လါဒံၣ်စ့ဘၢၣ်(၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
လၢကီၫ်ပယီၤပူၤ အိၣ်လဲကၠါဖျးကဲတခါပၢဆှၢဃာ် တၫ်ဆါတၫ်ပှ့ၤ၀ဲးပစဲးတခါ အမဲရကၤသဲစးကိတိာ်၀ဲၤကျိၤ ကးတံာ်ကွံာ်၀ဲန့ၣ်လီၤ.
၀ဲးပစဲး၀ဲအံၤန့ၣ် မ့ၫ်အိၣ်လဲတၫ်ဆါတၫ်ပှ့ၤတၫ်မၤတခါလၢဟ့ၣ်ဃာ်၀ဲအမံၤဒ်TickMillဒီးလဲၤတရံးအသး ဒ်tickmilleas.comအမံၤအဂ့ၫ် တဲ၀ဲလီၤ.
၀ဲးပစဲး၀ဲအံၤ တၫ်လီၫ်ခံတၫ်ဖံးတၫ်မၤလၢလဲၤတရံးအသးတဖၣ်န့ၣ် အမဲရကၤသဲစးကိတိာ်၀ဲၤကျိၤ လူၤသမံသမိး၀ဲ အကတီၫ် ဘၣ်ထွဲဘျးစဲလိာ်သးတဘျီဃီဒီးထဲၣ်ခၠါကၠါဖျးတၫ်မၤလၢအိၣ်ဖဲကညီကီၫ်စဲၣ်,ရၤမတံကီၫ်ဆၣ်,ကၠီးခဲသ၀ီ ပူၤအဂ့ၫ် တၫ်သ့ၣ်ညါဘၣ်လီၤ.
ကၠီးခဲးသ၀ီန့ၣ် အိၣ်စီၤစုၤယံၤဒီး၀့ၫ်ရၤမတံ(၂၅)မဲၣ်ဃၣ်ဃၣ်ဒီးအိၣ်ကွၫ်ဆၢၣ်မဲာ်လိာ်သးဒီး ကီၫ်ကၠီၣ်တဲၣ်,ဖိးဖရးကီၫ် ဆၣ်န့ၣ်လီၤ.ကၠါဖျးတၫ်မၤလီၫ်အိၣ်အါမးအဃိ လၢတနံၣ်အံၤအပူၤ မ့ၫ်တၫ်လီၫ်တခါလၢတၫ်တ့ထီၣ်ဘှီထီၣ်တၫ်သူၣ် ထီၣ်အသီတဖၣ်န့ၣ် လီၤ.
ကၠီးခဲးဟီၣ်က၀ီၤလၢပာ်ဃုာ်လၢရၤမတံကီၫ်ဆၣ်အပူၤအံၤ ဒံၣ်မိၣ်ကတဲးတံးဘၣ်ဘျူးကညီသုးမုၫ်ဒိၣ်(DKBA) ဒိၣ်စိ ဟီၣ်က၀ီၤဒီးDKBAသုးခိၣ်ကျၢၫ်ဖိစဲကၠီၣ်လးပၢဆှၢဃာ်၀ဲန့ၣ်လီၤ.သုးခိၣ်ကျၢၫ်ဖိစဲကၠီၣ်လးန့ၣ် အပူၤကွံာ်န့ၣ် မၤတ့ၫ်တၫ် လၢယိၤဒိၣ်ကီၫ်သုးမုၫ်ဒိၣ်(SSPP)န့ၣ်လီၤ.ဖဲအပူၤကွံာ် လါနိၣ်၀့ဘၢၣ်,အမဲရကၤပဒိၣ် ကးတံာ်ဟံးန့ၫ်ဂ့ၫ်၀ီDKBAဒီးခိၣ်နၫ် (၄)ဂၤအကျါ စဲကၠီၣ်လးစ့ၫ်ကီး ပာ်ဃုာ်၀ဲလီၤ.
၀ဲးပစဲးအယီၤအဘျၣ်အံၤ လံၣ်အီၣ်လီအီၣ်တ့ၫ်၀ဲ ပှၤဂၤအစ့ဒီၣ်လၣ်လၢအကလးတဖၣ်အဂ့ၫ် တဲ၀ဲလီၤ.တၫ်အံၤ မ့ၫ်အမဲရကၤ ပှၤဘၣ်မူဘၣ်ဒါ ဃုထံၣ်န့ၫ်၀ဲ ၀ဲးပစဲးတၫ်ဂ့ၫ်တၫ်ကျိၤ(၃)ခါတခါလၢဘၣ်ထွဲလိာ်သးဒီး ထဲၣ်ခၠါကၠါဖျး ကဲန့ၣ်လီၤ.
ပှၤလၢပၢဆှၢဃာ်၀ဲးပစဲးတဖၣ်န့ၣ် ပာ်မၤအသးဒ် TickMillဒီးတၫ်ကဟ့ၣ်ဆိဘၣ်စ့တဖၣ်အဂီၫ် ကွဲန့ၫ်လွဲန့ၫ်၀ဲ ပှၤသူ၀ဲး ပစဲး၀ဲအံၤတဖၣ်န့ၣ်လီၤ.အမဲရကၤဖဲၣ်ဒရၢၫ်ပ့ၫ်ဆှါ(FBI)အတၫ်တဲဖျါအဖီခိၣ် အပူၤကွံာ်ဖဲတၫ်မၤတၫ်ဘျၢလီၤတဖၣ် အ ကတီၫ် ၀ဲးပစဲး၀ဲအံၤ ထုးထီၣ်န့ၫ်၀ဲစ့တဖၣ်အဃိ ပှၤလၢဘၣ်တၫ်လီအီၣ်အီၤတဖၣ် ဆိမိၣ်၀ဲလၢတၫ်ကူၣ်လဲၫ်မၤကၤ ပနံာ်၀ဲးပစဲးလၢအမ့ၫ်အတီန့ၣ်လီၤ.
FBIန့ၣ် ဖဲအပူၤကွံာ်လါအပူၤ ဃုထံၣ်သမံသမိးဃာ်၀ဲပှၤလၢဘၣ်တၫ်လံၣ်တၫ်လီအီၤတဖၣ်ဒီးပှၤသ့ၣ်တဖၣ်အံၤန့ၣ် နာ်ဃာ်၀ဲလၢမၤတၫ်ဘျၢလီၤတဖၣ်ဒ်တၫ်ဘျၢသဲစးအသိးအဂ့ၫ်တဲ၀ဲန့ၣ်လီၤ.
ပှၤလၢသူ၀ဲးပစဲး၀ဲအံၤတဖၣ်န့ၣ် တၫ်မၢ download၀ဲ Appလၢဘၣ်ထွဲဒီးကၠါဖျးတဖၣ်လီၤ.FBIန့ၣ် ဘၣ်ထွဲဒီးတၫ်ဂ့ၫ် ၀ဲအံၤ ဟ့ၣ်ဒုးသ့ၣ်ညါ၀ဲ GoogleဒီးAppleခီပနံာ်တဖၣ်၀ံၤ မၢမၤဟးဂီၤကွံာ်Appတဖၣ်န့ၣ်လီၤ.
အခဲအံၤတၫ်မ့ၫ်နုာ်လီၤကွာ်၀ဲ၀ဲးပစဲး၀ဲအံၤန့ၣ် မ့ၫ် TickMill၀ဲးပစဲးအယီၤအဘျၣ်အဂ့ၫ် တၫ်ကထံၣ်ဘၣ် လၢအမဲရကၤသဲစးကိတိာ်၀ဲၤကျိၤဒီးFBIတၫ်စဲပနီၣ်ပာ်ဃုာ် လံာ်တၫ်ဟ့ၣ်ပလီၫ်န့ၣ်လီၤ.
အမဲရကၤန့ၣ် အပူၤကွံာ်နွံတဖၣ်အပူၤ ကီၫ်ပယီၤပာ်ဃုာ် မုၫ်ထီၣ်ကလံၤထံးအ့ရှၢၣ်ဟီၣ်က၀ီၤအပူၤ ကၠါဖျးကဲတဖၣ် ကဒုးလီၤပှီၫ်ကွံာ်၀ဲအဂီၫ် ထဲးဂံၫ်ထဲးဘါ၀ဲဆူၣ်ဆူၣ်ကလဲာ်န့ၣ်လီၤ.ကဲတဖၣ်အံၤအဃိ ပှၤအမဲရကၤဖိ အစ့ဒီၣ်လၣ် လၢဘံၣ်လံၣ်ယၣ် ဘၣ်လီၤမၫ်ကွံာ်၀ဲအိၣ်အဂ့ၫ် သဲစး၀ဲၤကျိၤတဲဃာ်၀ဲလီၤ.
အမဲရကၤန့ၣ် ဖဲတယံာ်ဒံးဘၣ်န့ၣ် ကရၢကရိဒုးအိၣ်ထီၣ်၀ဲ ကရၢလီၤဆီတခါလၢတၫ်ဒုးလီၤပှီၫ်ကွံာ်ကၠါဖျးအဂီၫ်အသိး ,ကပာ်ဖှိၣ်မၤသကိးဘၣ်တၫ်ဒီးကၠီၣ်တဲၣ်ပၢၤကီၫ်တဖၣ်အဂီၫ်အပှၤဘၣ်မူဘၣ်ဒါတဖၣ်န့ၣ် ရၤလီၤဃာ်၀ဲဖဲ၀့ၫ်ဘီကီာ်အ ပူၤအဂ့ၫ် တၫ်သ့ၣ်ညါဘၣ်လီၤ.
