လါအီးကထိဘၢၣ် ၂သီ, ၂၀၂၅နံၣ်, အၣ်ထူခ့ၣ်တၢ်ကစီၣ် ကီၢ်ဖံးလံးပံး, စံၣ်ဘူကီၢ်စဲၣ်အပူၤ ဖဲမဟါအနံၤ, ဟါလီၤခီအဆၢကတီၢ် ဟီၣ်ခိၣ်ဟူး၀းတ့ၢ်၀ဲအဃိ ပှၤသံအိၣ်ထီၣ်၀ဲ ၆၀ဂၤအဂ့ၢ် Reuters တၢ်ကစီၣ်ပၥ်ဖျါဃၥ်၀ဲန့ၣ်လီၤ. အဂံၢ်ဆူၣ် (၆.၉)အပတီၢ် ဟီၣ်ခိၣ်ဟူး၀းအံၤ ဖဲလါစဲးပထ့ဘၢၣ် ၃၀သီအနံၤ, လီၢ်က၀ီၤနီၣ်ထိၣ် တချူးဘၣ် ဟါ၁၀နၣ်ရံၣ်အဆၢကတီၢ် ဟူး၀းတ့ၢ်၀ဲဖဲ စံၣ်ဘူကီးအပူၤန့ၣ်လီၤ.
လါအီးကထိဘၢၣ် ၂သီ, ၂၀၂၅နံၣ်, အၣ်ထူခ့ၣ်တၢ်ကစီၣ် သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ ၄နံၣ်ဘျဲၣ်အတီၢ်ပူၤ ကီၢ်ကရ့ၣ်နံၣ်ဒီးကယါ(ကယန်း)ဟီၣ်က၀ီၤအပူၤ သုးဂ့ၢ်၀ီ, ထံရူၢ်ကီၢ်သဲးဂ့ၢ်၀ီဒီး တၢ်မၤကမၣ်ပှၤဂ့ၢ်၀ီခွဲးယၥ်တဖၣ်အဃိ လီၢ်က၀ီၤကမျၢၢ်ဒီးပှၤလီၢ်အိၣ်ကမှံ ၈၀၀ဘျဲၣ် ဘၣ်သံ၀ဲအဂ့ၢ် ကရ့ၣ်နံၣ်တၢ်လဲၤထီၣ်လဲၤထီကမျၢၢ်ဂံၢ်ဘါကရူၢ်(PKPF) ထုးထီၣ်ပၥ်ဖျါဃၥ်၀ဲ ဖဲလါအီးကထိဘၢၣ် ၁သီအနံၤန့ၣ်လီၤ. ၂၀၂၅နံၣ်, ၉လါအတီၢ်ပူၤ လီၢ်က၀ီၤကမျၢၢ်ဒီး ပှၤလီၢ်အိၣ်ကမှံဖိ ၁၀၀ဘျဲၣ် ဘၣ်သံ၀ဲ၀ံၤ
လါအီးကထိဘၢၣ်(၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ် လၢကီၫ်ဆၢ,ဘၣ်ကီဘၣ်ခဲဒဲက၀ီၤပူၤ ကီၫ်ပယီၤပှၤလီၫ်အိၣ်ကမှံဖိတဖၣ် ကီၫ်ကၠီၣ်တဲၣ်အပူၤ ကမၤဘၣ်တၫ်လၢဖိးသဲစး တၫ်ကဟ့ၣ်တၫ်ပျဲတၫ်ရဲၣ်တၫ်ကျဲၤန့ၣ် ကၠီၣ်တဲၣ်ကိတိာ်ခိၣ်ကျၢၫ် ဘိးဘၣ်ရၤလီၤ၀ဲလီၤ. ကိတိာ်ခိၣ်ကျၢၫ် Anutin Charnvirakulန့ၣ် စးထီၣ်ဖဲလါအီးကထိဘၢၣ်(၁)သီနံၤ ပှၤလၢအိၣ်ဖဲကၠီၣ်တဲၣ်ကီၣ်ဆၢ ဘၣ်ကီဘၣ်ခဲဒဲက၀ီၤပူၤတဖၣ် ကလဲၤမၤဘၣ်တၫ်လၢတၫ်ချၢအဂီၫ် ကဟ့ၣ်၀ဲတၫ်ပျဲလၢယံာ်(၁)နံၣ်အဂ့ၫ်န့ၣ် ပာ်ဂၢၫ် ပာ်ကျၢၤ၀ဲလီၤ. ကၠီၣ်တဲၣ်ပဒိၣ်တကပၤ ပာ်သူၣ်ပာ်သးဘၣ်လၢဟီၣ်ခိၣ်ဖိတၫ်ဒိသူၣ်ဒိသးဂ့ၫ်ခီၣ်ထံးတၫ်ဘျၢတဖၣ်,ပှၤလီၫ်အိၣ်ကမှံဖိ တဖၣ်အံၤ ဖဲလၢအိၣ်
လါစဲးပထ့ဘၢၣ်(၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ် ကညီကီၣ်စဲၣ်,ရၤမတံကီၫ်ဆၣ်,မ့လဲးပၣ်,ဖလူဒီးမဲၫ်ထီၣ်သလ့တကပၤ သုးခီၣ်မံးရှၢၣ်အသုးကျိၤ ဟဲထီၣ်တဖျိဘၣ် အဃိ တ့ၫ်လီၤမ့ၣ်ပိၫ်ကိးနံၤဒဲးလၢဒြိတူၫ်သံသးတဖၣ်အဂ့ၫ် လီၫ်က၀ီၤသုးဂ့ၫ်၀ီဂ့ၫ်ခီၣ်ထံးတၫ်ကစီၣ်တဲ၀ဲလီၤ. စးထီၣ်ဖဲလါစဲးပထ့ဘၢၣ်(၂၆)သီအနံၤန့ၣ် သုးခီၣ်မံးရှၢၣ်အသုးန့ၣ် လၢ၀့ၫ်ရၤမတံအချၢ မ့လဲးပၣ်သ၀ီ,ဖလူသ၀ီဒီးမဲၫ် ထီၣ်သလ့ဟီၣ်က၀ီၤတဖၣ်အပူၤ တ့ၫ်လီၤမ့ၣ်ပိၫ်လၢဒြိတူၫ်သံသးတဖၣ် တုၤလၢလါအီးကထိဘၢၣ်(၁)အနံၤန့ၣ်လီၤ. တကးဘၣ် ဟီၣ်ခိၣ်လိၤသုးကျိၤစ့ၫ်ကီး တုၤလၢကတီၫ်အံၤ ထီၣ်ဆူတၫ်မဲာ်ညါတန့ၫ်လၢၤဘၣ်အမဲာ်ညါ သုးခီၣ်မံးရှၢၣ် န့ၣ် သူ၀ဲဒြိတူၫ်သံသးတဖၣ်၀ံၤ ဒုးတ့ၫ်လီၤမ့ၣ်ပိၫ်လၢကၠိဒီးသီခါဖၠၣ်လၢတယာ်၀ဲ
လါအီးကထိဘၢၣ်(၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ် စကဲကီၫ်ခီပူၤ ပှၤပာ်ဖျါထီၣ်သးကရၢ,လီၫ်က၀ီၤကမျၢၫ်တဖၣ်န့ၣ် ခီဖျိလၢလံာ်မဲာ်ဖျၢၣ်“တၫ်ဃုထၢန့ၣ် တမ့ၫ်ဒံၣ်မိၣ်က ရ့ၣ်စံၣ်ဘၣ်”ဒီးတၫ်ကထီဒါသုးခီၣ်မံးရှၢၣ်တၫ်ဃုထၢအဂီၫ် တၫ်ပာ်ဖျါထီၣ်သးတဖၣ် ဖဲမဟါ လါစဲးပထ့ဘၢၣ်(၃၀)သီ အနံၤန့ၣ် မၤသကိး၀ဲလီၤ. စကဲကီၫ်ခီ,၀ဲးလဲးကီၫ်ဆၣ်,ယွၣ်သၣ်ကၠံစၣ်ပၠးသ၀ီ သုးကရူၫ်အိၣ်ဆီလီၤသးသုးကလၢၤအကပၤ နၣ်ရံၣ်စ့ၣ်သီခါဖၠၣ်န့ၣ် ကၠိဖိကရၢ(ပယီၤကၠိဖိတဖၣ်ကရၢခိၣ်ကျၢၫ်)န့ၣ် “တၫ်ဃုထၢန့ၣ် တမ့ၫ်ဒံၣ်မိၣ်ကရ့ၣ်စံၣ်ဘၣ်” ကွဲးဖျါ၀ဲလၢBanner လံာ်မဲာ်ဖျၢၣ်ဖိတဖၣ်ဒီးမၤတၫ်ဟူးတၫ်ဂဲၤလၢတၫ်ထီဒါတၫ်ဃုထၢန့ၣ်လီၤ. လၢခၠီအူကီၫ်ဆၣ်အပူၤစ့ၫ်ကီး သးစၫ်ဂံၫ်ဘါတၫ်ပာ်ဖျါထီၣ်သးကမံးတံာ်,ခၠီအူကီၫ်ဆၣ်ကၠိဖိကရၢ (ပယီၤကၠိဖိတဖၣ်
လါအီးကထိဘၢၣ်(၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ် တၫ်ဂ့ၫ်ပာ်ဃုာ်(၂၀)ခါ ကၣ်စၣ်တၫ်မုာ်တၫ်ခုၣ်တၫ်ရဲၣ်တၫ်ကျဲၤအဖီခိၣ် ဟါမး(စ်)တကပၤ တူၫ်လိာ်/တတူၫ်လိာ် ကတဲခီၣ် ဆၢ၀ဲအဂီၫ် အမဲရကၤကီၫ်ခိၣ် Donald Trump န့ၣ် ပာ်ပနီၣ်န့ၫ်၀ဲ တၫ်ဆၢကတီၫ်”သၢသီတုၤလွံၫ်သီ”န့ၣ်လီၤ. ဟါမး(စ်)တကပၤ မ့ၫ်တတူၫ်လိာ်န့ၣ် “ကကတၢၫ်ကွံာ်လၢတၫ်သူၣ်အုးသးအုးဖးဒိၣ်အပူၤအဂ့ၫ်”Trumpတဲလီၤ၀ဲလီၤ. ဖဲလါစဲးပထ့ဘၢၣ်(၂၉)သီနံၤ လၢဟံၣ်၀ါ မၤသဃဲၤတၫ်ပာ်ဖျါထီၣ်တၫ်ကစီၣ်ဒီးအံၣ်စရ့ကိတိာ်ခိၣ်ကျၢၫ် Netanyahu အကတီၫ် Trumpန့ၣ်
လါအီးကထိဘၢၣ် ၁သီ, ၂၀၂၅နံၣ်, အၣ်ထူခ့ၣ်တၢ်ကစီၣ် ပကိကီၢ်ခီ, အိးတွ့ကီၢ်ဆၣ်, ညီၣ်ခၠ့ၣ်ထီး၀့ၢ်ပူၤ ခီဖျိကစၢၢ်ထံလီၤဒီး ထံဒိၣ်သတူၢ်ကလၥ်ဒီး ထံနုၥ်လီၤ၀ဲလၢတၢ်ဆါဟံၣ်အပူၤအဃိ ပှၤဆါတဖၣ်လၢဟဲဒိးကူစါယါဘျါသး ၂၀ဘျဲၣ်အံၤ ဂ့ၢ်ဂီၤအူဘၣ်သုးကွံၥ်အီၤအဂ့ၢ် တၢ်သ့ၣ်ညါဘၣ်လၢ ပှၤတ၀ၢတၢ်မၤစၢၤကရၢတဖၣ်အအိၣ်န့ၣ်လီၤ. ခီဖျိမူခိၣ်စူၤဒိၣ်အဃိ ကစၢၢ်ထံလီၤ၀ံၤ ဖဲလါစဲးပထ့ဘၢၣ် ၃၀သီအနံၤ, ဂီၤအဆၢကတီၢ်န့ၣ် ထံဟဲဒိၣ်ထီၣ်၀ဲလၢ သတူၢ်ကလၥ်အပူၤအဂ့ၢ် တၢ်သ့ၣ်ညါဘၣ်န့ၣ်လီၤ.
လါအီးကထိဘၢၣ် ၁သီ, ၂၀၂၅နံၣ်, အၣ်ထူခ့ၣ်တၢ်ကစီၣ် သုးကီၣ်မံးရှၢၣ်အသုးလၢ ဟဲနုၥ်လီၤသုးကျိၤ ဖဲခ့ၣ်အဲၣ်ယူၣ်-ကီၢ်ရ့ၣ်ဘျံးဒဝဲၢ်, ကီၢ်ဆၣ်ကစၢၢ်ဒိၣ်, စီဃ့တိၢ်ပြိးဟီၣ်ကဝီၤအပူၤအံၤ KNLAဒီးတၢ်ပၢၢ်ဆၢသုးပၥ်ဖှိၣ်တဖၣ် ခိးဒုးအီၤအဃိ ဘၣ်ဒိ၀ဲနးအဂ့ၢ် ခ့ၣ်အဲၣ်ယူၣ်-ဘျံး-ဒ၀ဲၢ်ကီၢ်ရ့ၣ် နဲၣ်ရွဲၣ်စံး၀ဲန့ၣ်လီၤ. ဖဲ ၂၀၂၅နံၣ် လါစဲးပထ့ဘၢၣ်(၃၀)သီအနံၤ ဂီၤ(၇း၀၀)နၣ်ရံၣ်အဆၢကတီၢ် ပယီၤသုးမီၤစိရိၤ အသုးရ့ၣ်(၄၀၃), (၄၀၄), (၄၀၅) သုးရ့ၣ်(၃)ရ့ၣ်ပာ်ဖှိၣ်
လါစဲးပထ့ဘၢၣ် ၃၀သီ, ၂၀၂၅နံၣ်, အၣ်ထူခ့ၣ်တၢ်ကစီၣ် သုးကီၣ်မံးရှၢၣ်အသုး ကဘီယူၤ လဲၤတ့ၢ်လီၤမ့ၣ်ပိၢ်ဆူ ခၠီကီၢ်စဲၣ်, ပလဲး၀း၀့ၢ်အပူၤအဃိ ကမျၢၢ်ဘၣ်သံ၀ဲ၂ဂၤ၀ံၤ ဘၣ်ဒိ၀ဲ၂၀ဂၤဃၣ်ဃၣ်အဂ့ၢ် ပလဲး၀းကီၣ်ကး ခၠီကီၢ် ပှၤဘၣ်မူဘၣ်ဒါတဂၤ စံး၀ဲန့ၣ်လီၤ. လါစဲးပထ့ဘၢၣ် ၂၉သီအနံၤ, မုၢ်ထူၣ် (၁၂း၃၀)နၣ်ရံၣ်အဆၢကတီၢ် သုးကီၣ်မံးရှၢၣ်အသုး အကဘီယူၤဒုးသုး Jet Fighter
လါစဲးပထ့ဘၢၣ် ၂၉သီ,၂၀၂၅နံၣ်, အၣ်ထူခ့ၣ်တၢ်ကစီၣ် တၢ်ဃုထၢလၢသုးကီၣ်မံးရှၢၣ် ကရဲၣ်ကျဲၤမၤ၀ဲဖဲ ၂၀၂၅နံၣ်, လါဒံၣ်စ့ဘၢၣ်အတီၢ်ပူၤအံၤ ကညီသုးခိးကီၢ်ဆၢ(BGF), ဒံၣ်မိၣ်ကရ့ၣ်စံၣ်တၢ်ဘၣ်ဘျူးကညီသုးမုၢ်ဒိၣ်(DKBA), (KNU/KNLA-PC)ကရၢတဖၣ် ကပၥ်ဖှိၣ် ကဒီသဒၢန့ၢ်၀ဲအဂ့ၢ် အၢၣ်လီၤတူၢ်လိၥ်၀ဲန့ၣ်လီၤ. ဖဲလါစဲးပထ့ဘၢၣ် ၂၈သီအနံၤ, ကရၢ၃ဖု ပတီၢ်ထီခိၣ်နၢ်တဖၣ် ထံၣ်လိၥ်တဲသကိး၀ဲဖဲ ရၤမတံကီၢ်ဆၣ်, သ့ၣ်ကတ့ၣ်သ၀ီအပူၤအိၣ် ကညီသုးခိၣ်ကီၢ်ဆၢ(BGF) နီၣ်ဂံၢ် (၂)သုးဟီၣ်က၀ီၤ