လါဒံၣ်စ့ဘၢၣ်(၅)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ကၠီၣ်တဲၣ်အပူၤ ကီၫ်ရ့ၣ်(၂၂)ခါ,တၫ်လီၫ်(၅၀)တီၤ တၫ်သမံသမိး၀ဲဒီးတၫ်ဖီၣ်န့ၫ်၀ဲ ကၠါဖျးကဲဖးဒိၣ်(၄)ခါ အတၫ်န့ၫ်ပၢ ဘး၁၀,၁၆၅ကကွဲၫ်အဂ့ၫ် ကီၫ်ကၠီၣ်တဲၣ်လီၫ်ခၢၣ်သးပၢၤကီၫ် ထုးထီၣ်ဘိးဘၣ်ရၤလီၤ၀ဲဖဲလါဒံၣ်စဘၢၣ်(၃)သီ အနံၤန့ၣ် လီၤ.
ကၠီၣ်တဲၣ်ကိတိာ်ခိၣ်ကျၢၫ်အနူးတ့ၣ်ခၠါ၀ံၣ်ရၣ်ကိဒီးလီၫ်ခၢၣ်သးပၢၤကီၫ်,တၫ်ဒုးလီၤပှီၫ် တၫ်အီၣ်ခိၣ်ဖးလာ်ဆှိး၀ဲၤကျိၤ, ပတီၫ်ထီတၫ်ဒုးလီၤပှီၫ် တၫ်မၤကမၣ်ကွီၫ်မ့ၣ်ပၢၤကီၫ်,သဲစးကိတိာ်၀ဲကျိၤကရၢတဖၣ် ဖဲဒံၣ်စ့ဘၢၣ်(၃)သီအနံၤန့ၣ် မၤ၀ဲ တၫ်ပာ်ဖျါထီၣ်တၫ်ကစီၣ်တၫ်ရဲၣ်တၫ်ကျဲၤန့ၣ်လီၤ.
ကရၢတဖၣ် ပာ်ဖှိၣ်မၤသကိးတၫ်ဒီး”တၫ်ကထဲးတဲာ်ကွံာ် အိၣ်လဲကၠါဖျးအဂံၫ်”တၫ်တိာ်ကျဲၤအဖီခိၣ် ကီၫ်ကၠီၣ်တဲၣ် ကီၫ်ရ့ၣ်(၂၂)ဘ့ၣ်,တၫ်လီၫ်(၅၀)တီၤအပူၤ နုာ်လီၤဖီၣ်တၫ်ဖဲတၫ်လီၫ်လၢဘၣ်ထွဲဒီးကၠါဖျးကဲအိၣ်အလီၫ်ဒီး ဖီၣ်ဃာ်၀ဲ အတၫ်န့ၫ်ပၢတဖၣ်အဂ့ၫ် ကၠီၣ်တဲၣ်လီၫ်ခၢၣ်သးပၢၤကီၫ်ခိၣ်ခံ ဆိၣ်ဖိဆၣ်ဖးတဲ၀ဲလီၤ.
တၫ်ဘၣ်ဖီၣ်တၫ်ဒ်သိးအံၤတၫ်ဂ့ၫ်ခိၣ်သ့ၣ်န့ၣ် စးထီၣ်ဟဲကဲထီၣ်အသးလၢအပူၤကွံာ် ၂၀၂၂နံၣ်အပူၤ ပှၤလၢဘၣ်တၫ်လံၣ် တၫ်လီအီၤလၢအိၣ်လဲအဖီခိၣ် (၇၀၀)ဂၤ အဂ့ၫ်အကျိၤတဖၣ် တၫ်သမံသမိး၀ဲအပူၤ,ပှၤလၢဘၣ်တၫ်လီအီၣ်အီၤတဖၣ် န့ၣ် ကၠါဖျးလီဆါန့ၫ်အီၤတၫ်ဖိတၫ်လံၤ,တၫ်လံၣ်အီၣ်လီၤအီၣ်၀ဲလၢကန့ၫ်တၫ်ဖံးတၫ်မၤဂ့ၤဂ့ၤ,မၢတၫ် နုာ်လီၤဆူအိၣ်လဲ တၫ်တၤကျိာ်တၤစ့ခီဖျိအပလံၣ်က့ရှ့တဖၣ်,ကွဲန့ၫ်လွဲန့ၫ်၀ဲလၢတၫ်ကဘျၢလီၤကျိာ်စ့တဖၣ်,ဟ့ၣ်လိၫ်စ့တဖၣ် လၢတၫ် လံၣ်တၫ်လီအကလုာ်ကလုာ်အပူၤ၀ံၤဟံးန့ၫ်ကွံာ်စ့လၢစ့တၢးအပူၤန့ၣ်လီၤ.ဆှၢခီကျိာ်စ့ဆူစ့တၢးလၢအိးထီၣ်ဃာ်၀ဲလၢပှၤအမံၤတဖၣ်တဆီဘၣ်တဆီ၀ံၤ အလီၫ်ခံကတၢၫ် တၫ်ထံၣ်ဘၣ်လၢက့ၤတုၤဆူကဲအခိၣ်ကျၢၫ်အိၣ်အဂ့ၫ် တဲ၀ဲလီၤ.
ပှၤလၢဘၣ်တၫ်လံၣ်တၫ်လီအီၤအစ့ ၃ကကွဲၫ်ဘျဲၣ် ဟဲနုာ်လီၤဆူ ပှၤဖီၣ်ဃာ်ကၠီၣ်တဲၣ်-ခၣ်ဘီဒံယါထံကီၫ်ခံဘ့ၣ်ခိၣ်ဂီၤ ပှၤခၣ်ဘီဒံယါပိာ်ခွါ Mr. Leak Yimအအိၣ်အဂ့ၫ် တဲ၀ဲလီၤ.
လၢတၫ်ဒုးလီၤပှီၫ်ကွံာ်ကၠါဖျးကဲတဘျီအံၤအပူၤ ပှၤလၢဘၣ်ထွဲဘျးစဲ ၄၂ဂၤ တၫ်ထုးထီၣ်၀ဲလၢပှၤလၢကဘၣ်တၫ်ဖီၣ် စရီပူၤ,ဖီၣ်န့ၫ်၀ဲ(၂၉)ဂၤဒီးပူၤဖျဲး၀ဲ(၁၃)ဂၤ၀ံၤလၢအကျါ Mr. Leak Yim,အမါကၠီၣ်တဲၣ်မုၣ်ဒီး Mr Smith Ben ပှၤခဲၣ် ဘီဒံယါဖိ(၃)ဂၤအံၤ လၢအပူၤကွံာ် လါအီးကထိဘၢၣ်(၁၉)သီ အနံၤလံၤလံၤန့ၣ် ဟးထီၣ်ကွံာ်ဆူထံဂုၤကီၫ်ဂၤအဂ့ၫ် တဲ၀ဲလီၤ.
ကဲဖးဒိၣ်(၄)ခါလၢဘၣ်တၫ်ဖီၣ်ဟံးန့ၫ်ဃာ်အတၫ်န့ၫ်ပၢတဖၣ်န့ၣ် ကီၫ်ခၣ်ဘီဒံယါကၠါဖျးတၫ်မၤလီၫ်,ကဲလၢဘၣ်ထွဲဒီးတၫ် သူၣ်ထီၣ်ဘှီထီၣ်ဒီးဟီၣ်ခိၣ်ကပံာ်ပှၤကဲဒိၣ် Mr Kok An ဘး ၃၇၃ကကွဲၫ်အလုၫ်အပှ့ၤအိၣ် တၫ်ဖိတၫ်လံၤ ၁၀၂ခါ,လၢ Prince Holding Groupခီပနံာ်လၢဆီလီၤအသးဖဲကီၫ်ခၣ်ဘီဒံယါအပူၤ ဘး၄၆၇ကကွဲၫ်အိၣ် တၫ်ဖိတၫ်လံၤ(၉၀)ခါ, Mr. Leak Yim,အမါဒီး Mr Smith Benတဖၣ် အ BIC Groupခီပနံာ်အအိၣ် ဘး၉၂၉၇ကကွဲၫ်အိၣ် တၫ်ဖိတၫ်လံၤ ၆၆ခါ, လၢနဲအ၀့းအၣ်ကိ တီခိၣ်ရိၣ်မဲ ULELA MAX APPအအိၣ် ဘး ၄၃ကကွဲၫ်အိၣ် တၫ်ဖိတၫ်လံၤ ၃၁ခါ ခဲလၢာ်အလုၫ်အပှ့ၤ အိၣ်၀ဲ ၁၀,၁၆၅ကကွဲၫ်န့ၣ်လီၤ.
တၫ်ဖိတၫ်လံၤတဖၣ်အကျါ ဟံၣ်ဃီကရၢၫ်,တၫ်သူၣ်ထီၣ်,ဟိၣ်ထဲ,ဟံၣ်တၢး,သိလ့ၣ်လၢအပှ့ၤကလံၤဒိၣ်တကးဘၣ် စ့တၢးတၫ်ပာ်ကီၤစ့စရီဒီးစ့စးခိတဖၣ် ပာ်ဃုာ်၀ဲန့ၣ်လီၤ.
ဘၣ်ထွဲဒီးတၫ်ဂ့ၫ်အံၤအဖီခိၣ် ကၠီၣ်တဲၣ်ကိတိာ်ခိၣ်ကျၢၫ်အနူးတ့ၣ်ခၠါ၀ံၣ်ရၣ်ကိတခီ တၫ်ဒုးလီၤပှီၫ်ကၠါဖျးတၫ်ရဲၣ်တၫ်ကျဲၤ အပူၤ တၫ်ကရၢကရိလၢပာ်ဖှိၣ်မၤသကိးတၫ်ဒီးပှၤဘၣ်မူဘၣ်ဒါခဲလၢာ် စံးဘျူဘၣ်၀ဲ,ဒီးလၢတၫ်ရဲၣ်ကျဲၤမၤတၫ်တဘျီ အံၤ ပာ်ဖျါထီၣ်၀ဲတၫ်အုၣ်ကီၤလၢပဒိၣ်န့ၣ် တဟ့ၣ်တၫ်ပျဲဘၣ်အမဲာ်ညါ ဒုးလီၤပှီၫ်ကွံာ် ပတီၫ်ထီအိၣ်လဲတၫ်မၤကမၣ် ကွီၫ်မ့ၣ်,ဒီးတၫ်ခီဂာ်ထံကီၫ်မၤကမၣ်ကွီၫ်မ့ၣ်တဖၣ်အဂ့ၫ် တဲ၀ဲလီၤ.
တကးဘၣ်တၫ်ရဲၣ်တၫ်ကျဲၤအပူၤ တၫ်ကရၢကရိလၢပာ်ဃုာ်ခဲလၢာ်န့ၣ် ပဒိၣ်ဆီၣ်ထွဲမၤစၢၤလၢလၢပှဲၤပှဲၤအဂ့ၫ်, အိၣ်လဲ တၫ်လံၣ်တၫ်လီတဖၣ်န့ၣ် ပဒိၣ်ပာ်သူၣ်ပာ်သးမၤထွဲ၀ဲအဂ့ၤကတၢၫ်အဂ့ၫ်န့ၣ် ထံဖိကီၫ်ဖိကမျၢၫ်တကပၤကနာ်န့ၫ်ဘၣ်အ ဂီၫ်,ပှၤမၤကမၣ်တၫ်တဖၣ် တၫ်ကဟံးန့ၫ်ဂ့ၫ်၀ီတုၤလီၤတီၤလီၤအဂ့ၫ် တဲ၀ဲလီၤ.
တၫ်န့ၫ်ပၢလၢပှၤဘၣ်မူဘၣ်ဒါ ဖီၣ်ဃာ်၀ဲတဖၣ်န့ၣ် မ့ၫ်ဒၣ် အသီ(၉၀)တၫ်ဖီၣ်ဃာ်တစိၤတလီၫ်ဒီးတၫ်န့ၫ်ပၢတဖၣ်အံၤ မ့ၫ် တဘၣ်ထွဲဒီးတၫ်မၤကမၣ်န့ၣ် ပှၤန့ၫ်ပၢတၫ် မ့ၫ်ဒိးန့ၫ်တၫ်ကလုၫ်ဒီးလၢအသီ(၃၀)အတီၫ်ပူၤ ဃုာ်ဒီးတၫ်အုၣ်ကီၤတၫ်ဂ့ၫ် တၫ်ကျိၤတဖၣ်တပူၤဃီ ဟဲပာ်ဖျါထီၣ်ဆူ တၫ်ဒုးလီၤပှီၫ်တၫ်အီၣ်ခိၣ်ဖးလာ်ဆှိး၀ဲၤဒၢးသ့အဂ့ၫ် ကၠီၣ်တဲၣ်ကိတိာ်ခိၣ်ကျၢၫ် တဲ၀ဲန့ၣ်လီၤ.
