လါအီးကထိဘၢၣ်(၃၀)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကလံၤထံးခိၣ်ရံယါကီၫ်ခိၣ် လံၣ်ကၠ့ၣ်မၠီၣ်(Lee Jae-myung)ဒီးအမဲရကၤကီၫ်ခိၣ်Donal Trumpခိၣ်နၫ်ခံဂၤ မဟါနံၤ အတၫ်တၢၣ်ပီၣ်တဲသကိးတဖၣ်၀ံၤအလီၫ်ခံ အမဲရကၤဒီးကလံၤထံးခိၣ်ယံယါ ထံကီၫ်ခံဘ့ၣ်အဘၢၣ်စၢၤ ဒိးန့ၫ်တၫ် ကူၣ်လဲၫ်မၤကၤတၫ်အၢၣ်လီၤဒိၣ်ဒိၣ်မုာ်မုာ်တတီၤလံအဂ့ၫ် ဘိးဘၣ်ရၤလီၤ၀ဲန့ၣ်လီၤ.
ကလံၤထံးခိၣ်ရံယါ ကီၫ်ခိၣ်အပှၤဟ့ၣ်ကူၣ်တၫ် Kim Yong-beomတခီ ထံကီၫ်ခံဘ့ၣ်အံၤ ဒ်လၢညါအၢၣ်လီၤတ့ၫ်ဃာ် ၀ဲအသိး ကဒဲကဒဲတၫ်အခိတဖၣ်န့ၣ် ကမၤစှၤလီၤ၀ဲ ၂၅မျးယၤ တုၤလၢ၁၅မျးကယၤညါအဂ့ၫ် တဲ၀ဲန့ၣ်လီၤ.
ကလံၤထံးခိၣ်ရံယါန့ၣ် ကဘျၢလီၤ၀ဲအမဲရကၤဒီၣ်လၣ် ၃၅၀ဘံၣ်လံၣ်ယၣ်,တၫ်ဘျၢလီၤစ့စးခိ ဒီၣ်လၣ် ၂၀၀ဘံၣ်လံၣ် ယၣ်ဒီးတၫ်တ့ထီၣ်ကဘီတၫ်ဖံးတၫ်မၤတဖၣ်အဂီၫ် ဒီၣ်လၣ် ၁၅၀ဘံၣ်လံၣ်ယၣ်ပာ်ဃုာ်အဂ့ၫ် Kimတဲ၀ဲလီၤ.
ထရၢးန့ၣ် လၢတနံၣ်အံၤထီၣ်သီအပူၤ လၢဆိအဖီခိၣ် ပာ်ပနီၣ်န့ၫ်၀ဲတၫ်ခိတၫ်သွဲ ၂၅မျးကယၤအကတီၫ် ကလံၤထံးခိၣ်ရံ ယါန့ၣ် ဘျၢလီၤ၀ဲအမဲရကၤဒီၣ်လၣ် ၃၅၀ဘံၣ်လံၣ်ယၣ်၀ံၤ ဘိးဘၣ်ရၤလီၤ၀ဲလၢကပှ့ၤ၀ဲ ဒီၣ်လၣ် ၁၀၀ဘံၣ်လံၣ်ယၣ် အလုၫ်အပှ့ၤအိၣ် ဂာ်သ၀ံ(LNG)၀ံၤအလီၫ်ခံ Lee Jae-myungန့ၣ် တၢၣ်ပီၣ်တဲသကိး၀ဲန့ၫ်လၢတၫ်ကမၤစှၤလီၤခိသွဲ ၁၅မျးကယၤန့ၣ်လီၤ.
ယံာ်(၁)နွံတၫ်ဟဲလၢအ့ရှၢၣ်အပူၤ အမဲရကၤကီၫ်ခိၣ်ဒီၣ်နၢၣ်ထရၢးလၢဟဲတုၤလၢကလံၤထံးခိၣ်ယံယါအံၤ လၢတၫ်တၢၣ် ပီၣ်တဲသကိးယံာ်(၂)နၣ်ရံၣ်ဃၣ်ဃၣ် ဟါတၫ်အီၣ်မ့ၤအပူၤ တၫ်အၢၣ်လီၤ၀ဲအံၤန့ၣ် “က၀ံၤကတဲာ် ခဲလၢာ်ဃၣ်ဃၣ်လံ” အဂ့ၫ် တဲ၀ဲဘၣ်ဆၣ် တတဲဖျါ၀ဲတၫ်ဂ့ၫ်တၫ်ကျိၤခဲလၢာ်ဘၣ်.
“တနံၤအံၤတၫ်ဂ့ၫ်ဖးဒိၣ်ဒီးကလံၤထံးခိၣ်ရံယါအဂီၫ် ထံၣ်လိာ်တၢၣ်ပီၣ်တဲသကိးတၫ်အဂ့ၫ်”တဲ၀ဲ၀ံၤ” ဆၢတဲာ်တ့ၫ်တၫ် အါမးအဂ့ၫ်”တဲ၀ဲလီၤ.
“တၢၣ်ပီၣ်တဲသကိးစ့ၫ်ကီး တၫ်ဂ့ၫ်တနီၤလၢဘၣ်ထွဲဒီး ဒီကလုာ်တၫ်ဘံၣ်တၫ်ဘၢဒံးန့ၣ်လီၤ.တၫ်ဂ့ၫ်လၢအရ့ဒိၣ်တဖၣ် ဒိးန့ၫ်တၫ်အၢၣ်လီၤန့ၣ် ယဆိကမိၣ်၀ဲအဂ့ၫ်”အ၀ဲတဲ၀ဲလီၤ.
ထံကီၫ်ခံဘ့ၣ်လၢာ်န့ၣ် တၫ်စံၣ်စိၤတဲစိၤအဖီခိၣ် မ့ၫ်သိၣ်မှံၤတံၫ်နီၫ်တဖၣ်ဘၣ်ဆၣ် ဖဲအပူၤလါ အမဲရကၤကီၫ်ပူၤ ကလံၤထံးခိၣ်ရံယါဖိလၢအကယၤဂၤ တၫ်ပၢဆှၢပှၤကညီတၫ်နုာ်လီၤဟးထီၣ် နုာ်လီၤဖီၣ်၀ဲအဃိ ထံကီၫ်ခံဘ့ၣ် တၫ်ဖ့ၣ်ဆၢဆူၣ်ထီၣ်၀ဲလီၤ.
ကီၫ်ခိၣ်ထရၢးန့ၣ် တနံၤအံၤ ကထံၣ်လိာ်လီၤဆီအသးဒီးတရူးကီၫ်ခိၣ်ရှံၣ်ကၠ့ၣ်ပ့လၢဟဲထီၣ်၀ဲ APEC အ့ရှၢၣ်-ပစံးဖ့းမုာ်ကျိၤ၀ဲၤကွာ်တၫ်ပာ်ဖှိၣ်မၤသကိး ပတီၫ်ထီတၫ်အိၣ်ဖှိၣ်ဒံးန့ၣ်လီၤ.
