လါစဲးပထ့ဘၢၣ်(၈)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကယဲၫ်မ့ၫ်ကီၫ်ချၢသုးဖိလၢဆှၢ၀ဲဆူယူၣ်ကရ့တဖုလၫ်လၫ် ရၢရှၢၣ်သုးဖိတဖၣ် ကပာ်၀ဲဒ်တၫ်ခးပနီၣ်လၢဖိးသဲစးအဂ့ၫ် ရၢၣ်ရှၢၣ်ကီၫ်ခိၣ် Vladimir Putin ဘိးဘၣ်ရၤလီၤ၀ဲ ဖဲလါစဲးပထ့ဘၢၣ်(၅)သီအနံၤန့ၣ်လီၤ.
ရှၢရှၢၣ်တကပၤ တူၫ်လိာ်၀ဲတသ့လၢတၫ်ထုးထီၣ်တဲဖျါဃာ် တၫ်ကဆှၢလီၤတၫ်ကတီၤပၢၤဃာ်တၫ်မုာ်တၫ်ခုၣ်သုးအဂီၫ် ယူၤရပၤခိၣ်နၫ်တဖၣ်အၢၣ်လီၤ၀ဲ၀ံၤအလီၫ်ခံ Putinတဲဖျါထီၣ်၀ဲဒ်သိးအံၤန့ၣ်လီၤ.
“ဖဲတၫ်ဒုးကဲထီၣ်တပယူာ်ဃီအကတီၫ် သုးဖိတဖုဂ့ၤတဖုဂ့ၤ ကပာ်ပနီၣ်၀ဲဒ်တၫ်ခးပနီၣ်လၢဖိးစဲစးအဂ့ၫ်” လၢရၢရှၢၣ်မုၫ် ထီၣ်,၀့ၫ်ဘလၣ်ဒံၣ်ဘီးစတီးအပူၤ တၫ်မၤ၀ဲမုၫ်ထီၣ်မုာ်ကျိၤ၀ဲၤကွာ်ဖိၣ်ရၣ်အပူၤ Putinတဲလီၤ၀ဲလီၤ.
မ့ၫ်ဒိးန့ၫ်ဃာ်တၫ်မုာ်တၫ်ခုၣ်တၫ်အၢၣ်လီၤလံဒီးယူၣ်ကရ့အပူၤ တၫ်ကပာ်လီၤတၫ်ကတီၤတၢ်မုာ်တၫ်ခုၣ်သုးဖိ တၫ်ဆိ ကမိၣ်တဖၣ်စ့ၫ်ကီး Putinဂ့ၫ်လိာ်ဃာ်၀ဲလီၤ.
ရှၢရှၢၣ်ဒီးယူၣ်ကရ့ထံကီၫ်(၂)ဘ့ၣ်လၢာ် ကလိၣ်ဘၣ်တၫ်ဘံၣ်တၫ်ဘၢတၫ်အုၣ်ကီၤအဂ့ၫ် ပူၣ်တ့ၣ်တဲ၀ဲလီၤ.
ယူၣ်ကရ့တၫ်ဒုးမ့ၫ်၀ံၤန့ၣ် တၫ်ကဆှၢလီၤသုးဖိဆူယူၣ်ကရ့အဂီၫ် သိၣ်မှံၤထံကီၫ်(၂၆)ဘ့ၣ် အၢၣ်လီၤတူၫ်လိာ်၀ဲအဂ့ၫ် ဖြၣ်စ့ၣ်ကီၫ်ခိၣ် Emmanuel Macron ဆၢတဲာ်လီၤ၀ဲ၀ံၤအလီၫ်ခံ Putinခီၣ်ဆၢက့ၤ၀ဲဒ်န့ၣ်လီၤ.
တၫ်ဘံၣ်တၫ်ဘၢတၫ်အုၣ်ကီၤတဖၣ်န့ၣ် တၫ်ဒုးအပူၤဒီး တုၤတၫ်ဒုး၀ံၤအလီၫ်ခံ တၫ်မၤကကဲထီၣ်အဂီၫ် အရ့ဒိၣ်၀ဲအဂ့ၫ် ယူၣ်ကရ့ကီၫ်ခိၣ် Volodymyr Zelenskyy တဲ၀ဲန့ၣ်လီၤ.
Ref: AP
