လါဒံၣ်စ့ဘၢၣ်(၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ဒ်ပဒိၣ်တဖုအသိးမ့ၫ်တပာ်ဖှိၣ်မၤသကိးတၫ်ဒီးသုးန့ၣ် ပဒိၣ်၀ဲအံၤကလီၤတဲာ်ကွံာ်၀ဲအဂ့ၫ် ကီၫ်စၢဖှိၣ်ကၠဲးခဲၣ်ယ့ ဒီးဖွ့းဖၠိယ့ပၣ်တံၣ်လၢသုးဆီၣ်ထွဲအံၤ အပှၤပၢၤလီၫ်ဆ့ၣ်နီၤအူခ့ၣ်ယံၣ်တဲ၀ဲလီၤ.
တၫ်ဃုထၢလၢသုးခီၣ်မံးရှၢၣ်ကတီခိၣ်ရိၣ်မဲမၤ၀ဲ တၫ်လူၤကရၢကရိတၫ်ဖးအကတီၫ် ဖဲနိၣ်၀့ဘၢၣ်(၂၇)သီအနံၤ,လၢ ၀့ၫ်ပသံၣ် ထံၣ်လိာ်အသးဒီးကၠဲးခဲၣ်ယ့ဘျီၣ်ဒိၣ်ခၢၣ်စးတဖၣ်အကတီၫ် အ၀ဲဖၢနုာ်တဲဃုာ်၀ဲဒ်သိးအံၤန့ၣ်လီၤ.
“ပဒိၣ်အသီန့ၣ် ပာ်ဖှိၣ်မၤသကိးတၫ်ဒီးသုးမ့ၫ်တန့ၫ်ဘၣ်န့ၣ် လီၤတံၫ်လီၤ,ပဒိၣ်၀ဲအံၤ လၢခံတသီကလီၤတဲာ်ကွံာ်လီၤ အဂ့ၫ်”အူခ့ၣ်ယံၣ်တဲ၀ဲန့ၣ်လီၤ.
တဲ၀ဲဒ်သိးအံၤန့ၣ် အခီပညီ မ့ၫ်တမ့ၫ်ပဒိၣ်လၢသုးတူၫ်လိာ်ဘၣ်န့ၣ် ပဒိၣ်အသီလၢကဟဲထီၣ်တဖၣ်စ့ၫ်ကီး ကဘၣ်တၫ်ဟံးန့ၫ်ကွံာ်တၫ်စိတၫ်ကမီၤလီၤန့ၣ် တဲပျံၤတဲဖုးတၫ်အဂ့ၫ် ပှၤပဲာ်ထံနီၤဖးထံရူၫ်ကီၫ်သဲးတဖၣ် ပဲာ်ထံနီၤဖး၀ဲလီၤ.
တၫ်ကဘၣ်ဆိကမိၣ်လၢခိၣ်နူာ်ဒီးဟ့ၣ်တၫ်ဖး၀ံၤ တဲ၀ဲလၢပှၤလၢဘၣ်သး၀ဲန့ၣ် ဟ့ၣ်တၫ်ဖးသ့ဘၣ်ဆၣ် အလီၫ်ခံတၫ်ဂ့ၫ်လၢဘၣ်ဆိမိၣ်တဖၣ်စ့ၫ်ကီးအိၣ်ဒံး၀ဲအဂ့ၫ် တဲ၀ဲလီၤ.
တကးဘၣ် ၂၀၂၀နံၣ်တၫ်ဃုထၢလၢသုးဟံးန့ၫ်ဆူၣ်ကွံာ်တၫ်စိတၫ်ကမီၤပာ်ဃုာ် အပူၤကွံာ်တၫ်ဃုထၢတဖၣ်အပူၤ ပှၤခိးကွၫ်တၫ်တအိၣ်၀ဲဘၣ်အဂ့ၫ်စ့ၫ်ကီး တဲလံၣ်တဲလီဒံး၀ဲန့ၣ်လီၤ.
