လါဒံၣ်စ့ဘၢၣ်(၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်အ့ၣ်ဒိၣ်နံရှါမုၫ်နုာ် လၢဆူၣ်မါတြါကီးအပူၤ မူခိၣ်စူၤဖးဒိၣ်အဃိ န့ဆၢၣ်တၫ်မၤဘၣ်ဒိကဲထီၣ်ဒီးပှၤ ဘၣ်သံ၀ဲ(၃၀၀) ဂၤဘျဲၣ်န့ၣ်လီၤ.
တုၤဖဲမုၫ်နံၤအနံၤန့ၣ် ပှၤဘၣ်သံ၀ဲ ၃၀၃ဂၤဒီးပှၤလီၤမၫ်(၂၇၉)ဂၤအဂ့ၫ် အ့ၣ်ဒိၣ်နံရှါတၫ်ပၢဆှၢရဲၣ်ကျဲၤတၫ်လီၤဘၣ်ယိၣ် အ့ၣ်ကၠ့ၣ်စံၣ် တဲ၀ဲလီၤ.
ဆူၣ်မါတြါကီးအပူၤ အပူၤကွံာ်ဖဲမုၫ်ခံနံၤအနံၤန့ၣ် မူခိၣ်စူၤဖးဒိၣ်အဃိ ထံဒိၣ်ဒီးဟီၣ်ခိၣ်လာ်တဖၣ်ကဲထီၣ်၀ဲအဂ့ၫ် မူခိၣ်ကလံၤသီၣ်ဂီၤပှၤဘၣ်မူဘၣ်ဒါတဲ၀ဲလီၤ.
ဆူၣ်မါတြါကီးအပူၤ တၫ်လီၫ်တနီၤအပူၤ တသီအတီၫ်ပူၤ မ့ၫ်လၢမူခိၣ်စူၤ၀ဲ ၃၀၀ မံၣ်လံၣ်မံၣ်ထၢၣ်ဘျဲၣ်အဃိအဂ့ၫ် အ၀ဲသ့ၣ်တဲ၀ဲလီၤ.
ဆူၣ်မါတြါကီးကလံၤစိးအပူၤ တၫ်ဒိဃာ်၀ဲတၫ်ဂီၤမူတခါအပူၤ ပာ်ဖျါဃာ်၀ဲလၢ ပှၤအိၣ်တၫ်လီၫ်တတီၤ ကပံာ်လုၫ်ဘၢ ကွံာ်၀ဲဒီးပှၤဘၣ်မူဘၣ်ဒါတဖၣ် မၤတၫ်မၤပူၤဖျဲးထီၣ်သးသမူတၫ်ဖံးတၫ်မၤတဖၣ်လီၤ.
တၫ်ကပလီၫ်သးလၢဟီၣ်ခိၣ်လာ်တဖၣ်ဒီးထံကျိထံဒိၣ်ထီၣ်တဖၣ်အဂီၫ် မူခိၣ်ကလံၤသီၣ်ဂီၤ၀ဲၤကျိၤ ပှၤဘၣ်မူဘၣ်ဒါ တဖၣ် တဲဘၣ်၀ဲပှၤဆူၣ်မါတြါကီးဖိတဖၣ်လီၤ.
အ့ရှၢၣ်ကီၫ်မီၫ်ပှၫ်အပူၤ ထံကီၫ်အဂၤတဖၣ်စ့ၫ်ကီး မူခိၣ်စူၤထံဒိၣ်ဒီးလၢလါနိၣ်၀့ဘၢၣ်ဘူးကလၢာ်န့ၣ် ကီၫ်ကၠီၣ်တဲၣ်အပူၤ ထံဒိၣ်အဃိ ပှၤဘၣ်(၁၆၂)ဂၤဒီးကီၫ်သံၣ်ရံးလ့ၣ်ကၣ်အပူၤ ပှၤ(၁၅၃)ဂၤ ဘၣ်သံ၀ဲန့ၣ်လီၤ.
