လါဒံၣ်စ့ဘၢၣ်(၃)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
လါဖ့ၤဘြူၤအါရံၤ(၁)သီနံၤ,၂၀၂၁နံၣ် စးထီၣ်ဖဲသုးဟံးန့ၫ်ဆူၣ်တၫ်စိတၫ်ကမီၤ တုၤ ဒံၣ်စ့ဘၢၣ်(၂)သီ,၂၀၂၅နံၣ်အပူၤ သုကရူၫ်လၢမၤအၢမၤသီတၫ်ဒီးအစုတီၤဖီလာ်တၫ်ကရၢကရိတဖၣ်အဃိ နွ့ၣ်အူတၫ်ပၢၫ်ဆၢအပူၤ ပှၤလၢဟူးဂဲၤလၢ ဒံၣ်မိၣ်ကရ့ၣ်စံၣ်ဒီးကမျၢၫ်ခဲလၢာ်ဘၣ်သံ၀ဲ (၇၅၁၀)ဂၤလံန့ၣ်လီၤ.
တကးဘၣ် ဘၣ်ထွဲဒီးတၫ်ဟံးန့ၫ်ဆူၣ်တၫ်စိတၫ်ကမီၤအဖီခိၣ် ပှၤလၢဘၣ်တၫ်ဖီၣ်ဃာ် ခဲလၢာ်(၃၀၀၆၆)ဂၤဒီးလၢအကျါ (၂၂၆၈၅)ဂၤ တၫ်ဖီၣ်ဃာ်၀ဲအဖၢမုၫ်ဒီးလၢအကျါ (၁၁၄၂၁)ဂၤတခီ တၫ်ဒုးလီၤ၀ဲဃိၣ်န့ၣ်လီၤ.
တၫ်မၤစၢၤထံရူၫ်ကီၫ်ပှၤလီၤဃိၣ်ဖိကရၢ(AAPP)အတၫ်ပာ်ဂၢၫ်ပာ်ကျၢၤတၫ်ဂ့ၫ်တၫ်ကျိၤတဖၣ်အဖီခိၣ် တုၤလၢကနံၤအံၤ တၫ်ဃုထၢတၫ်ဘျၢအဃိ ထံရူၫ်ကီၫ်သဲးအဖီခိၣ် ပှၤလၢဘၣ်တၫ်ဖီၣ်ဃာ်၀ဲအိၣ်လံ(၈၉)ဂၤဒီးနီၫ်ဂံၫ်နီၫ်ဒွးအံၤန့ၣ် ပှၤလၢ တၫ်ပာ်ဂၢၫ်ပာ်ကျၢၤ၀ဲအမံၤအသၣ်အဖၢမုၫ် ပာ်ဃုာ်(၅၄)ဂၤန့ၣ်လီၤ.
နီၫ်ဂံၫ်နီၫ်ဒွးလၢတၫ်ပာ်ဖျါတဖၣ်န့ၣ် မ့ၫ်ဒၣ်ထဲAAPPမၤနီၫ်မၤဃါ၀ဲန့ၫ်အသိးလီၤဒီးဟီၣ်ခိၣ်လိၤတၫ်ကဲထီၣ်အသးနီၫ်နီၫ်န့ၣ် အါဒိၣ်န့ၫ်ဒံးတၫ်၀ဲသ့န့ၣ်လီၤ.တၫ်ဂ့ၫ်တၫ်ကျိၤလၢတၫ်မၤနီၣ်မၤဃါ၀ဲမ့ၫ်န့ၫ်ကဒီးန့ၣ် တၫ်ပာ်ဂၢၫ်ပာ်ကျၢၤမ့ၫ်၀ံၤဒီး တၫ်ကဖၢ နုာ်ပာ်ဖျါကဒီး၀ဲလီၤ.
တၫ်မၤစၢၤထံရူၫ်ကီၫ်သဲးပှၤလီၤဃိၣ်ဖိကရၢအတၫ်ထၢဖှိၣ်မၤနီၣ်မၤဃါတၫ်ဂ့ၫ်တၫ်ကျိၤအဖီခိၣ် ၂၀၂၅နံၣ်,လါနိၣ်၀့ဘၢၣ် (၁)သီနံၤ တုၤ (၃၀)သီနံၤအတီၫ်ပူၤ လၢထံကီၫ်ဒီတဘ့ၣ် သုးခီၣ်မံးရှၢၣ်အကလံၤကျါတၫ်ဒုးခးလီၤတၫ်တဖၣ်အဃိ ပိာ် မုၣ်(၂၁)ဂၤဒီးပိာ်ခွါ(၂၄)ဂၤ ခဲလၢာ်(၄၅)ဂၤဘၣ်သံ၀ဲန့ၣ် တၫ်ပာ်ဂၢၫ်ပာ်ကျၢၤန့ၫ်ဃုာ်၀ဲဒီးအမံၤအသၣ်တဖၣ်၀ံၤ နီၫ်ဂံၫ်နီၫ်ဒွး ၀ဲအံၤအပူၤ သးနံၣ်(၁၈)နံၣ်အဖီလာ် ဖိသၣ်ပာ်ဃုာ်(၁၅)ဂၤန့ၣ်လီၤ.ပှၤ(၄၅)ဂၤအကျါ ရၢၫ်ခၢၣ်ကီၫ်စဲၣ်ပူၤ ပာ်ဃုာ် (၂၃)ဒီး မ့ၫ်ဟီၣ်က၀ီၤလၢတၫ်သံတၫ်ပှၫ်အအါကတၢၫ်န့ၣ်လီၤ.တၫ်ဆၢကတီၫ်၀ဲအံၤအပူၤ ကလံၤကျါတၫ်ဒုးခးလီၤတၫ်အဃိ က မျၢၫ်(၆၅)ဂၤလၢဘၣ်သံ အမံၤအသၣ်တဖၣ်စ့ၫ်ကီး တၫ်ထၢဖှိၣ်မၤနီၣ်မၤဃါလီၤဆီ၀ဲဒီးတၫ်ပာ်ဂၢၫ်ပာ်ကျၢၤကန့ၫ်အဂီၫ် ကမၤထွဲ၀ဲလီၤ.
ဖဲလါနိၣ်၀့ဘၢၣ်(၂၈)သီ,ဂီၤ (၁၀း၄၀)နၣ်ရံၣ်ဃၣ်ဃၣ်အကတီၫ် ရၢၫ်ခၢၣ်ကီၫ်စဲၣ်,ကၠီးတီၣ်ကီၫ်ဆၣ်,ကၠီၣ်ဖိၣ်သ၀ီ သုးခီၣ် မံးရှၢၣ်လဲၤဒုးတ့ၫ်လီၤမ့ၣ်ပိၫ်လၢကဘီယူၤအဃိ သးနံၣ်(၅)နံၣ်အိၣ် ဖိသၣ်(၁)ဂၤပာ်ဃုာ် ပိာ်မုၣ်(၅)ဂၤဒီးပိာ်ခွါ(၂)ဂၤ ခဲ လၢာ်ဘၣ်၀ံ၀ဲ(၇)ဂၤန့ၣ်လီၤ.
