လါမးရှး(၂၆)သီ, ၂၀၂၄နံၣ်
ကၠီၣ်တဲၣ်ထံဂုၤကီၫ်ဂၤကိတိာ်၀ဲၤကျိၤ(ထိုင်းနိုင်ငံခြားရေးဝန်ကြီးဌာန)တဲ၀ဲလၢ ကီၫ်ကၠီၣ်တဲၣ်(ထိုင်းနိုင်ငံ) ဟ့ၣ်လီၤကီၫ်ပယီၤဖိအဂီၫ် ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤ (လူသားချင်းစာနာထောက်ထားမှုဆိုင်ရာ အကူအညီ) အဆိကတၢၫ်တဘျီ ဖဲလါမးရှး(၂၅)သီနံၤအဂ့ၫ် ကၠီၣ်တဲၣ်ထံဂုၤကီၫ်ဂၤ ကိတိာ်၀ဲၤကျိၤ(ထိုင်းနိုင်ငံခြားရေးဝန်ကြီးဌာန)တၫ်ဘိးဘၣ်ရၤလီၤ၀ဲန့ၣ်လီၤ.
လၢတၫ်မၤစၢၤအဆိကတၢၫ်တဘျီအံၤ လၢပှၤ(၂)ကလးဂၤအဂီၫ် ဟုသး(ဆန်), တၫ်အီၣ်ဃ့(အစာခြောက်) ဒီး တၫ်ပီးတၫ်လီအဂၤ လၢတၫ်လိၣ်ဘၣ် ထၢၣ်အဖျၢၣ်လွံၫ်ကထိ ကၠီၣ်တဲၣ်တၫ်ပနီၣ်ဂီၤကရၢ လဲၤခီဟ့ၣ်၀ဲလၢ မဲဆီးဆူရၤမတံ, ခီဂာ်ကီၫ်ဆၢ၀ံၤ ဟ့ၣ်လီၤ၀ဲ ကီၫ်ပယီၤအဂ့ၫ် ကၠီၣ်တဲၣ်ထံဂုၤကီၫ်ဂၤ ကိတိာ်၀ဲၤကျိၤ(ထိုင်းနိုင်ငံခြားရေးဝန်ကြီးဌာန) အတၫ်ဘိးဘၣ်ရၤလီၤအဖီခိၣ်ပာ်ဖျါ၀ဲလီၤ.
တၫ်မၤစၢၤတဖၣ် အၣ်စံၣ်ယၣ် (အာဆီယံ)ဟီၣ်ခိၣ်ဖိတၫ်ဒိသူၣ်ဒိသး(လူသားချင်းစာနာထောက်ထားမှု) ဒီးဘၣ်ထွဲန့ဆၢၣ်တၫ်လီၤဘၣ်ယိၣ်(သဘာဝဘေးအန္တရာယ်ဆိုင်ရာ) အ့ၣ်ကၠ့ၣ်စံၣ် အိၣ်ခိးကွၫ်၀ဲ၀ံၤ ကဟ့ၣ်လီၤ၀ဲဆူ ကညီကီၫ်စဲၣ်ပူၤ တၫ်လီၫ်(၃)တီၤ၀ံၤ လၢကဟ့ၣ်၀ဲဆူတၫ်လီၫ်အဂၤအဂီၫ် ကထံၣ်လိာ်တၢၣ်ပီၣ်တဲသကိးတၫ်အဂ့ၫ် ကၠီၣ်တဲၣ်ထံဂုၤကီၫ်ဂၤကိတိာ်၀ဲၤကျိၤ(ထိုင်းနိုင်ငံခြားရေးဝန်ကြီးဌာန) ဘိးဘၣ်ပာ်ဖျါ၀ဲလီၤ.
ကီၫ်ပယီၤပူၤ တၫ်သဘံၣ်သဘုၣ်တဖၣ်အဃိ ပှၤ(၂.၆)ကကွဲၫ် ဘၣ်ကဲထီၣ် ပှၤဟံၣ်ဃီတအိၣ်တဖၣ်၀ံၤ ပှၤ(၁၈)ကကွဲၫလိၣ်ဘၣ်ဂ့ၫ်ဂီၫ်အူ ဟီၣ်ခိၣ်ဖိတၫ်ဒိသူၣ်ဒိသး တၫ်မၤစၢၤအဂ့ၫ် ဘီမုၫ်စၢဖှိၣ်ကရၢ(ကုလသမဂ္ဂ)တဲဃာ်၀ဲလီၤ.
Ref:The Straits Times
Photo:Ministry of Foreign Affairs
