လါဒံၣ်စ့ဘၢၣ်(၃)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ပယီၤလၢသုးဟံးန့ၫ်ဃာ်ထံကီၫ်တၫ်စိတၫ်ကကမီၤအအိၣ် ဟီၣ်ခိၣ်ဒီဖျၢၣ်စ့တၢး သုတဟ့ၣ်ကျိာ်စ့တၫ်ဆီၣ်ထွဲဒီး တၫ်ဒုးလိၫ်ကျိာ်စ့တဖၣ်အဂီၫ် No New Burma Funds Actန့ၣ် အမဲရကၤဘျီၣ်ဒိၣ်လာ် ပာ်ဂၢၫ်ပာ်ကျၢၤ၀ဲလီၤ.
ဖဲလါဒံၣ်စ့ဘၢၣ်(၁)သီနံၤ အမဲရကၤဘျီၣ်ဒိၣ်လာ်န့ၣ် တၫ်သုတဟ့ၣ်စ့ပာ်ကီၤအသီအဂီၫ် တၫ်ဘျၢ(H.R. 4423 -No New Burma Funds Act)န့ၣ် ပာ်ဂၢၫ်ပာ်ကျၢၫ်လီၤ၀ဲဒီးဒိးန့ၫ်တၫ်ဆီၣ်ထွဲတၫ်ဖး ၃၈၅ခါလၢတအိၣ်ဒီးတၫ်ထီဒါဒီး ပာ်ဂၢၫ်ပာ် ကျၢၤလီၤ၀ဲအဂ့ၫ်,တၫ်ဘျၢဃီၤဃၤအံၤ ဘျီၣ်ဒိၣ်ခၢၣ်စး နံၣ်ကံၣ်မၣ် ၀့လယၢၣ်(Representative Nikema Williams) တီၣ်သွီနုာ်၀ဲအဂ့ၫ် တၫ်သ့ၣ်ညါဘၣ်လီၤ.
တၫ်ဘျၢလၢတၫ်ဟ့ၣ်ဃာ်အမံၤဒ် ကီၫ်ပယီၤအိၣ်တၫ်သုတဟ့ၣ်စ့ပာ်ကီၤသီအဂီၫ် တၫ်ဘျၢအံၤအပူၤန့ၣ် ဟီၣ်ခိၣ်ဒီဖျၢၣ်စ့ တၢးန့ၣ် ကဘၣ်ပတုာ်ကွံာ်တၫ်ဟ့ၣ်တၫ်ဆီၣ်ထွဲမၤစၢၤကျိာ်စ့ဆူကီၫ်ပယီၤလၢသုးဟံးန့ၫ်ဆူၣ်တၫ်စိတၫ်ကမီၤအိၣ်အဂီၫ် ပညိၣ်၀ဲအဂ့ၫ်,တၫ်ဂ့ၫ်ခိၣ်သ့ၣ်န့ၣ် ခီဖျိလၢထံဂုၤကီၫ်ဂၤတၫ်က့ၤသူၣ်ထီၣ်ဘှီထီၣ်ကဒါက့ၤဒီး တၫ်ဂုၤထီၣ်အသီထီၣ်စ့ တၢး(World Bank)တဆီ ဆူကီၫ်ပယီၤဘၣ်ထွဲဒီးကျိာ်စ့တၫ်အၢၣ်လီၤအသီတဖၣ်(new financial commitments) မ့တမ့ၫ် လၢတၫ်ဟ့ၣ်ကျိာ်စ့တၫ်ဆီၣ်ထွဲမၤစၢၤအသီတဖၣ်အပူၤ အမဲရကၤကီၫ်စၢဖှိၣ် သုတပာ်ဃုာ်တဂ့ၤအဂီၫ် မ့ၫ်တၫ် တြီဆၢ၀ဲအဂ့ၫ်,တၫ်ဘၣ်ပတုာ်ကွံာ်စ့ပာ်ကီၤဒ်သိးအံၤန့ၣ် မ့ၫ်လၢ၂၀၂၁နံၣ်အပူၤ ဒံၣ်မိၣ်ကရ့ၣ်ဒံၣ်ပဒိၣ်လၢတၫ်ဃုထၢထီၣ် အီၤန့ၣ် ထုးလီၤတဲာ်ကွံာ်၀ဲဒီးသုးဟံးန့ၫ်ဆူၣ်တၫ်စိတၫ်ကမီၤအဃိ ဘၣ်တၫ်ကးတံာ်ဟံးန့ၫ်ဂ့ၫ်၀ီအဂ့ၫ် တၫ်သ့ၣ်ညါဘၣ် လီၤ.
တၫ်ဘျၢ၀ဲန့ၣ်အဖီခိၣ် အမဲရကၤကျိာ်စ့ဂ့ၫ်၀ီကိတိာ်တကပၤ လၢဟီၣ်ခိၣ်ဒီဖျၢၣ်စ့တၢး အမဲရကၤပှၤဘၣ်မူဘၣ်ဒါ(U.S. Executive Director)န့ၣ် ကတြီဆၢ၀ဲတၫ်ဟ့ၣ်ကျိာ်စ့တၫ်ဆီၣ်ထွဲမၤစၢၤဆူကီၫ်ပယီၤအဂီၫ် တၫ်ဟ့ၣ်လီၤဃာ်၀ဲတၫ်ပျဲ အဂ့ၫ်,တၫ်ဘျၢအံၤအဃိ ကီၫ်ပယီၤတကပၤ တမ့ၫ်လၢကဒိးန့ၫ်ဘၣ်၀ဲကျိာ်စ့တၫ်ဆီၣ်ထွဲမၤစၢၤ မ့တမ့ၫ် တၫ်ဒုးလိၫ်စ့တ ဖၣ်လၢဟီၣ်ခိၣ်ဒီဖျၢၣ်စ့တၢးလၢၤဘၣ်ဒီးတၫ်ပတုာ်ကွံာ် ထံဂုၤကီၫ်ဂၤကျိာ်စ့တၫ်ဆီၣ်ထွဲ ဒ်သိးအံၤန့ၣ် မ့ၫ်ဒ်သိးသုးခီၣ်မံး ရှၢၣ်တကပၤ ကဒုးအိၣ်ထီၣ်က့ၤဒံၣ်မိၣ်ကရ့ၣ်စံၣ်အဂီၫ် တၫ်ဟ့ၣ်တၫ်ဆီၣ်သနံးအဂ့ၫ်,ထံဂုၤကီၫ်ဂၤကျိာ်စ့တဖၣ် သုတ လဲၤတုၤဆူ ပယီၤသုးအိၣ်တဂ့ၤအဂီၫ် တၫ်ပညိၣ်၀ဲအဂ့ၫ် တၫ်သ့ၣ်ညါဘၣ်လီၤ.
အမဲရကၤဘျီၣ်ဒိၣ်လာ်ခၢၣ်စး Young Kimတခီ “သုးဟံးန့ၫ်တၫ်စိတၫ်ကမီၤလၢတဖိးသဲးစးအိၣ်လံ (၅)နံၣ်ဃၣ်ဃၣ်လံ ဒီးကီၫ်ပယီၤပူၤ အိၣ်ပှဲၤဒီးတၫ်တဂၢၫ်တကျၢၤတဖၣ်လီၤ.ပယီၤသုးမီၤစိရိၤအဃီ ပှၤဂ့ၫ်၀ီတၫ်မၤစၢၤတၫ်ဃံးတၫ်စ့ၤလၢ ဟဲကဲထီၣ်အသးတဖၣ် ထံဂုၤကီၫ်ဂၤကျိာ်စ့တၫ်ကရၢကရိတကပၤ စ့ပာ်ကီၤတဖၣ် ကဟံးန့ၫ်မူဒါပာ်ကီၤဃာ်၀ဲအဂီၫ် မ့တမ့ၫ် တၫ်မၤစၢၤတဖၣ်ကဆှၢဟ့ၣ်ဘၣ်ဆူ ပှၤတ၀ၢကရၢလၢနာ်န့ၫ်၀ဲန့ၫ်တဖၣ်အဂီၫ်ဒီးသုးန့ၣ်နာ်န့ၫ်၀ဲ တသ့ဘၣ်အဂ့ၫ်” တဲ၀ဲန့ၣ်လီၤ.
