လါအီးကထိဘၢၣ်(၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တၫ်ဂ့ၫ်ပာ်ဃုာ်(၂၀)ခါ ကၣ်စၣ်တၫ်မုာ်တၫ်ခုၣ်တၫ်ရဲၣ်တၫ်ကျဲၤအဖီခိၣ် ဟါမး(စ်)တကပၤ တူၫ်လိာ်/တတူၫ်လိာ် ကတဲခီၣ် ဆၢ၀ဲအဂီၫ် အမဲရကၤကီၫ်ခိၣ် Donald Trump န့ၣ် ပာ်ပနီၣ်န့ၫ်၀ဲ တၫ်ဆၢကတီၫ်”သၢသီတုၤလွံၫ်သီ”န့ၣ်လီၤ.
ဟါမး(စ်)တကပၤ မ့ၫ်တတူၫ်လိာ်န့ၣ် “ကကတၢၫ်ကွံာ်လၢတၫ်သူၣ်အုးသးအုးဖးဒိၣ်အပူၤအဂ့ၫ်”Trumpတဲလီၤ၀ဲလီၤ.
ဖဲလါစဲးပထ့ဘၢၣ်(၂၉)သီနံၤ လၢဟံၣ်၀ါ မၤသဃဲၤတၫ်ပာ်ဖျါထီၣ်တၫ်ကစီၣ်ဒီးအံၣ်စရ့ကိတိာ်ခိၣ်ကျၢၫ် Netanyahu အကတီၫ် Trumpန့ၣ် တဲ၀ဲလၢ ဟါမး(စ်)တကပၤ မ့ၫ်တတူၫ်လိာ်တၫ်အၢၣ်လီၤဘၣ်န့ၣ် “တၫ်လၢအ၀ဲသ့ၣ်ကဘၣ်မၤ၀ဲ န့ၣ်ကမၤ၀ဲအဂီၫ် ကဆီၣ်ထွဲမၤစၢၤအံၣ်စရ့လၢလၢပှဲၤပှဲၤအဂ့ၫ်”န့ၣ်လီၤ.
လၢဟံၣ်၀ါ တၫ်ပျီပူၤ တဲလီၤ၀ဲပှၤဟံးန့ၫ်တၫ်ကစီၣ်ဖိတဖၣ်ဒီး”ယအိၣ်ခိး၀ဲဒၣ် ဟါမး(စ်)အဂ့ၫ်” တဲ၀ဲလီၤ.
“Arabထံကီၫ်ခဲလၢာ်,Muslimထံကီၫ်ခဲလၢာ် အၢၣ်လီၤတူၫ်လိာ်ဃာ်၀ဲ၀ံၤလံ.အံၣ်စရ့စ့ၫ်ကီးတူၫ်လိာ်ဃာ်၀ဲလီၤ”အဂ့ၫ် Trumpတဲ၀ဲလီၤ.
ဟါမး(စ်)မ့ၫ်တတူၫ်လိာ်တၫ်အၢၣ်လီၤတဖၣ်န့ၣ် အံၣ်စရ့အတၫ်ခီၣ်ဆၢကအိၣ်ဒ်လဲၣ် ဖဲတၫ်သံကွၫ်၀ဲအကတီၫ် “အံၣ်စရ့ န့ၣ် တၫ်လၢဘၣ်မၤအိၣ်တဖၣ်န့ၣ်ကမၤ၀ဲလီၤ”အဂ့ၫ် တဲ၀ဲဒီး ကဟ့ၣ်အံၣ်စရ့တၫ်ပျဲလၢကမၤ၀ဲ” တၫ်တဖၣ်အံၤန့ၣ် မၤ၀ဲ ကန့ၫ်ညီညီဖိအဂ့ၫ်”စံးဆၢက့ၤ၀ဲလီၤ.
ဟါမး(စ်)န့ၣ်”ဘၣ်ဟ့ၣ်တ့ၫ်တၫ်လၢအလုၫ်အပှ့ၤဖးဒိၣ်”အဂ့ၫ် Trumpတဲလီၤ၀ဲဒီးအ၀ဲသ့ၣ်အခိၣ်နၫ်ဒိၣ်ထီ” ဘၣ်တၫ် မၤသံသၢဘျီလံအဂ့ၫ်”စ့ၫ်ကီး တဲ၀ဲလီၤ.
“မ့ၫ်ဘၣ်ထွဲဒီးဟါမး(စ်)န့ၣ် မ့ၫ်တၫ်ပတီၫ်မုၫ်လီၤ”အဂ့ၫ် Trump တဲ၀ဲဒီး”ပလိၣ်ဘၣ်က့ၤပှၤလၢဘၣ်တၫ်က့ၤဖီၣ်တဖၣ် လီၤ.အဲၣ်ဒိးလၢမၤသကိးဂ့ၤဂ့ၤဘၣ်ဘၣ်အဂ့ၫ်”တဲ၀ဲလီၤ.
လၢကတီၫ်အံၤ ဟါမး(စ်)န့ၣ် ဟံၣ်၀ါအတၫ်ဃ့ထီၣ်တဖၣ် “လၢမူဒါအိၣ်အပူၤ ဃုသ့ၣ်ညါ၀ဲအဂ့ၫ်”Qatar ထံဂုၤကီၫ်ဂၤ ကိတိာ်၀ဲၤကျိၤ တဲ၀ဲလီၤ.
လၢဟံၣ်၀ါ အၢၣ်လီၤတူၫ်လိာ်တၫ်ဒီးအံၣ်စရ့ကိတိာ်ခိၣ်ကျၢၫ် ဘၣ်ထွဲတၫ်မုာ်တၫ်ခုၣ်တၫ်ဂ့ၫ်(၂၀)အကျါ တၫ်ကပတုာ် ကွံာ်တၫ်ဒုးအဂီၫ်,ပှၤအံၣ်စရ့ဖိလၢတၫ်က့ၤဖီၣ်တဖၣ်တၫ်ကပျၫ်ကွံာ်အဂီၫ်ဒီးတၫ်ကမၤစၢၤကၣ်စၣ်တၫ်ပၢတၫ်ဆှၢအဂီၫ် ဘရ့းတ့ၣ်ကိတိာ်ခိၣ်ကျၢၫ်လီၫ်လံၤ Tony Blair ပာ်ဃုာ် ထံဂုၤကီၫ်ဂၤ”တၫ်မုာ်တၫ်ခုၣ်ကရၢ” တၫ်ကကရၢကရိအဂီၫ် ပာ်ဃုာ်၀ဲလီၤ.
တၫ်ရဲၣ်တၫ်ကျဲၤတဖၣ်အံၤ တၫ်မၤလၢထီၣ်ပှဲၤထီၣ်မ့ၫ်န့ၫ်န့ၣ် “ပၣ်လဲးစတဲနီၫ်ကစၫ်စံၣ်ညီၣ်ပၢလီၤသးဒီး တၫ်သူၣ်ထီၣ်ထံ ကီၫ်အဂီၫ် မ့ၫ်ကျဲတဘိလၢတၫ်နာ်န့ၫ်သ့”ကဲထီၣ်အသးသ့၀ဲန့ၣ်လီၤ.
ဘၣ်ဆၣ်နာ်သက့ အံၣ်စရ့ကိတိာ်ခိၣ်ကျၢၫ်Netanyahuတခီ ပၣ်လဲးစတဲထံကီၫ်တၫ်ဆိမိၣ်တဖၣ်န့ၣ် “ကထီဒါ၀ဲဆူၣ် ဆူၣ်ကလဲာ်အဂ့ၫ်”တဲဃာ်၀ဲဂၢၫ်ဂၢၫ်ကျၢၫၤကျၢၤန့ၣ်လီၤ.
