လါဒံၣ်စ့ဘၢၣ်(၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကၠီၣ်တဲၣ်အမုၣ်ဂဲၤဒိမံၤဟူသၣ်ဖျါ Nana Rybenaန့ၣ် ဘၣ်တၫ်တၢၣ်အီၤလၢလံၣ်အီၣ်ကျိာ်စ့အဃိ ကၠီၣ်တဲၣ်လီၫ်ခၢၣ်သး ပၢၤကီၫ်ဒီးပၢကီၫ်လၢဒုးလီၤပှီၫ်ကွီၫ်မ့ၣ်တၫ်မၤကမၣ်လၢဘၣ်ထွဲမုာ်ကျိၤ၀ဲၤကွာ်တဖၣ် လဲၤဖီၣ်၀ဲဖဲမဟါနံၤအဂ့ၫ် ကၠီၣ်တဲၣ် တၫ်ကစီၣ်တဖၣ် ပာ်ဖျါ၀ဲလီၤ.
ကၠီၣ်တဲၣ်မုၣ်ဂဲၤဒိ၀ဲအံၤ တဟ့ၣ်က့ၤအကမၣ်တဖၣ်,လီအီၣ်ပှၤကျိာ်စ့တဖၣ်အိၣ်အဂ့ၫ် ပှၤလၢဘၣ်တၫ်လီအီၤတဖၣ် လဲၤတၢၣ်၀ဲအဃိ ဘၣ်တၫ်လဲၤဖီၣ်အီၤလၢအဟံၣ်,၀့ၫ်ဘီကီာ်န့ၣ်လီၤ.
တံၤသကိးတဖၣ်လၢဘူးဒီးမုၣ်ဂဲၤဒိ၀ဲအံၤ ဖဲအပူၤကွံာ်လါနိၣ်၀့ဘၢၣ်အပူၤန့ၣ် လဲၤတၢၣ်၀ဲဒီးဟံးန့ၫ်၀ဲစ့လၢပှၤလဲၤတၢၣ် တၫ်(၁၇)ဂၤအအိၣ် ဘး(၁၉၅)ကကွဲၫ်အဂ့ၫ် တၫ်ဒုးလီၤပှီၫ်ကွီၫ်မ့ၣ်တၫ်မၤကမၣ်လၢဘၣ်ထွဲမုာ်ကျိၤ၀ဲၤကွာ် ပၢၤကီၫ်ခိၣ် တဲ၀ဲလီၤ.
Nanaအတၫ်န့ၫ်ပၢ အလုၫ်အပှ့ၤအိၣ် စ့ယိၤ(၁၀)ကကွဲၫ်ဃၣ်ဃၣ်တဖၣ်စ့ၫ်ကီး တၫ်ကသမံသမိးအဂီၫ် တၫ်ဖီၣ်ပၢၤဃာ်ဒီး သိလ့ၣ်တဖၣ်,ထၢၣ်တဖၣ်,နၣ်ရံၣ်တဖၣ်,တၫ်ဖိတၫ်လံၤလၢလုၫ်ဒိၣ်ပှ့ၤဒိၣ်တဖၣ်ဒီးတၫ်လၢန့ၫ်ပၢ၀ဲတဖၣ် တၫ်ဖီၣ်ပၢၤဃာ် ၀ဲန့ၣ်လီၤ.
အ၀ဲန့ၣ် တဲဘၣ်ပှၤလၢလံၣ်၀ဲတဖၣ်လၢ ကိးလါဒဲးကန့ၫ်ဘၣ်အအ့ၣ် ၄မျးကယၤ တုၤ ၇မျးကယၤဒီးဃ့လိၫ်စ့တဖၣ် ,ဆါပှ့ၤ၀ဲShareတဖၣ်,ဘးစကဲးတၫ်လိၣ်ကွဲပျီဒီးကီၫ်ချၢတၫ်အီၣ်ကျးတဖၣ်ပာ်ဃုာ် တၫ်ကဘျၢလီၤမုာ်ကျိၤ၀ဲၤကွာ်အဂီၫ် ကွဲမုာ်၀ဲအဂ့ၫ် လံာ်တၫ်လိာ်ဘၢလိာ်ကွီၫ်အဖီခိၣ် တၫ်သ့ၣ်ညါဘၣ်လီၤ.
မုၣ်ဂဲၤဒိ၀ဲအံၤန့ၣ် ဃ့လိၫ်စ့ဒ်သိးအံၤ တဖိးသဲစးဘၣ်န့ၣ် တသ့ၣ်ညါ၀ဲဘၣ်ဒီးနာ်၀ဲလၢဟ့ၣ်က့ၤ၀ဲကန့ၫ်အဂ့ၫ် တဲ၀ဲဒီးတၫ် ပဲာ်အၢပဲာ်သီတဖၣ်န့ၣ် ဂ့ၫ်လိာ်ဃာ်၀ဲလီၤ.
“ယကဟံးန့ၫ်မူဒါတုၤလီၤတီၤလီၤဒီးဟ့ၣ်က့ၤစ့တဖၣ်လၢအဆိအချ့လီၤအဂ့ၫ်”တဲ၀ဲလီၤ. Nana Rybenaတၫ်ဂီၤမူတဖၣ် အပူၤ မ့ၫ်ပှၤတဂၤလၢမံၤဟူသၣ်ဖျါအသိးလၢကတီၫ်အံၤ မၤတၫ်ဒ်ပှၤတီခိၣ်ရိၣ်မဲတၫ်ရဲၣ်တၫ်ကျဲၤတဂၤ အသိးဒီးအ ဆိၣ်ရှၢၣ်မံၣ်ဒံၣ်ယၣ်န့ၣ် အဖီလိ၀ၢၣ်အိၣ်၀ဲ ၄ကကွဲၫ်ဘျဲၣ်န့ၣ်လီၤ.
တကးဘၣ် Nana Rybenaန့ၣ် ဖျီဃာ်အသးဒီး ဟံးဟီးကရၢ Thaitanium, Prinya “Way” Intachai၀ံၤ အဖိတဃံာ်အိၣ်၀ဲ(၂)ဂၤန့ၣ်လီၤ.
