခဲအံၤတၢ်အိၣ်ဖှိၣ်တၢ်ထုးထီၣ်ပၥ်ဖျါအဖီခိၣ် တၢ်သ့ၣ်ညါဘၣ်န့ၣ်လီၤ.
၄၇၀ီတ၀ီ အၣ်စံၣ်ယၣ်ပတီၢ်ထီတၢ်အိၣ်ဖှိၣ်လၢ ဘၣ်တၢ်ရဲၣ်ကျဲၤမၤအီၤ ဖဲကီၢ်မလ့ရှါအပူၤ ဘၣ်ထွဲဒီးကီၢ်ပယီၤဂ့ၢ်၀ီအဖီခိၣ် ဆၢတဲၥ်လီၤ၀ဲဒ်အံၤဒီး ထုးထီၣ်ပၥ်ဖျါဃၥ်လီၤ၀ဲ တၢ်ဂ့ၢ် ၂၈ထံၣ်ပၥ် လံၥ်ဘိးဘၣ်ရၤလီၤတဘ့ၣ်န့ၣ်လီၤ. တကးဘၣ် အၣ်စံၣ်ယၣ်န့ၣ် တတူၢ်လိၥ်၀ဲ သုးကီၣ်မံးရှၢၣ်အံၤတၢ်ဃုထၢဘၣ်ဒီး တၢ်ဃုထၢန့ၣ်ကဘၣ်အိၣ်၀ဲဒီး တၢ်သဘျ့, တၢ်တြီတၢ်တြၢ်, တၢ်အိၣ်ဂၢၢ်ဆိးကျၢၢ်ဒီး ကဘၣ်ပၣ်ဃုၥ်ပၣ်ဂီၢ်သ့ကိးဂၤအဂ့ၢ် ပၥ်ဖျါဃၥ်၀ဲန့ၣ်လီၤ.
သုးကီၣ်မံးရှၢၣ်အထံဂုၤကီၢ်ဂၤပှၤဘၣ်မူဘၣ်ဒါလၢအလဲၤထီၣ်ဘၣ်ပတီၢ်ထီတၢ်အိၣ်ဖှိၣ်ဒီးတၢ်အိၣ်ဖှိၣ်လၢအဘၣ်ထွဲတဖၣ်တခီ အ၀ဲသ့ၣ်န့ၣ် ဒိးသန့ၤထီၣ်သးလၢဟီၣ်ခိၣ်မဲၥ်ဖံးခိၣ်တၢ်အိၣ်သးတဖၣ်အဖီခိၣ် ပၥ်ဖှိၣ်မၤသကိးမၤဖျါထီၣ် အၣ်စံၣ်ယၣ်တၢ်အၢၣ်လီၤ ၅ထံၣ်အဂ့ၢ် တဲခီၣ်ဆၢက့ၤ၀ဲန့ၣ်လီၤ.
ဘၣ်ဆၣ်ဒီး အၣ်စံၣ်ယၣ်တၢ်အိၣ်ဖှိၣ်တၢ်တၢၣ်ပီၣ်တဲသကိးတဖၣ်အဖီခိၣ် သုးကီၣ်မံးရှၢၣ်န့ၣ် အမၤပၥ်ဖျါထီၣ် အၣ်စံၣ်ယၣ်တၢ်အၢၣ်လီၤ ၅ထံၣ်အမိၢ်လံမိၢ်ပှၢ်အပူၤ တလဲၤထီၣ်လဲၤထီဘၣ်အဃိ ပတီၢ်ထီတၢ်အိၣ်ဖှိၣ်ဒီးတၢ်အိၣ်ဖှိၣ်လၢအဘၣ်ထွဲတဖၣ် ကကးတံၥ်ဃၥ်၀ဲ တၢ်ပျဲဟဲထီၣ်၀ဲ ကီၢ်ပယီၤသုးကရူၢ် ခိၣ်နၢ်တဖၣ်လၢ အၣ်စံၣ်ယၣ်တၢ်အိၣ်ဖှိၣ်တဖၣ်အဂ့ၢ် ဆၢတဲၥ်လီၤ၀ဲန့ၣ်လီၤ.
သုးကရူၢ်အခိၣ် မ့အီၣ်လဲၣ်တီခိၣ်ရိၣ်မဲ သုးကီၣ်မံးရှၢၣ်န့ၣ် ခီဖျိ ၂၀၂၁နံၣ် သုးဟံးန့ၢ်ဆူၣ်ထံကီၢ်တၢ်စိတၢ်ကမီၤအဃိ ကဘှါဆှဲ ကီၢ်ပယီၤတၢ်ဃံးတၢ်စ့ၤအဂီၢ် ဆၢတဲၥ်ပၥ်လီၤ၀ဲ အၣ်စံၣ်ယၣ်တၢ်အၢၣ်လီၤ ၅ထံၣ်ဘၣ်ဆၣ် တၢ်လူၤပိၥ်မၤထွဲ၀ဲတအိၣ်ဘၣ်အဃိ တၢ်ကကးတံၥ်ဃၥ်၀ဲ တၢ်ပျဲဟဲထီၣ် သုးကီၣ်မံးရှၢၣ်လၢ တၢ်အိၣ်ဖှိၣ်တဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
အၣ်စံၣ်ယၣ်ပှၤပၢၢ်လီၢ်ဆ့ၣ်နီၤ မလ့ရှါထံဂုၤကီၢ်ဂၤကိတိၥ် တီခိၣ်ရိၣ်မဲကရၢအံၤ ဖဲအပူၤကွံၥ် လါအီးကထိဘၢၣ် ၉သီအနံၤ ဖဲလၢဟဲ၀ဲန့ၣ်ပၠံၣ်တီၣ်အဆၢကတီၢ် သုးကီၣ်မံးရှၢၣ်ဃ့ထီၣ်လၢ တၢ်ကတၢၣ်ပီၣ်တဲသကိး တၢ်ဃုထၢဒီးကီၢ်ပူၤတၢ်မုၥ်တၢ်ခုၣ်ဂ့ၢ်၀ီတဖၣ်အဂီၢ်၀ံၤ ဘၣ်ထွဲဒီးတၢ်ထံၣ်လိၥ်အံၤအဖီခိၣ်စ့ၢ်ကီး သုးကီၣ်မံးရှၢၣ်ဘိးဘၣ်ရၤလီၤ၀ဲ တၢ်ကစီၣ်တဖၣ်ဒ် အ၀ဲသ့ၣ်တၢ်ဘၣ်အသးအသိးန့ၣ်လီၤ.
သုးကီၣ်မံးရှၢၣ်န့ၣ် ကွဲမုၥ်ဃၥ်၀ဲ အၣ်စံၣ်ယၣ်ထံကီၢ်တဖၣ်ဒီးထံဂုၤကီၢ်ဂၤထံကီၢ်တဖၣ်လၢ ကဟဲမၤလိဘၣ် တယံၤတမီၤဘၣ်အဆၢကတီၢ်တၢ်ဃုထၢလၢကမၤ၀ဲအံၤအဂီၢ်န့ၣ်လီၤ.ဘၣ်ဆၣ်ဒီးအၣ်စံၣ်ယၣ်တၢ်ဆၢတဲၥ်တဖၣ်အပူၤ ဘၣ်ထွဲဒီးတၢ်ဃုထၢလၢသုးကီၣ်မံးရှၢၣ်ကမၤ၀ဲအံၤအဖီခိၣ် ကပျဲလီၤ၀ဲ တၢ်အိၣ်ခိးကွၢ်ကရၢတဖၣ်အဂီၢ် တိၢ်နီၢ်ဃၥ်၀ဲ ဒီး ကပၥ်ဖှိၣ်မၤသကိး၀ဲ အိၣ်လဲတၢ်လံၣ်တၢ်လီတဖၣ်, တၢ်ပၥ်တ့ၢ်အိၣ်ဆိးလီၢ်ကျဲဒီး တၢ်ကူလဲၢ်မၤကၤပှၤကညီဂ့ၢ်၀ီတဖၣ်အပူၤအဂ့ၢ် စံး၀ဲန့ၣ်လီၤ.
တကးဘၣ် တချူးတၢ်ဃုထၢဘၣ်အဆၢကတီၢ် တၢ်ကပတုၥ်ကွံၥ် တၢ်မၤပျီၢ်မၤဂီၢ်တဖၣ်၀ံၤ တၢ်ကမၤ၀ဲ ပှၤခဲလၢၥ်ပၣ်ဃုၥ် ထံရူၢ်ကီၢ်သဲးတၢ်ထံၣ်လိၥ်တဲသကိးတဖၣ်, တၢ်ကမၤစှၤလီၤကွံၥ် တၢ်မၤပျီၢ်မၤဂီၢ်တဖၣ်, တၢ်ကပတုၥ်ကွံၥ် တၢ်ပညိၣ်ဒုး ကမျၢၢ်ဒီးကမျၢၢ်တၢ်သူၣ်ထီၣ်တဖၣ်အဂီၢ် အၣ်စံၣ်ယၣ်ခိၣ်နၢ်တဖၣ် အၢၣ်လီၤဆၢတဲၥ်လီၤ၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
