လါမးရှး(၂၅)သီ, ၂၀၂၄နံၣ်
လၢကီၫ်ရၢရှၢၣ်(ရုရှားနိုင်ငံ), ၀့ၫ်မီၣ်စကိၣ်(မော်စကိုမြို့) တၫ်သူၣ်၀ံၣ်သးဆၢမူးတခါပူၤ ပှၤဖီၣ်တၫ်စုက၀ဲၤတဖၣ် နုာ်လီၤခးတၫ်အဃိ ပှၤဘၣ်သံတစှၤန့ၣ်အဂၤ(၄၀)၀ံၤ ဘၣ်ဒိဘၣ်ထံးအဂၤ(၁၀၀)ဂၤဘျဲၣ်အဂ့ၫ် BBC တၫ်ကစီၣ်သန့ ပာ်ဖျါ၀ဲလီၤ.
တၫ်ကဲထီၣ်အသးဖဲ ၀့ၫ်မီၣ်စကိၣ်(မော်စကိုမြို့) ခယိကးစ်၀့ၫ်ဘျီၣ်(ခရိုးကပ်စ်မြို့တော်ခန်းမ)ပူၤ၀ံၤ ပှၤ(၄)ဂၤလၢကူကၤထီၣ် ဒုးယၤတၫ်ကူတၫ်သိးတဖၣ် မၤ၀ဲအဂ့ၫ် တၫ်သ့ၣ်ညါဘၣ်လီၤ.
လၢ၀့ၫ်ဘျီၣ်ပူၤ ဖဲတၫ်ကမၤရီး(ရော့ခ်)တၫ်ဒ့တၫ်အူတၫ်သူၣ်ဖှံသးညီအကတီၫ် ပှၤဖီၣ်တၫ်စုက၀ဲၤတဖၣ် ဟဲနုာ်လီၤ၀ဲဒ်သိးအံၤန့ၣ်လီၤ. တၫ်သူၣ်ထီၣ်ဒီတဖျၢၣ်ဃၣ်ဃၣ် မ့ၣ်အူအီၣ်ကွံာ်၀ံၤ အခိၣ်ဒုးလီၤပှီၫ်ကွံာ်၀ဲတက့န့ၣ်လီၤ.
ပှၤဘၣ်သံအကျါ ဖိသၣ်တဖၣ်စ့ၫ်ကီးပာ်ဃုာ်၀ံၤ တၫ်အံၤမ့ၫ်တၫ်စုဆူၣ်ခီၣ်တကးတၫ်မၤ(အကြမ်းဖက်တိုက်ခိုက်မှု)အဂ့ၫ် ရၢရှၢၣ်ထံဂုၤကီၫ်ဂၤကိတိာ် ထီဒါဃာ်၀ဲလီၤ.
အၣ်အဲး(အိုင်အက်စ်) ပှၤမၤအၢမၤသီတၫ်ဖိတဖၣ် မၤ၀ဲအဂ့ၫ် လၢအိၣ်လဲ(Online) တၫ်ဘိးဘၣ်ရၤလီၤ လၢတၫ်ပာ်ဂၢၫ်ပာ်ကျၢၤတန့ၫ်ဘၣ်တခါ ပာ်ဖျါ၀ဲလီၤ. အၣ်အဲး(အိုင်အက်စ်) အဲၣ်ဒိးဒုး၀ဲရၢရှၢၣ်(ရုရှား)န့ၣ် တၫ်ဒိးန့ၫ်ဃာ်တၫ်ကစီၣ်အဂ့ၫ် အမဲရကၤပဒိၣ်ဘၣ်မူဘၣ်ဒါတဖၣ် တဲဃာ်၀ဲ အမဲရကၤကီၫ်စၢဖှိၣ်စံၣ်ဘံၣ်အဲးတၫ်ကစီၣ်သန့ (စီဘီအက်စ်သတင်းဌာန) အဂ့ၫ် ပာ်ဖျါ၀ဲလီၤ.
ပှၤလၢခးတၫ်တဖၣ် တၫ်ကသ့ၣ်ညါဘၣ်အဂီၫ် သုးဖိလီၤဆီ(အထူးတပ်ဖွဲ့)တဖၣ် ဟူးဂဲၤလံအဂ့ၫ် ရၢရှၢၣ်(ရုရှား) ဒီကလုာ်သုးမုၫ်ဒိၣ်တကပၤတဲဃာ်၀ဲလီၤ.
ပှၤအၢဖိကရၢန့ၣ် အိၣ်ဒီးတၫ်ရဲၣ်တၫ်ကျဲၤလၢ ၀့ၫ်မီၣ်စကိၣ်(မော်စကိုမြို့)ပူၤ ပှၤအိၣ်ဖှိၣ်ရိဖှိၣ်တဖၣ်အဖီခိၣ်အဃိ အမဲရကၤထံဖိကီၫ်ဖိတဖၣ် ကဟးဆှဲးဘၣ် ပှၤအိၣ်အါအါဂီၫ်ဂီၫ်တၫ်လီၫ်တဖၣ်အဂီၫ် အမဲရကၤမီၫ်သီ၀ဲၤဒၢး(အမေရိကန်သံရုံး)တကပၤ ဖဲအပူၤကွံာ်(၂)နွံန့ၣ် ဟ့ၣ်ပလီၫ်ဃာ်၀ဲန့ၣ်လီၤ.
ဖဲတၫ်ခးတၫ်အလီၫ်အကပိာ်ကပၤ အမဲရကၤထံဖိကီၫ်ဖိတဖၣ် ကဟးဆှဲး၀ဲအဂီၫ် မီၫ်သီ၀ဲၤဒၢး(အမေရိကန်သံရုံး)တကပၤ ဖဲလါမးရှး(၂၂)သီနံၤအလီၫ်ခံ ဘိးဘၣ်ပာ်ဖျါ၀ဲလီၤ.
source: bbc
