လါနိၣ်၀့ဘၢၫ်(၂၅)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
စကဲကီၫ်ခီ,ခ့ၣ်အူကီၫ်ဆၣ်အပူၤ သုးခီၣ်မံးရှၢၣ်သုးကျိၤ လီၫ်က၀ီၤတၫ်ပၢၫ်ဆၢသုးပာ်ဖှိၣ်တဖၣ်ဒုး၀ဲအဃိ သုးကျိၤဟး ဂီၤဒီးတၫ်သံတၫ်ပှၫ်တၫ်ဘၣ်ဒိဘၣ်ထံးအိၣ်အါ၀ဲအဂ့ၫ် တၫ်သ့ၣ်ညါဘၣ်လီၤ.
ခ့ၣ်အူကီၫ်ဆၣ်အပူၤ,သုးခီၣ်မံးရှၢၣ်သုးကျိၤန့ၣ် တၫ်ပၢၢ်ဆၢဂံၫ်ဘါကရၢသုးပာ်ဖှိၣ်တဖၣ် က၀ီၤကးတံာ်ဒုး၀ဲလၢ တၫ် ဘၢၣ်စၢၤအဃိ သုးကျိၤဟးဂီၤဒီးသုးခီၣ်မံးရှၢၣ်သုးဖိဘၣ်ဒိဘၣ်ထံး ဘၣ်သံဘၣ်ပှၫ်အါမးဒီးတၫ်မၤန့ၫ်တၫ်စုက၀ဲၤတဖၣ် အဂ့ၫ် ခ့ၣ်အူကီၫ်ဆၣ် ကမျၢၫ်တၫ်ဒီသဒၢကရၢ ထုးထီၣ်ပာ်ဖျါ၀ဲ ဖဲလါနိၣ်၀့ဘၢၣ်(၂၄)သီအနံၤန့ၣ်လီၤ.
ဖဲလါနိၣ်၀့ဘၢၣ်(၂၃)သီအနံၤ,မုၫ်ထူၣ် ၁၂နၣ်ရံၣ်ဃၣ်ဃၣ်အကတီၫ် ခ့ၣ်အူကီၫ်ဆၣ်,မိၣ်လးသ၀ီအပူၤ လၢ(၄)သီအတီၫ် ပူၤ ကးဘလူဒုးယၤ(၃၂၂),ခမရ(၁၁၁)ဒီးအစုတီၤဖီလာ် ဂၫၤကီၫ်သုး(ပၠူၣ်စီထံ)တဖၣ် လၢဆီလီၤဃာ်အသုးကလၢၤ လၢဂံၫ်ဘါအိၣ်(၁၈၀)ဂၤဃၣ်ဃၣ်သုးကျိၤအံၤ ဖဲအိၣ်ဟးထီၣ်လၢ ပၠ့ၣ်ထီၣ်သ၀ီ(ပၠူၣ်စီထံသ၀ီ)တကပၤအကတီၫ် တၫ်ဒီသဒၢသုးဖိတဖၣ် ခးအီၤလၢတၫ်ဘၢၣ်စၢၤအဂ့ၫ် တဲ၀ဲလီၤ.
တၫ်ဒုးတဘျီ၀ဲန့ၣ်အပူၤ သုးခီၣ်မံးရှၢၣ်သုးကျိၤတကပၤ ဘၣ်သံၣ်ပှၫ်ဘၣ်ဒိဘၣ်ထံးအါမးဒီးသုးကျိၤဟးဂီၤ၀ံၤ ဃ့ၫ်ဖျိး ဂုၤက့ၤအခံအဂ့ၫ် ခ့ၣ်အူကမျၢၫ်တၫ်ဒီသဒၢတဲ၀ဲလလီၤ.
တၫ်ဒုးအ၀ံၤ တၫ်မၤန့ၫ်၀ဲသုးခီၣ်မံးရှၢၣ်အငါကၠ့မံကျိစဲး(၁)ခိၣ်,MA-1ကျိ ၁၀ခိၣ်, MA-2 ကျိ ၃ခိၣ်, BA-100/ 60mm ၁ခိၣ်, MA-3 ကျိ ၃ခိၣ်, MA-4 ကျိ ၁ခိၣ်, G-3 ကျိ ၄ခိၣ်, MASစုဘျၢ ၁ခိၣ်, M1ကျိ ၅ခိၣ်ဒီးကျိချံပှာ်သၣ်အါမးအဂ့ၫ် တဲ၀ဲလီၤ.
တၫ်ဒုးတဘျီအံၤ PDFနီၫ်ဂံၫ်(၂)ရွှ့ၣ်ဘိၣ်ကီၫ်ရ့ၣ်,နီၫ်ဂံၫ်(၃)သုးရ့ၣ်,ခ့ၣ်အူကီၫ်ဆၣ် ပကဖ,တဲးနဲၣ် ပကဖတဖၣ်ဒီးခ့ၣ်အူ ကီၫ်ဆၣ် ပလဖကရၢတဖၣ် ပာ်ဖှိၣ်ဒုး၀ဲအဂ့ၫ် တၫ်သ့ၣ်ညါဘၣ်လီၤ.
