လါမးရှး(၂၅)သီ, ၂၀၂၄နံၣ်
ကညီကီၫ်စဲၣ်, ၀့ၫ်ရၤမတံ(မြဝတီမြို့)ပူၤ ဖဲလါမးရှး(၂၃)သီနံၤ တၫ်အီၣ်အစုၫ်ထီၣ်ဒီး မိၫ်ဒီးဖိတဂၤသံ၀ံၤ အိၣ်တ့ၫ်(၁)ဂၤတခီ ဘၣ်တၫ်လဲၤတီၣ်ထီၣ်အီၤဆူ ၀့ၫ်မဲဆီးတၫ်ဆါဟံၣ်ဖးဒိၣ်အဂ့ၫ် Mercury Mediaတၫ်ကစီၣ်သန့ ပာ်ဖျါ၀ဲလီၤ.
တၫ်ကဲထီၣ်အသးန့ၣ် မ့ၫ်ခီဖျိလၢ တၫ်အိၣ်ဆိးအီၣ်အီ(စားဝတ်နေရေး)ဒီး မုာ်ကျိၤ၀ဲၤကွာ်(စီးပွားရေး) တဘၣ်လိာ်ဖိးဒ့ဘၣ်အဃိ ဖဲအ၀ၤဟးထီၣ်လၢ တၫ်ချၢအကတီၫ် မိၫ်န့ၣ်ဖၢနုာ်လီၤကသံၣ်မၤသံတၫ်ဃၣ် လၢမ့ၤချီသပၢၤပူၤ၀ံၤ မိၫ်ဒီးဖိခွါသးနံၣ်(၈)နံၣ်ဒီး (၉)နံၣ်တဖၣ် အီ၀ဲလၢကမၤသံလီၤက့ၤသးအဂီၫ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
ဖိသၣ်လၢအိၣ်မူးဒံးတဂၤအဂီၫ် ပှၤလၢဆီၣ်ထွဲမၤစၢၤတၫ်ခဲလၢာ် စံးဘျုးစံးဖှိၣ်ဘၣ်၀ဲ၀ံၤ ဖိသၣ်လၢဒိးကူစါယါဘျါသး ကအိၣ်ဆူၣ်ထီၣ်အဂီၫ် ပှၤတ၀ၢတၫ်မၤစၢၤကရၢ Z-Rescue (လူမှုကယ်ဆယ်ရေးအဖွဲ့) စ့ၫ်ကီးဆၢမုၫ်လၫ်၀ဲန့ၣ်လီၤ.
ဖိသၣ်သးနံၣ်(၉)နံၣ်တဂၤလၢအိၣ်တ့ၫ်န့ၣ် ဘၣ်တၫ်ဟ့ၣ်လီၤအီၤလၢ ၀့ၫ်မဲဆီး ပှၤတ၀ၢတၫ်မၤစၢၤကရၢ (လူမှုကယ်ဆယ်ရေးအဖွဲ့ – Rescue Pitakkarn)အိၣ်၀ံၤ တၫ်လဲၤဆှၢအီၤဆူ မဲဆီးတၫ်ဆါဟံၣ်ဖးဒိၣ်ဒီး ဖိသၣ်တၫ်အိၣ်သးန့ၣ် အိၣ်လၢတၫ်လီၤဘၣ်ယိၣ်အပူၤဒံးလီၤအဂ့ၫ် တၫ်သ့ၣ်ညါဘၣ်န့ၣ်လီၤ.
source: mercury media
