လါဒံၣ်စ့ဘၢၣ်(၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တနီသရံၣ်ကီၫ်ခီ,တိၤ(၃)ဘိလၢဆဲကျိးဃာ်သ၀ီလၢအိၣ်စီၤစုၤယံၤဒီး၀့ၫ်ဒ၀ဲၫ်ထဲဒၣ်(၈)မဲၣ်ဃၣ်ဃၣ်အံၤ သုးခီၣ်မံးရှၢၣ် အသုး မၤပိၫ်ဖးဟးဂီၤကွံာ်၀ဲအဂ့ၫ် ပှၤလီၫ်ကက၀ီၤဖိတဖၣ်တဲ၀ဲလီၤ.
ဖဲလါဒံၣ်စ့ဘၢၣ်(၂)သီအနံၤ သုးခီၣ်မံးရှၢၣ်အသုးကျိၤန့ၣ် လၢသယဲးခၠီကီၫ်ဆၣ်ပူၤ တိၤ(၃)ဘိလၢဆဲးကျိးဃာ်သ၀ီ လၢစီၤစုၤယံၤဒီး၀့ၫ်ဒ၀ဲၫ်ထဲဒၣ်(၈)မဲၣ်ဃၣ်ဃၣ်အံၤ မၤပိၫ်ဖးဟးဂီၤကွံာ်၀ဲအဂ့ၫ် တၫ်သ့ၣ်ညါဘၣ်လီၤ.
တိၤ(၃)ဘိလၢသုးခီၣ်မံးရှၢၣ်အသုးကျိၤမၤဟးဂီၤ၀ဲန့ၣ် တၫ်လဲၤဆူ မိရွှ့ၣ်ကိသ၀ီ ရှ့ၣ်မိးထံ-ယီမီၣ်ဒူသ၀ီတိၤဘျးစဲ, ယီမီၣ်-သဲတီဒူသ၀ီတိၤဘျးစဲဒီးက့ရှ့း-စီၣ်ဖၠါဒူသ၀ီတိၤဘျးစဲတဖၣ်အဂ့ၫ် တၫ်သ့ၣ်ညါဘၣ်လီၤ.
“သုးခီၣ်မံးရှၢၣ်အသုးကျိၤန့ၣ် သယဲးခၠီကီၫ်ဆၣ်လၢအိၣ်စီၤစုၤယံၤဒီး၀့ၫ်ဒ၀ဲၫ်ထဲ(၈)မဲၣ်ဃၣ်ဃၣ်အံၤအပူၤ ဒူသ၀ီတဖၣ် န့ၣ် ပညိၣ်ဃီၤ၀ဲဒီးမၤဟးဂီၤကွံာ်တိၤတဖၣ်လီၤ.ခဲလၢာ်တိၤ(၃)ဘိ ဘၣ်တၫ်မၤဟးဂီၤ၀ဲအဂ့ၫ်” ပှၤလီၫ်က၀ီၤဖိတဂၤ တဲ၀ဲလီၤ.
ဖဲအပူၤကွံာ်လါနိၣ်၀့ဘၢၣ်(၂၆)သီအနံၤန့ၣ် သုးခီၣ်မံးရှၢၣ်အသုးကျိၤန့ၣ် နုာ်လီၤ၀ဲဆူ သယဲးခၠီကီၫ်ဆၣ်,ပၠ့ဖၠူၣ်ကၠံသ၀ီပူၤ ဒီးဒွဲၣ်အူထီၣ်ဟံၣ်ဃီတဖၣ်အဂ့ၫ်,ဒ်န့ၣ်အသိး နိၣ်၀့ဘၢၣ်(၁၈)သီအနံၤစ့ၫ်ကီး သုးခီၣ်မံးရှၢၣ်အသုးန့ၣ် နုာ်လီၤဖီၣ်၀ဲ ဆ့း ခၠီဒူသ၀ီဖိ(၁၀)ဂၤအဂ့ၫ် တၫ်သ့ၣ်ညါဘၣ်န့ၣ်လီၤ.
