လါဒံၣ်စ့ဘၢၣ်(၁၈),၂၀၂၅နံၣ်
ကညီဒီကလုာ်စၢဖှိၣ်ကရၢ(KNU)န့ၣ် လၢတလါဃၣ်ဃၣ်အတီၫ်ပူၤ ၀့ၫ်ရၤမတံ,မ့လဲးပၣ် အပူၤ ကၠါဖျးတၫ် လီအီၣ်ကျိာ်စ့တၫ်ဖံးတၫ်မၤဒီးပှၤမၤတၫ်ဖိလၢလီအီၣ်အဆၣ်တဖၣ် တအိၣ်လၢၤဘၣ်အဃိ ဒ်KNUသဲစးသနူ အသိး ကးတံာ်ကွံာ်၀ဲလံအဂ့ၫ် KNU ထုးထီၣ်ဘိးဘၣ်ရၤလီၤ၀ဲဖဲမဟါ လါဒံၣ်စ့ဘၢၣ်(၁၇)သီအနံၤန့ၣ်လီၤ.
ဖဲမ့လဲးပၣ်, Shunda Parkကရၢၫ်ပူၤတၫ်လီၫ် ကၠါဖျးတအိၣ်လၢၤဘၣ်ဒီးတၫ်မၤလၢတဖိးသဲစးတဖၣ် သုတအိၣ်အဂီၫ် ကယဲၫ်မ့ၫ်တၫ်ဂုၫ်ကျဲးစၢးမၤကဒါက့ၤတၫ်မၤကမၣ်ကွီၫ်မ့ၣ်ခဲလၢာ် ထီဒါ၀ဲအဂ့ၫ် KNU တဲ၀ဲလီၤ.
တကးဘၣ် အိၣ်လဲတၫ်လီအီၣ်ကျိာ်စ့တၫ်မၤတဖၣ်ဒီးတၫ်အုၣ်ကီၤတၫ်ဖိတၫ်လံၤလၢဘၣ်ထွဲတဖၣ် ဒ်ကီၫ်သူ လ့ၤအသဲစးတၫ်ဘျၢအသိး တၫ်ကဟံးထီၣ်ဖီၣ်ထီၣ်၀ဲဒီးကသူ၀ဲလၢ ခါဆူညါကမျၢၫ်တၫ်ကဲဘျူးကဲဖှိၣ်အဂီၫ် န့ၣ်လီၤ.
တၫ်န့ၣ်အဃိ ကမျၢၫ်,ခိၣ်နၫ်လၢဘၣ်ထွဲတဖၣ် ကဘၣ်မၤထွဲ၀ဲလၢတၫ်ဟံးန့ၫ်မူဒါတၫ်တူၫ်မူတူၫ်ဒါအိၣ်အပူၤ အဂ့ၫ် KNUထုးထီၣ်ဘိးဘၣ်ရၤလီၤ၀ဲလီၤ.
“တၫ်ဘံၣ်တၫ်ဘၢဒီးထံရူၫ်ကီၫ်သဲးတၫ်အိၣ်ဂၢၫ်ဆိးကျၢၤမ့ၫ်အိၣ်ထီၣ်န့ၣ် တၫ်လီၫ်၀ဲန့ၣ် တၫ်ပညိၣ်၀ဲလၢတၫ်က ဒုးကဲထီၣ်၀ဲ ပတီၫ်ထီတၫ်သိၣ်လိအလီၫ်လၢ တၫ်ကမၤလိန့ၫ်၀ဲ ပတီၫ်ထီတၫ်သ့တၫ်ဘၣ်,မုာ်ကျိၤ၀ဲၤကွာ်,တၫ် ကူၣ်လဲၫ်မၤကၤ,သဲစးတၫ်ဘျၢ,တၫ်မူးတရၤ,တၫ်ဘံၣ်တၫ်ဘၢဒီးတၫ်ဃုသ့ၣ်ညါတၫ်တိာ်ကူၣ်ကျဲၤတဖၣ်အဂ့ၫ်”KNUအတၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
Shunda Parkကၠါဖျးကရၢၫ်ပူၤ ပှၤလီအီၣ်ကျိာ်စ့ပှၤမၤတၫ်ဖိတဖၣ် ကဟးထီၣ်ကွံာ်အဂီၫ် မၤထွဲ၀ဲန့ၫ်ဒီးမၤန့ၫ် ၀ဲတၫ်အုၣ်ကီၤတၫ်ဖိတၫ်လံၤအါမးန့ၣ်လီၤ.တၫ်လၢဘၣ်ထွဲဒီးကၠါဖျးတဖၣ် တၫ်ဟ့ၣ်လီၤဆူပှၤလၢဒုးလီၤပှီၫ် အိၣ်လဲတၫ်လံၣ်တၫ်လီတၫ်ဖံးတၫ်မၤ ပှၤဘၣ်မူဘၣ်ဒါတဖၣ်အစုပူၤလံအဂ့ၫ် KNUအတၫ်ပာ်ဖျါအဖီခိၣ် တၫ် သ့ၣ်ညါဘၣ်လီၤ.
ကၠါဖျးကရၢၫ်၀ဲန့ၫ်အပူၤ တၫ်ထၢစရီန့ၫ်၀ဲ ပှၤနီၫ်ဂံၫ် ၃၅၀၀ဂၤဘျဲၣ်ဒီးပှၤကီၫ်ပယီၤဖိ ပၣ်ဃုာ် ၁၃၀၀ဂၤဘျဲၣ်န့ၣ် လီၤ.အိၣ်တ့ၫ် ၂၀၀၀ဘျဲၣ်ဂၤဘျဲၣ်န့ၣ် ပှၤထံဂုၤကီၫ်ဂီၤဖိပာ်ဃုာ် အါတက့ၫ်မ့ၫ်ပှၤတရူးဖိတဖၣ်လီၤ.
