လါအီးကထိဘၢၣ်(၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
စကဲကီၫ်ခီပူၤ ပှၤပာ်ဖျါထီၣ်သးကရၢ,လီၫ်က၀ီၤကမျၢၫ်တဖၣ်န့ၣ် ခီဖျိလၢလံာ်မဲာ်ဖျၢၣ်“တၫ်ဃုထၢန့ၣ် တမ့ၫ်ဒံၣ်မိၣ်က ရ့ၣ်စံၣ်ဘၣ်”ဒီးတၫ်ကထီဒါသုးခီၣ်မံးရှၢၣ်တၫ်ဃုထၢအဂီၫ် တၫ်ပာ်ဖျါထီၣ်သးတဖၣ် ဖဲမဟါ လါစဲးပထ့ဘၢၣ်(၃၀)သီ အနံၤန့ၣ် မၤသကိး၀ဲလီၤ.
စကဲကီၫ်ခီ,၀ဲးလဲးကီၫ်ဆၣ်,ယွၣ်သၣ်ကၠံစၣ်ပၠးသ၀ီ သုးကရူၫ်အိၣ်ဆီလီၤသးသုးကလၢၤအကပၤ နၣ်ရံၣ်စ့ၣ်သီခါဖၠၣ်န့ၣ် ကၠိဖိကရၢ(ပယီၤကၠိဖိတဖၣ်ကရၢခိၣ်ကျၢၫ်)န့ၣ် “တၫ်ဃုထၢန့ၣ် တမ့ၫ်ဒံၣ်မိၣ်ကရ့ၣ်စံၣ်ဘၣ်” ကွဲးဖျါ၀ဲလၢBanner လံာ်မဲာ်ဖျၢၣ်ဖိတဖၣ်ဒီးမၤတၫ်ဟူးတၫ်ဂဲၤလၢတၫ်ထီဒါတၫ်ဃုထၢန့ၣ်လီၤ.
လၢခၠီအူကီၫ်ဆၣ်အပူၤစ့ၫ်ကီး သးစၫ်ဂံၫ်ဘါတၫ်ပာ်ဖျါထီၣ်သးကမံးတံာ်,ခၠီအူကီၫ်ဆၣ်ကၠိဖိကရၢ (ပယီၤကၠိဖိတဖၣ် က ရၢခိၣ်ကျၢၫ်)ဒီးမိၣ်ယွၣ်-အမၠံးလါ တၫ်ပာ်ဖျါထီၣ်သးကမံးတံာ်တဖၣ် ပာ်ဖှိၣ်လိာ်သးဒီးတၫ်ကထီဒါတၫ်ဃုထၢအဂီၫ် မၤ၀ဲလ့ၣ်ယီၫ်စဲးတၫ်ပာ်ဖျါထီၣ်တၫ်ပာ်သးန့ၣ်လီၤ.
တၫ်ပာ်ဖျါထီၣ်တၫ်ပာ်သးသုးကျိၤအပူၤ သုးဖိစွဲလ့တဲ၀ဲလၢ တၫ်ဃုထၢလၢသုးခီၣ်မံးရှၢၣ်ကမၤ၀ဲန့ၣ် ကမျၢၫ်တကပၤ ကထီဒါဘၣ်အဂီၫ် တဲဆီၣ်တခူထီၣ်၀ဲလီၤ.
ယ့မၣ်ပ့ၣ်ကီၫ်ဆၣ်ကလံၤစိးအပူၤ နီးပၠၣ်မလဲးကၠ့တၫ်ပၢၫ်ဆၢတၫ်ပာ်ဖျါထီၣ်သးသုးကျိၤတခီ သုးခီၣ်မံးရှၢၣ်အတၫ်ဃု ထၢန့ၣ်တၫ်ကထီဒါဘၣ်၀ံၤကိးသတြီထီၣ်၀ဲလၢ”ခီဖျိနတၫ်ဖးအဃိပျဲမၤသံတၫ်လၢဖိးသဲစးတဂ့ၤ”ဖဲးစံးတၫ်ဃုထၢ ထွံၣ်ဟးထီၣ်ကျဲ ဟ့ၣ်တၫ်ဖးတဂ့ၤ ထီဒါသကိး” ပာ်ဖျါထီၣ်တၫ်ပာ်သးန့ၣ်လီၤ.
စကဲကီၫ်ခီအပူၤ သုးခီၣ်မံးရှၢၣ်သုးကျိၤ ဟဲထီၣ်အကတီၫ်ဒၣ်လဲၣ် တၫ်ကထီဒါသုးမီၤစိရိၤအဂီၫ် မၤ၀ဲတၫ်ပာ်ဖျါထီၣ် တၫ်ပာ်သးတဖၣ် ကိးမုၫ်နံၤန့ၣ်လီၤ.
