http://r2knyaw.org/wp-content/uploads/2024/03/Russia-1.mp3

လါမးရှး(၂၅)သီ, ၂၀၂၄နံၣ် လၢကီၫ်ရၢရှၢၣ်(ရုရှားနိုင်ငံ), ၀့ၫ်မီၣ်စကိၣ်(မော်စကိုမြို့) တၫ်သူၣ်၀ံၣ်သးဆၢမူးတခါပူၤ ပှၤဖီၣ်တၫ်စုက၀ဲၤတဖၣ် နုာ်လီၤခးတၫ်အဃိ ပှၤဘၣ်သံတစှၤန့ၣ်အဂၤ(၄၀)၀ံၤ ဘၣ်ဒိဘၣ်ထံးအဂၤ(၁၀၀)ဂၤဘျဲၣ်အဂ့ၫ် BBC တၫ်ကစီၣ်သန့ ပာ်ဖျါ၀ဲလီၤ. တၫ်ကဲထီၣ်အသးဖဲ ၀့ၫ်မီၣ်စကိၣ်(မော်စကိုမြို့) ခယိကးစ်၀့ၫ်ဘျီၣ်(ခရိုးကပ်စ်မြို့တော်ခန်းမ)ပူၤ၀ံၤ ပှၤ(၄)ဂၤလၢကူကၤထီၣ် ဒုးယၤတၫ်ကူတၫ်သိးတဖၣ် မၤ၀ဲအဂ့ၫ် တၫ်သ့ၣ်ညါဘၣ်လီၤ. လၢ၀့ၫ်ဘျီၣ်ပူၤ ဖဲတၫ်ကမၤရီး(ရော့ခ်)တၫ်ဒ့တၫ်အူတၫ်သူၣ်ဖှံသးညီအကတီၫ် ပှၤဖီၣ်တၫ်စုက၀ဲၤတဖၣ် ဟဲနုာ်လီၤ၀ဲဒ်သိးအံၤန့ၣ်လီၤ.

လါမးရှး(၂၄)သီ, ၂၀၂၄နံၣ် ဖဲ၂၀၂၄နံၣ်, လါမးၡး(၂၄)သီအနံၤ ဟါ(၁၀)ဒီး(၁၁)နၣ်ရံၣ်အဘၢၣ်စၢၤအဆၢကတီၫ် သုးကီၣ်ကး အကဘီယူၤဒုးသုး ဟဲခးလီၤတၫဖဲ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ကီၫ်ရ့ၣ်ဒူသထူၣ်, ကီၫ်ဆၣ်ဘံလ့, ဃီဖိပျဲၫ်သ၀ီ(မင်းစောင်းရွာ)ပူၤ(၃)ဘျီအဃိ တီၤခၢၣ်သးကၠိတၫ်သူၣ်ထီၣ်(၃)ဖျၢၣ်ဒီး ကမျၢၫ်အိၣ်ဟံၣ်(၁)ဖျၢၣ်ဟးဂီၤကွံာ်၀ဲန့ၣ်လီၤ. သုးကီၣ်ကးအကဘီယူၤဒုးသုး ဟဲတ့ၫ်လီၤမ့ၣ်ပိၫ်(၈)ဖျၢၣ်အကျါ (၂)ဖျၢၣ်တခီ တပိာ်ဖးထီၣ်၀ဲဘၣ်န့ၣ်လီၤ. တကးဘၣ် သ၀ီဖိတဂၤလၢအမ့ၫ် တံကဲၣ်, သးနံၣ်(၅၆)နံၣ်စ့ၫ်ကီး ကျိချံအက့အခီဘၣ်အီၤဒီး