လါစဲးပထ့ဘၢၣ်(၁၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တၫ်ဃုထၢလၢသုးခီၣ်မံးရှၢၣ်ကမၤ၀ဲ၀ဲန့ၣ် လၢထံကီၫ်အခါဆူညါတၫ်ဘှီဘၣ်ဆီတလဲအဂီၫ် တၫ်ဃုထၢထီၣ်ကမျၢၫ် ခၢၣ်စးတဖၣ်အဃိ ကမၤစၢၤဆီၣ်ထွဲ၀ဲအဂ့ၫ် ဒံၣ်မိၣ်ကရ့ၣ်စံၣ်ဘၣ်ဘျူးကညီသုးမုၫ်ဒိၣ်(DKBA) ထုးထီၣ်ဘိးဘၣ်ရၤ လီၤ၀ဲလၢဖိးသဲစး ဖဲလါစဲးပထ့ဘၢၣ်(၁၁)သီအနံၤန့ၣ်လီၤ.
လၢကတီၫ်အံၤတၫ်သဘံၣ်သဘုၣ်တဖၣ်န့ၣ် တမ့ၫ်လၢသုးဂ့ၫ်၀ီဘၣ်အမဲာ်ညါ ခီဖျိလၢတၫ်ထံၣ်လိာ်တၢၣ်ပီၣ်တဲသကိး အဖီခိၣ် ကဃုထံၣ်န့ၫ်တၫ်အစၢလၢအဘၣ်န့ၣ် နာ်၀ဲအဂ့ၫ် အ၀ဲသ့ၣ်အတၫ်ပာ်သးတဖၣ် ကွဲးဖျါဃာ်၀ဲလၢတၫ်ဘိးဘၣ်ရၤ လီၤအပူၤန့ၣ်လီၤ.
DKBAပှၤဘၣ်မူဘၣ်ဒါတဂၤတဲ၀ဲလၢ “အခီပညီန့ၣ် ကမျၢၫ်တဂၤစုာ်စုာ်န့ၣ် အိၣ်ဒီးတၫ်ဃုထၢသဘျ့လီၤ.ဟ့ၣ်အ၀ဲတၫ် ဖးန့ၣ် တၫ်တကြၢးဟ့ၣ်တၫ်ဆီၣ်သနံးအသိးတဘၣ်ဟ့ၣ်တဂ့ၤစ့ၫ်ကီး တကြၢးဟ့ၣ်တၫ်ဆီၣ်သနံးဘၣ်.လီၤဆီဒၣ် တၫ် အ၀ဲသ့ၣ်အတၫ်ပာ်သး,ဃုထၢထီၣ်အခၢၣ်စး,အ၀ဲသ့ၣ်အိၣ်ဒီးခွဲးယာ်လၢကဆၢတဲာ်၀ဲလၢတၫ်သဘျ့အပူၤလီၤ.ကမျၢၫ်တဖၣ်လၢတၫ်သဘျ့အပူၤဆၢတဲာ်၀ဲအဖီခိၣ် ပ၀ဲတဖၣ်န့ၣ်အိၣ်ဒၣ်လၢပကကဟုကယာ်အီၤအဂ့ၫ်”တဲ၀ဲလီၤ.
ဘၣ်ထွဲဒီးသုးခီၣ်မံးရှၢၣ်တၫ်ဃုထၢန့ၣ် BGFလၢ ဆီတလဲက့ၤအမံၤဒ်ကညီဒီကလုာ်သုးမုၫ်ဒိၣ်-KNAစ့ၫ်ကီး အပူၤကွံာ် လါစဲးပထ့ဘၢၣ်(၃)သီအနံၤန့ၣ် ထုးထီၣ်ဘိးဘၣ်ရၤလီၤ၀ဲလၢ တၫ်ဃုထၢအပူၤကမျၢၫ်လၢဟ့ၣ်တၫ်ဖးတဖၣ် ကဆီၣ်ထွဲ မၤစၢၤ၀ဲအဂ့ၫ်န့ၣ်လီၤ.
KNUကညီဒီကလုာ်စၢဖှိၣ်ကရၢတခီ ဘၣ်ထွဲဒီးလၢကတီၫ်အံၤတၫ်ဃုထၢန့ၣ် တတူၫ်လိာ်၀ဲဘၣ်အဂ့ၫ် ဖဲလါအီကူာ်(၂၆) သီအနံၤန့ၣ် ထုးထီၣ်ဘိးဘၣ်ရၤလီၤ၀ဲလီၤ.
သုးခီၣ်မံးရှၢၣ်န့ၣ် လၢတနံၣ်အံၤအလၢာ် လါဒံၣ်စ့ဘၢၣ်(၂၈)သီအနံၤ တၫ်ဃုထၢအကူာ်(၁)န့ၣ် ကမၤ၀ဲလၢကီၫ်ဆၣ် ပာ် ဖှိၣ်(၁၀၂)ခါအပူၤဒီးကညီကီၫ်စဲၣ်ပူၤ ဖၣ်အၣ်ကီၫ်ဆၣ်,ဒီၣ်ဖးခိၣ်ကီၫ်ဆၣ်ဒီးရၤမတံကီၣ်ဆၣ်တဖၣ် ပာ်ဃုာ်စ့ၫ်ကီး အဂ့ၫ် ထုးထီၣ်ဘိးဘၣ်ရၤလီၤ၀ဲလီၤ.
