r2editor1 – Page 20 – Radio2Karen

DKBAကမၤစၢၤဆီၣ်ထွဲ၀ဲ သုးခီၣ်မံးရှၢၣ် တၫ်ဃုထၢအဂ့ၫ် ထုးထီၣ်ဘိးဘၣ်ရၤလီၤ၀ဲလၢဖိးသဲစး

လါစဲးပထ့ဘၢၣ်(၁၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ် တၫ်ဃုထၢလၢသုးခီၣ်မံးရှၢၣ်ကမၤ၀ဲ၀ဲန့ၣ် လၢထံကီၫ်အခါဆူညါတၫ်ဘှီဘၣ်ဆီတလဲအဂီၫ် တၫ်ဃုထၢထီၣ်ကမျၢၫ် ခၢၣ်စးတဖၣ်အဃိ ကမၤစၢၤဆီၣ်ထွဲ၀ဲအဂ့ၫ် ဒံၣ်မိၣ်ကရ့ၣ်စံၣ်ဘၣ်ဘျူးကညီသုးမုၫ်ဒိၣ်(DKBA) ထုးထီၣ်ဘိးဘၣ်ရၤ လီၤ၀ဲလၢဖိးသဲစး ဖဲလါစဲးပထ့ဘၢၣ်(၁၁)သီအနံၤန့ၣ်လီၤ. လၢကတီၫ်အံၤတၫ်သဘံၣ်သဘုၣ်တဖၣ်န့ၣ် တမ့ၫ်လၢသုးဂ့ၫ်၀ီဘၣ်အမဲာ်ညါ ခီဖျိလၢတၫ်ထံၣ်လိာ်တၢၣ်ပီၣ်တဲသကိး အဖီခိၣ် ကဃုထံၣ်န့ၫ်တၫ်အစၢလၢအဘၣ်န့ၣ် နာ်၀ဲအဂ့ၫ် အ၀ဲသ့ၣ်အတၫ်ပာ်သးတဖၣ် ကွဲးဖျါဃာ်၀ဲလၢတၫ်ဘိးဘၣ်ရၤ လီၤအပူၤန့ၣ်လီၤ. DKBAပှၤဘၣ်မူဘၣ်ဒါတဂၤတဲ၀ဲလၢ “အခီပညီန့ၣ် ကမျၢၫ်တဂၤစုာ်စုာ်န့ၣ်

September 12, 2025

Radio တၢ်ကစီၣ် တၢ်ကစီၣ် ထံရုၢ်ကီၢ်သဲး

ပှၤလၢအဟ့ၣ်ဂံၢ်ဟ့ၣ်ဘါ သုးမီၤစိရိၤ တၢ်ဃုထၢအံၤန့ၣ် မၤအသးဒ်သိးဒီးတၢ်ထုးထီၣ်ဟ့ၣ်လီၤ “တၢ်မၤသံကမျၢၢ်လံၥ်အုၣ်သး”အဖိးသဲစးအဃိ တၢ်ကဟံးန့ၢ်ဂ့ၢ်၀ီအဂ့ၢ် သုးက့-၃ဘိးဘၣ်ရၤလီၤ

လါစဲးပထ့ဘၢၣ် ၁၂သီ, ၂၀၂၅နံၣ်, အၣ်ထူခ့ၣ်တၢ်ကစီၣ် ဘၣ်ထွဲဒီး သုးမီၤစိရိၤ, သုးကီၣ်မံးရှၢၣ်ဘိးဘၣ်ရၤလီၤ၀ဲ တခီတၢၤလၢကမၤတၢ်ဃုထၢအဖီခိၣ် ဒ်ခ့ၣ်အဲၣ်ယူၣ်-လီၢ်ခၢၣ်သးပၢဆှၢတၢ်ကမံးတံၥ် အလံၥ်ဘိးဘၣ်ရၤဒီးအတၢ်နဲၣ်ကျဲအသိး ကလူၤပိၥ်မၤထွဲ၀ဲ၀ံၤ ပှၤလၢဟ့ၣ်ဂံၢ်ဟ့ၣ်ဘါ ဆီၣ်ထွဲမၤစၢၤ၀ဲ တၢ်ဃုထၢအံၤတဖၣ် တၢ်ကဟံးန့ၢ်ဂ့ၢ်၀ီအဂ့ၢ် ကီၢ်ရ့ၣ်ချၢၣ်လွံၢ်ထူၣ်/ သုးက့နီၣ်ဂံၢ်(၃) ဘိးဘၣ်ရၤလီၤ လံၥ်ဘိးဘၣ်ရၤလီၤတဘ့ၣ် ဖဲလါစဲးပထ့ဘၢၣ်(၁၁)သီအနံၤန့ၣ်လီၤ. တၢ်ဃုထၢလၢသုးကရူၢ်အံၤကရဲၣ်ကျဲၤမၤ၀ဲအံၤန့ၣ်လ့ၤတက့ၤတတူၢ်လိၥ်ဘၣ်အဂ့ၢ်KNUလီၢ်ခၢၣ်သးထုးထီၣ်ပၥ်ဖျါ ဃၥ်၀ဲ၀ံၤတၢ်ဃုထၢအံၤမ့ၢ်ဒ်သိးသုးမိၤစိရိၤအသးသမူကအိၣ်ကၢအိၣ်ခိးဖိးသဲစးလၢကီၢ်တဘ့ၣ်အံၤအပူၤလၢကဟၢၣ်တံၣ်စှီၤတံၣ်ဆူးသွံၣ်အီၣ်ညၣ်ကမျၢၢ်ထံဖိကီၢ်ဖိဒီးကလုၥ်ဒူၣ်ခဲလၢၥ်လၢအအိၣ်လၢကီၢ်အပူၤမ့ၢ်ဒ်သိးကကဲထီၣ်ပှၤ“သံလၢအမူဒံး”လၢကီၢ်တဘ့ၣ်အံၤအပူၤအဂ့ၢ်ပၥ်ဖျါဃၥ်၀ဲလၢလံၥ်ဘိးဘၣ်ရၤလီၤအပူၤန့ၣ်လီၤ. ကီၢ်ရ့ၣ်ချၢၣ်လွံၢ်ထူၣ်/

September 12, 2025

Radio တၢ်ကစီၣ် တၢ်ကစီၣ် ပှၤဘၣ်ကီဘၣ်ခဲဖိဂ့ၢ်၀ီ

ကီၢ်ကၠီၣ်တဲၣ်ပူၤ စးထီၣ်လၢလါအီးကထိဘၢၣ်၁သီန့ၣ် တၢ်ကပျဲ ပှၤဘၣ်ကီဘၣ်ခဲဖိတဖၣ် ကဖံးမၤတၢ်အဂီၢ်

လါစဲးပထ့ဘၢၣ်(၁၁)သီ, ၂၀၂၅နံၣ်, အၣ်ထူခ့ၣ်တၢ်ကစီၣ် ပှၤဘၣ်ကီဘၣ်ခဲဖိလၢအိၣ်ဖဲကၠီၣ်တဲၣ်ပယီၤကီၢ်ဆၢဘၣ်ကီဘၣ်ခဲဒဲက၀ီၤပူၤတဖၣ်စးထီၣ်လၢလါအီးကထိဘၢၣ်၁သီန့ၣ် တၢ်ကပျဲဖံးမၤတၢ်လၢအဖိးသဲစးအဂ့ၢ် ကၠီၣ်တဲၣ်ထံလီၢ်ကီၢ်ပူၤကိတိၥ်ခိၣ်ကျၢၢ် ၂ Theerarat Samrejvanichတဲလီၤ၀ဲအဖီခိၣ် ကၠီၣ်တဲၣ်တၢ်ကစီၣ်သန့တဖၣ် ကွဲးပၥ်ဖျါဃၥ်၀ဲန့ၣ်လီၤ. တၢ်ပၥ်ဂၢၢ်ပၥ်ကျၢၢ်တ့ၢ် တၢ်တိၥ်ကျဲၤအံၤ ဖဲအပူၤကွံၥ် လါအီကူၥ်၂၆သီအနံၤ ဖဲကၠီၣ်တဲၣ်ပဒိၣ်တၢ်အိၣ်ဖှိၣ်အပူၤ၀ံၤ ဘၣ်ကီဘၣ်ခဲဒဲက၀ီၤ(၉)ဘ့ၣ်လၢအိၣ်ဖဲ ကၠီၣ်တဲၣ်-ပယီၤကီၢ်ဆၢ မဲၢ်ဟီၣ်စီၣ်, တး, ကၣ်ခၠးနဘူၣ်ရံၣ်ဒီး ရဲးခၠးဘူၣ်ရံၣ်ကီၢ်ရ့ၣ်(၄)ဘ့ၣ်အပူၤတဖၣ် စးထီၣ်လၢလါအီးကထိဘၢၣ်၁သီတုၤ(၁)နံၣ်အတီၢ်ပူၤ

September 11, 2025

Radio တၢ်ကစီၣ် တၢ်ကစီၣ် တၢ်သဘံၣ်သဘုၣ်

ကၠီးဖၠူၣ် လီၢ်က၀ီၤဖိဒီးပှၤလီၢ်အိၣ်ကမှံဖိတဖၣ် ဘၣ်တၢ်ဖီၣ်န့ၢ်ဆူၣ်မၤသံအီၤ

လါစဲးပထ့ဘၢၣ် ၁၁သီ, ၂၀၂၅နံၣ်, အၣ်ထူခ့ၣ်တၢ်ကစီၣ် သုးကီၣ်မံးရှၢၣ်ဒီး ရၢၢ်ခၢၣ်သုးမုၢ်ဒိၣ်(AA)အဘၢၣ်စၢၤ တၢ်ဒုးဆူၣ်လၢ ရၢၢ်ခၢၣ်ကီၢ်စဲၣ်, ကၠီးဖၠူၣ်ကီၢ်ဆၣ်အပူၤ လါစဲးပထ့ဘၢၣ်အတီၢ်ပူၤ လီၢ်က၀ီၤဖိဒီးပှၤလီၢ်အိၣ်ကမှံဖိတဖၣ် ဘၣ်တၢ်ဖီၣ်န့ၢ်ဆူၣ်အီၤတဖၣ်ဒီး ဘၣ်တၢ်မၤသံအီၤတဖၣ်ဟဲအိၣ်ထီၣ်တပယူၥ်ဃီအဂ့ၢ် လီၢ်က၀ီၤဖိတဖၣ် စံး၀ဲန့ၣ်လီၤ. ဖဲလါစဲးပထ့ဘၢၣ် ၅သီအနံၤန့ၣ် သုးကီၣ်မံးရှၢၣ်အသုး ခးသံ ကၠီးဖၠူၣ်ကီၢ်ဆၣ်, သပၠူၣ်တီၣ်သ၀ီဖိတဂၤအိၣ်အသိး ဖဲလါစဲးပထ့ဘၢၣ် ၃သီအနံၤစ့ၢ်ကီး

September 11, 2025

Radio တၢ်ကစီၣ် တၢ်ကစီၣ် တၢ်သဘံၣ်သဘုၣ်

(၈)နၣ်ရံၣ်ဃၣ်ဃၣ်ယံာ် တၫ်ဒုးအပူၤ သုးခီၣ်မံးရှၢၣ်သုးဖိအစိၣ်(၆၀)ဘျဲၣ်ဒီးသုးတၫ်ပီးတၫ်လီ(AA)မၤန့ၣ်၀ဲ

လါစဲးပထ့ဘၢၣ်(၁၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ် မကွ့ကီၫ်ခီ,ငဖဲကီၫ်ဆၣ်,စိၣ်တဲးသ၀ီအကပၤ တၫ်ဒုးကဲထီၣ်တ့ၫ်အပူၤ ဒုၣ်ဒါအစိၣ်(၆၀)ဘျဲၣ်ဒီးသုးတၫ်ပီးတၫ်လီတဖၣ်,စုက၀ဲၤကျိချံပှာ်သၣ်တဖၣ် ရၢၫ်ခၢၣ်သုးမုၫ်ဒိၣ်(AA)မၤန့ၫ်၀ဲအဂ့ၫ် ဖဲလါစဲးပထ့ဘၢၣ်(၁၀)သီနံၤန့ၣ် ထုးထီၣ် ဘိးဘၣ်ရၤလီၤတၫ်ကစီၣ်လီၤ. တၫ်ဒုးအံၤ ဖဲလါစဲးပထ့ဘၢၣ်(၇)သီ,ဂီၤ(၁၁း၁၅)နၣ်ရံၣ်အကတီၫ် ဒ်သုးကျိၤ(၂)ဘိတဘိအသိး ဟဲထီၣ်ဒုးဃီၤတၫ်လၢ အမ့ၫ် စကခ(၁၇)အစုတီၤဖီလာ်, လၢအိၣ်သူၣ်ဆီလီၤအသးဖဲယိၤဒိၣ်ကီၫ်စဲၣ်မုၫ်ထီၣ်,မဲပၣ်အ ခလရ(၂၉၅)လၢသုးခိၣ် ဒိၣ်ဂီၫ်ဂ့ၫ်ပၠံးဖၠိအီၣ်တီခိၣ်ရိၣ်မဲသုးရ့ၣ်အဘၢၣ်စၢၤတၫ်ဒုးကဲထီၣ်၀ဲအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ. တၫ်ဒုးအံၤယံာ်၀ဲ(၈)နၣ်ရံၣ်ဃၣ်ဃၣ်ဒီးသုးခီၣ်မံးရှၢၣ်သုးဖိအစိၣ်(၆၀)ဘျဲၣ်ဒီးသုးတၫ်ပီးတၫ်လီတဖၣ်,ကျိချံပှာ်သၣ်တဖၣ် ရၢၫ်ခၢၣ်သုးမုၫ်ဒိၣ်ပာ်ဖျါ၀ဲလီၤ. တၫ်ဒုးအဂၤတခါလၢကဲထီၣ်အသးဖဲမကွ့ကီၫ်ခီ,ငဖဲကီၫ်ဆၣ်,စိၣ်တဲးသ၀ီအမုၫ်ထီၣ်ကလံၤစိး

September 11, 2025

Radio တၢ်ကစီၣ် တၢ်ကစီၣ် ထံရုၢ်ကီၢ်သဲး

ပှၤထိၣ်ဟူးထိၣ်ဂဲၤတၫ်လၢတၫ်ဃုထၢကဟးဂီၤအဂီၫ် တၫ်ဒုးလီၤအီၤဃိၥ်(၇)နံၣ်

လါစဲးပထ့ဘၢၣ်(၁၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ် ကီၫ်ပယီၤပူၤ တၫ်ဃုထၢလၢတၫ်ကမၤ၀ဲ ကဟးဂီၤအဂီၫ် ကွဲးရၤလီၤ၀ဲလၢ ပှၤတ၀ၢပှာ်ဘျးစဲအဖီခိၣ်အဃိ ပိာ်ခွါ(၁)ဂၤ ဖဲလါစဲးပထ့ဘၢၣ်(၉)သီအနံၤန့ၣ် ခီဖျိတၫ်ဘျၢလၢဒီသဒၢန့ၫ်တၫ်မၤဟးဂီၤတၫ်ဃုထၢအဖီခိၣ် တၫ်ဟ့ၣ်လီၤ၀ဲတၫ်စံၣ် ညီၣ် တၫ်မၤဒီးဃိၥ်(၇)နံၣ်အဂ့ၫ် န့ၣ်ပၠံၣ်တီၣ်တကပၤ ထုးထီၣ်တၫ်ကစီၣ်န့ၣ်လီၤ. ယိၤဒိၣ်ကီၫ်စဲၣ်ကလံၤထံး,တီၣ်ကၠံကီၫ်ဆၣ်,၀့ၫ်အ့သၣ်ယၣ်,က၀ီၤဒ့နီၫ်ဂံၫ်(၁)အပူၤ သးနံၣ်(၃၆)နံၣ်အိၣ် န့ၣ်သွ့(ကိး)အူအီၣ်ခ့ၣ်န့ၣ်ဖဲလါအီကူာ်(၂၅)သီအနံၤ တၫ်ဃုထၢကဟးဂီၤအဂီၫ် ကွဲးဖျါ၀ဲလၢပှၤတ၀ၢပှာ်ဘျးစဲအပူၤန့ၣ် တၫ်ထံၣ်န့ၫ်၀ဲအဂ့ၫ် တၫ်ဘိးဘၣ်ရၤလီၤအပူၤပာ်ဖျါ၀ဲလီၤ. န့ၣ်သွ့(ကိး)အူအီၣ်ခ့ၣ်န့ၣ်

September 11, 2025

Radio တၢ်ကစီၣ် တၢ်ကစီၣ် သုးဂ့ၢ်၀ီ

တြီဆၢန့ၢ်၀ဲအီၣ်စ့ၣ်ယၣ်ဒုးယၤရဲၣ်ကျဲၤလၢ၁နံၣ်တ၀ၣ်ဃၣ်ဃၣ်အဃိပှၤလၢပၣ်ဃုၥ်လၢအ့ရှၢကျဲမုၢ်ဖးဒိၣ်တၢ်ဒုးတဖၣ် KNLAလီၢ်ခၢၣ်သးသုး၀ဲၤလီၢ်ခိၣ်သ့ၣ် ပၥ်ကဖၢလၢမၤလၤကပီၤ၀ဲ

လါစဲးပထ့ဘၢၣ်(၈)သီ, ၂၀၂၅နံၣ်, အၣ်ထူခ့ၣ်တၢ်ကစီၣ် တဟံးန့ၢ်တၢ်ဆီၣ်ထွဲမၤစၢၤနီတမံၤလၢထံကီၢ်တဖၣ်အအိၣ်ဘၣ်ဒီးတြီဆၢန့ၢ်၀ဲသုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးကီၣ်မံးရှၢၣ်အထံကီၢ်ပတီၢ်အီၣ်စ့ၣ်ယးဒုးယၤရဲၣ်ကျဲၤလၢအသီ(၅၀၀)ဘျဲၣ်အတီၢ်ပူၤအဃိပှၤလၢပၣ်ဃုၥ်လၢအ့ရှၢကျဲမုၢ်ဖးဒိၣ်တၢ်ဒုးပူၤတဖၣ်ပၥ်ကဖၢလၢပၥ်လၤပၥ်ကပီၤဘၣ်၀ဲအဂ့ၢ်န့ၣ်ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)လီၢ်ခၢၣ်သးသုး၀ဲၤလီၢ်ခိၣ်သ့ၣ် ထုးထီၣ်ပၥ်ဖျါဃၥ်၀ဲဖဲ မဟါအနံၤန့ၣ်လီၤ. KNU/KNLA၊ PDFသိၣ်မှံသုးပၥ်ဖှိၣ်တဖၣ် ထီၣ်ဒုးမၤန့ၢ် သုးကီၣ်မံးရှၢၣ် သ့ၣ်ဃါညံၣ်နီၣ်အိၣ်သူၣ်လီၤ သုးရ့ၣ်သုး၀ဲၤလီၢ်ခိၣ်သ့ၣ်တဖၣ်၀ံၤအလီၢ်ခံ ဖဲ၂၀၂၄နံၣ် လါအ့ဖြ့ၣ်န့ၣ် စးထီၣ်မၤ၀ဲအီၣ်စ့ၣ်ယၣ်ဒုးယၤရဲၣ်ကျဲၤန့ၣ်လီၤ. ခီဖျိဒုးယၤရဲၣ်ကျဲၤအဃိ တၢ်ဒုးတဖၣ်ကဲထီၣ်၀ဲဒၣ်လၢ ကီးတရံး၀့ၢ်ဒီးအခိၣ်အဃၢၤ၀ံၤ ဖဲလါအ့ဖြ့ၣ်၂၀သီအနံၤန့ၣ် ဟဲထီၣ်တုၤ၀ဲလၢတီနီၢ်ထံလီၤဆူ၀ံၤသုးကီၣ်မံးရှၢၣ်သုးသိလ့ၣ်ထးတဖၣ်ကလဲၤထီၣ်၀ဲဆူရၤမတံလၢစှၤနၣ်ရံၣ်အတီၢ်ပူၤဘၣ်ဆၣ် ခီဖျိ KNLAတီခိၣ်ရိၣ်မဲသုးပၥ်ဖှိၣ်တဖၣ် ခီၣ်ဆၢဒုး၀ဲအဃိ

September 8, 2025

Radio တၢ်ကစီၣ် တၢ်ကစီၣ် တၢ်အိၣ်ဆူၣ်အိၣ်ချ့

ဒီၣ်အီၣ်ဆါစူးကၠံၣ် သးသမူတၢ်လီၤဘၣ်ယိၣ်အိၣ်၀ဲအဂ့ၢ် NLDဃ့ၣ်ထီၣ်တၢ်မၤစၢၤဆူ ဟီၣ်ခိၣ်ဘီမုၢ်ထံကီၢ်တဖၣ်အအိၣ်

လါစဲးပထ့ဘၢၣ်(၈)သီ, ၂၀၂၅နံၣ်, အၣ်ထူခ့ၣ်တၢ်ကစီၣ် ဒီၣ်အီၣ်ဆါစူးကၠံၣ်တၢ်အိၣ်ဆူၣ်ချ့တၢ်အိၣ်သးနးထီၣ်အဃိ တၢ်ကပျဲဒိးကူစါယါဘါအသးလၢတၢ်သဘျ့အပူၤဒီး ကထူၣ်ဖျဲးထီၣ်က့ၤအဆိအချ့အဂီၢ် ဒီကလုၥ်ဒံၣ်မိၣ်ကရ့ၣ်စံၣ်ကရၢခိၣ်ကျၢၢ် (NLD)ဃ့ထီၣ်တၢ်မၤစၢၤဆူ ဘီမုၢ်စၢဖှိၣ်ကရၢပၣ်ဃုၥ် အၣ်စံၣ်ယၣ်ထံကီၢ်တဖၣ်အအိၣ် ဖဲလါစဲးပထ့ဘၢၣ်(၇)သီအနံၤန့ၣ်လီၤ. ဒီၣ်အီၣ်ဆါစူးကၠံၣ်လၢ အသးနံၣ်အိၣ်(၈၀)ဘျဲၣ်အံၤ မီၤစိရိၤဟံးန့ၢ်ဆူၣ်ထံကီၢ်တၢ်စိတၢ်ကမီၤအသုး ဖီၣ်ဃၥ်၀ဲအိၣ်ထီၣ်လံ (၄)နံၣ်ဒီး(၈)လါဘျဲၣ်၀ံၤ ကတီၢ်ခဲအံၤန့ၣ် သးတၢ်ဆါတၢ်အိၣ်သးဟဲနးထီၣ်၀ံၤ သးသမူတၢ်လီၤဘၣ်ယိၣ်အိၣ်အဂ့ၢ် NLDထုးထီၣ်ပၥ်ဖျါဃၥ်၀ဲန့ၣ်လီၤ. ကတီၢ်ခဲအံၤ ဒီၣ်အီၣ်ဆါစူးကၠံၣ်န့ၣ် ခီဖျိတဒိးန့ၢ်ခွဲးယၥ်လၢ

September 8, 2025

Radio တၢ်ကစီၣ် တၢ်ကစီၣ် ထံဂုၤကီၫ်ဂၤ

ကီၫ်ချၢသုးဖိလၢတၫ်ပျၫ်လီၤ၀ဲဆူယူၣ်ကရ့တဖၣ် ကကဲထီၣ်တၫ်ခးပနီၣ်လၢဖိးသဲစးအဂ့ၫ် Putinတဲ၀ဲ

လါစဲးပထ့ဘၢၣ်(၈)သီ,၂၀၂၅နံၣ်, အၣ်ထူခ့ၣ်တၢ်ကစီၣ် ကယဲၫ်မ့ၫ်ကီၫ်ချၢသုးဖိလၢဆှၢ၀ဲဆူယူၣ်ကရ့တဖုလၫ်လၫ် ရၢရှၢၣ်သုးဖိတဖၣ် ကပာ်၀ဲဒ်တၫ်ခးပနီၣ်လၢဖိးသဲစးအဂ့ၫ် ရၢၣ်ရှၢၣ်ကီၫ်ခိၣ် Vladimir Putin ဘိးဘၣ်ရၤလီၤ၀ဲ ဖဲလါစဲးပထ့ဘၢၣ်(၅)သီအနံၤန့ၣ်လီၤ. ရှၢရှၢၣ်တကပၤ တူၫ်လိာ်၀ဲတသ့လၢတၫ်ထုးထီၣ်တဲဖျါဃာ် တၫ်ကဆှၢလီၤတၫ်ကတီၤပၢၤဃာ်တၫ်မုာ်တၫ်ခုၣ်သုးအဂီၫ် ယူၤရပၤခိၣ်နၫ်တဖၣ်အၢၣ်လီၤ၀ဲ၀ံၤအလီၫ်ခံ Putinတဲဖျါထီၣ်၀ဲဒ်သိးအံၤန့ၣ်လီၤ. “ဖဲတၫ်ဒုးကဲထီၣ်တပယူာ်ဃီအကတီၫ် သုးဖိတဖုဂ့ၤတဖုဂ့ၤ ကပာ်ပနီၣ်၀ဲဒ်တၫ်ခးပနီၣ်လၢဖိးစဲစးအဂ့ၫ်” လၢရၢရှၢၣ်မုၫ် ထီၣ်,၀့ၫ်ဘလၣ်ဒံၣ်ဘီးစတီးအပူၤ တၫ်မၤ၀ဲမုၫ်ထီၣ်မုာ်ကျိၤ၀ဲၤကွာ်ဖိၣ်ရၣ်အပူၤ Putinတဲလီၤ၀ဲလီၤ. မ့ၫ်ဒိးန့ၫ်ဃာ်တၫ်မုာ်တၫ်ခုၣ်တၫ်အၢၣ်လီၤလံဒီးယူၣ်ကရ့အပူၤ

September 8, 2025

Radio တၢ်ကစီၣ် တၢ်ကစီၣ် တၢ်သဘံၣ်သဘုၣ်

KNUသုးက့နီၫ်ဂံၫ်(၃),ဖၠူးကီၫ်ဆၣ်အပူၤ သုးခီၣ်မံးရှၢၣ်အသုးဟဲထီၣ်သုးကျိၤဃုာ်ဒီးသုးကျိၤခိၣ်ဒီးပာ်ဃုာ်စ့ၫ်ကီး သိလ့ၣ်တီၣ်ဒြိ(၁)ခိၣ်

လါစဲးပထ့ဘၢၣ်(၈)သီ,၂၀၂၂၅နံၣ်, အၣ်ထူခ့ၣ်တၢ်ကစီၣ် ကညီဒီကလုာ်စၢဖှိၣ်ကရၢ,သုးက့နီၫ်ဂံၫ်(၃),ချၢၣ်လွံၫ်ထူၣ်ကီၫ်ရ့ၣ်,ဖၠူကီၫ်ဆၣ်,ညီၣ်ပ့ၣ်သၣ်သၣ်အဟးထီၣ် လၢကည့ၣ်ဒဲ ကျဲတကပၤ ဃုာ်ဒီးသုးသိလ့ၣ်(၆)ခိၣ် ဂံၫဘါ(၁၅၀)ဂၤဃၣ်ဃၣ်ပာ်ဃုာ် သုးခီၣ်မံးရှၢၣ်အသုးဖိတဖၣ်န့ၣ် ဖဲလါစဲးပထ့ ဘၢၣ်(၄)သီအနံၤ ဟါ(၅း၁၀)နၣ်ရံၣ်အကတီၫ် ဟဲထီၣ်သုးကျိၤအဂ့ၫ် KNLAသုးဘၣ်မူဘၣ်ဒါတဂၤတဲ၀ဲလီၤ. သုးခီၣ်မံးရှၢၣ်ဒုးယၤခိၣ်လၢဟဲဃုာ်ဒီးသုးဂံၫ်ဘါ(၁၅၀)ဂၤဃၣ်ဃၣ်စ့ၫ်ကီး ဟဲအိၣ်ဖဲညီၣ်ပ့ၣ်သၣ်ပၢၤကီၫ်သုးကလၢၤန့ၣ်လီၤ. ဖဲညီပ့ၣ်သၣ်သုးကလၢၤလၢဒုးယၤခိၣ်ဟဲအိၣ်ဆီလီၤဃာ်အသုးအံၤ အသုးဖိ(၄၀)ဂၤန့ၣ် လ့ၫ်ထီၣ်လ့ၫ်လိၤဖဲညီၣ်ပ့ၣ် သၣ်စဲးဖီကဟၣ်တၫ်မၤလီၤလီၫ်ကျဲတကပၤအိၣ်၀ဲအဂ့ၫ် ဂ့ၫ်ခီၣ်ထံးတၫ်ကစီၣ်၀ဲန့ၣ်တဲ၀ဲလီၤ. ဒ်န့ၣ်အသိး ဖဲလါစဲးပထ့ဘၢၣ်(၄)သီ,ဟါ(၆း၁၁)နၣ်ရံၣ်အကတီၫ် သုးသိလ့ၣ်ဟးထီၣ်(၂)ခိၣ်ဆူ

September 8, 2025