လါဒံၣ်စ့ဘၢၣ် ၃သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ယပၣ်ထံဂုၤကီၢ်ဂၤကိတိၥ် မိၣ်တံၣ်ကံၣ်တိၣ်ရှံၣ်မ့းစူးအံၤ နိၣ်၀့ဘၢၣ် ၁၁သီအနံၤန့ၣ် ယပၣ်ပဒိၣ်အတၢ်ကွဲမုၥ်အဖီခိၣ် ထံၣ်လိၥ်တၢၣ်သကိးတၢ်ဒီး ဘီမုၢ်စၢဖှိၣ်ကရၢနဲၣ်ရွဲၣ်ခိၣ်ကျၢၢ် အကီၢ်ပယီၤဂ့ၢ်၀ီ မီၢ်သီလီၤဆီ ကၠူၣ်လံၣ်ဘ့းရှီးလၢဟဲတုၤအိၣ်ဖဲ ကီၢ်ယပၣ်န့ၣ်လီၤ.
ကၠူၣ်လံရှီးလၢ အတၢ်ဂုၥ်ကျဲးစၢလၢကဘှါရှဲကီၢ်ပယီၤဂ့ၢ်၀ီအဖီခိၣ်အဂီၢ် အိၣ်ဒီးတၢ်ပၥ်ကဲအပူၤအဂ့ၢ်, ကီၢ်ပယီၤအပူၤ တၢ်သဘံၣ်သဘုၣ်တၢ်အိၣ်သးတဖၣ် ဟဲအၢထီၣ်၀ဲအဖီခိၣ် ဘၣ်ယိၣ်တၢ်ဒိၣ်မးအဂ့ၢ် မိၣ်တံၣ်ကံၣ်စံး၀ဲန့ၣ်လီၤ.
တၢ်ဘှါရှဲ တၢ်သဘံၣ်သဘုၣ်တဖၣ်ကလဲၤထီၣ်လဲၤထီအဂီၢ်ဒီး ကီၢ်ပယီၤကမျၢၢ်တဖၣ်အဂီၢ် တၢ်ကမၤဖျါထီၣ် ပှၤဟီၣ်ခိၣ်တၢ်ဒိသူၣ်ဒိသးတၢ်မၤစၢၤအမိၢ်လံမိၢ်ပှၢ်ကန့ၢ်အဂီၢ် တၢ်ဟ့ၣ်သဆၣ်ထီၣ်တဖၣ်လၢ ယပၣ်ပဒိၣ်အတၢ်ဂုၥ်ကျဲးစၢး ဘှါရှဲကီၢ်ပယီၤဂ့ၢ်၀ီအဂီၢ်စ့ၢ်ကီး အ၀ဲတဲနၢ်ပၢၢ်၀ဲန့ၣ်လီၤ.
တၢ်ဘှါရှဲကီၢ်ပယီၤတၢ်သဘံၣ်သဘုၣ်အပူၤ ကီၢ်ယပၣ်န့ၣ် အိၣ်၀ဲဒၣ်လၢ အရ့ဒိၣ်အသနၢၣ်အပူၤအဂ့ၢ်, တုၤလၢကတီၢ်ခဲအံၤ ယပၣ်ပဒိၣ်အတၢ်ဂုၥ်ကျဲးစၢးတဖၣ် ပၥ်လုၢ်ပၥ်ပှ့ၤ၀ဲအဂ့ၢ် ကၠူၣ်လံဘ့းရှီး စံး၀ဲန့ၣ်လီၤ.
ကီၢ်ပယီၤအပူၤ သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ၀ံၤအလီၢ်ခံ ဘီမုၢ်စၢဖှိၣ်ကရၢအတၢ်ရဲၣ်တၢ်ကျဲၤတဖၣ်ဒီး ခါဆူညါတၢ်အိၣ်သးတဖၣ် အ၀ဲတဲနၢ်ပၢၢ်၀ဲန့ၣ်လီၤ. တၢ်ဘှါရှဲကီၢ်ပယီၤဂ့ၢ်၀ီ တၢ်လဲၤထီၣ်လဲၤထီၣ်အဂီၢ် ဘီမုၢ်စၢဖှိၣ်ကရၢ ကပၣ်ဃုၥ်ပၣ်ဂီၢ်လၢ အသနၢၣ်လၢအရ့ဒိၣ်အပူၤအဂီၢ် မုၢ်လၢ်၀ဲအဂ့ၢ် မိၣ်တံၣ်ကံၣ် စံး၀ဲန့ၣ်လီၤ.
တၢ်ဘှါရှဲကီၢ်ပယီၤဂ့ၢ်၀ီအပူၤ တၢ်ကဟူးဂဲၤထိၣ်ဃူမၤသကိးတၢ်လၢဘူးဘူးတံၢ်တံၢ်အဂီၢ် ခံဂၤစလၢၥ် အၢၣ်လီၤအီလီၤ၀ဲန့ၣ်လီၤ.
