လါယူၤလံ(၂၈)သီ,၂၀၂၆နံၣ်
ကၠီၣ်တဲၣ်-ကီၢ်သူလ့ၤကီၫ်ဆၢ,တး(ခ်)ကီၫ်ရ့ၣ်,ဖိဖရးကီၫ်ဆၣ်, ဖဲ Thoo Mweh Khee ကၠိအပူၤ ဃုၥ်ဒီး ကၠိဖိ(၁,၀၀၀)ဂၤဘျဲၣ် တၢ်မၤတ့ၢ်ဝဲ တၫ်ဟ့ၣ်တၢ်သ့ၣ်ညါနၫ်ပၢၫ်တၫ်တၢၣ်ပီၣ်တဲသကိး ဘၣ်ထွဲဒီး Stop Online Harm အိၣ်လဲတၫ်လီၤဘၣ်ယိၣ်အဂ့ၢ်န့ၣ်လီၤ.
ပှၤအဲၣ်ဒိးဟဲထီၣ်၀ဲအါတလၢအဃိ တၫ်ရဲၣ်တၫ်ကျဲၤန့ၣ် တၫ်ဘၣ်နီၤဖးမၤအီၤ(၂)၀ီန့ၣ်လီၤ. သးနံၣ်(၁၅)နံၣ် တုၤ (၂၀)နံၣ် အဘၢၣ်စၢၤ ပိာ်မုၣ်ဒီးပိာ်မုၣ်ဆံး (၆၀၀)ဂၤဃၣ်ဃၣ်,ပိာ်ခွါဒီးပိာ်ခွါဆံး ၄၀၀ဂၤဃၣ်ဃၣ် ဟဲပာ်ဃုာ်၀ဲန့ၣ်လီၤ.
တၫ်တၢၣ်ပီၣ်တဲသကိးအပူၤ (Online)အိၣ်လဲ တၫ်ဆီၣ်တံၫ်မၤနၢၤ,တၫ်မၤပျံၤမၤဖုး,တၫ်မၤပယွဲသူကမၣ် တၫ်ဂီၤ/တၫ်ဂီၤမူ,တၫ် မၤဖျါထီၣ်ပှၤဂ့ၫ်ပှၤကျိၤ(doxxing), မုၣ်ခွါသွံၣ်ထံ တၫ်မၤပျံၤမၤဖုးဝံၤဃ့န့ၫ်စ့(sextortion), တၫ်အိၣ်ခိးကွၫ်တၫ်လၢအိၣ်လဲ အဖီခိၣ်ဒီးတၫ်လံၣ်အီၣ်လီအီၣ်တၫ်ဂ့ၫ်တဖၣ်ပာ်ဃုာ်ဒီးတၫ်ဘၣ်ယိၣ်တဖၣ်အံၤ ကဘၣ်ပာ်သူၣ်ဘၣ်သးဒ်လဲၣ်, ကဘၣ်ဒီသဒၢ၀ဲဒ်လဲၣ်တၫ်ဂ့ၫ်တဖၣ် တၢ်တၢၣ်ပီၣ်တဲသကိး ဝဲန့ၣ်လီၤ.
လီၫ်က၀ီၤပူၤ ကၠိဖိသးစၫ်ကွၫ်ဆၢၣ်မဲာ်ဘၣ် တၫ်လံၣ်အီၣ်လီအီၣ်အီၤဒ်တၫ်အဲၣ်တီ (romance scam) ဒီးကျိာ်စ့တၫ်လံၣ် တၫ်လီအတၫ်မၤဘၣ်ဒိတဖၣ်စ့ၫ်ကီး လၢတၫ်တၢၣ်ပီၣ်တဲသကိးတဘျီအံၤအပူၤ တၫ်မၤဖျါထီၣ်န့ၫ်၀ဲစ့ၢ်ကီးလီၤ.
တၫ်ကစီၣ်အံၤ ကတုၤဆူပှၤလၢပာ်ဃုာ်ပာ်ဂီၫ်ခဲလၢာ်အအိၣ်အဂီၫ် တၫ်မၤအီၤလၢ ကညီကျိာ်ဒီး ပယီၤကျိာ်န့ၣ်လီၤ. ပှၤလၢကွၫ်ဆၢၣ်မဲာ်ဘၣ်အိၣ်လဲတၫ်ဘၣ်ယိၣ်တဖၣ်အဂီၫ် ကဒိးန့ၫ်တၫ်မၤစၢၤခီဖျိလၢနီၫ်ကစၫ်ကျိာ်အဂီၫ်န့ၣ်မ့ၫ် တၫ်လၢအရ့ဒိၣ်၀ဲန့ၣ်လီၤ.
Stop Online Harm, Online Ambulance ကညီကျိာ်ပှၤဘၣ်မူဘၣ်ဒါ သရၣ်မုၣ်နီၫ်လါဖီ တဲ၀ဲဒ်အံၤလီၤ….
“တၫ်ကစီၣ်လၢပအဲၣ်ဒိးဟ့ၣ်ဒုးသ့ၣ်ညါန့ၣ် ဒ့မုၣ်,ဒ့ခွါ ခဲလၢၥ် တၫ်ဂ့ၢ်ဒ်အံၤတဖၣ် တလိၣ်လၢတၫ်ကဘၣ်ကွၫ်ဆၢၣ်မဲာ် ထဲတဂၤဧိၤဘၣ်. လၢ ဒ့မုၣ်,ဒ့ခွါ တဖၣ်တၫ်ကမၤစၢၤ၀ဲအဂီၫ် ပအိၣ်ကတီၤပသးထီဘိန့ၣ်လီၤ”
ဘၣ်တၫ်မၤကီမၤခဲသုလၢ (Online) အိၣ်လဲအဖီခိၣ်လံဧါ. တၢ်ဆီၣ်ထွဲမၤစၢၤလၢဘၣ်ထွဲဒီး ပတီၫ်ထီစဲအ့ၣ်တၫ်သ့တၢ်ဘၣ်ဒီးသးဂ့ၫ်၀ီတၫ်မၤစၢၤတဖၣ် သုတကဲထီၣ်ကျိာ်တၫ်ကီတၫ်ခဲတဂ့ၤအဂီၫ် Stop Online Harm ဂ့ၫ်ဂီၫ်အူအိၣ်လဲတၫ်မၤစၢၤ (Online Ambulance) မၤစၢၤဆီၣ်ထွဲ၀ဲန့ၣ်လီၤ.
မ့ၫ်လိၣ်ဘၣ်တၫ်မၤစၢၤ မ့တမ့ၫ် တၫ်သံကွၫ်မ့ၫ်အိၣ်တမံၤမံၤ ဆီၣ်လီၤ https://linktr.ee/stoponlineharm ဝံၤဆဲးကျိးသံကွၫ်တၫ်ကတိၤကျိာ်လၢဘၣ်ထွဲသ့၀ဲန့ၣ်လီၤ.
Photo – Stop Online Harm
