လါနိၣ်၀့ဘၢၣ်(၂၆)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ကၠီၣ်တဲၣ်ကလံၤထံး,ကီၫ်ရ့ၣ်(၉)ဘ့ၣ်အပူၤ ပှၤကွၫ်ဆၢၣ်မဲာ်ဘၣ်ထံတၫ်လီၤဘၣ်ယိၣ် အိၣ်ထီၣ်၀ဲ ပှၤနီၫ်ဂံၫ်(၂.၁)က ကွဲၫ်အဂ့ၫ် ကီၫ်ကၠီၣ်တဲၣ်တၫ်ဒီသဒၢန့ဆၢၣ်တၫ်လီၤဘၣ်ယိၣ်ဒီးမၤစှၤလီၤ၀ဲၤကျိၤ(DDPM) ထုးထီၣ်ဘိးဘၣ်ရၤလီၤ၀ဲ ဖဲမဟါနံၤန့ၣ်လီၤ.
သုးကဘီလၢတၫ်ကပျၫ်လီၤ၀ဲဆူ ကလံၤထံးထံဒိၣ်အလီၫ် ပဒိၣ်ပှၤမၤတၫ်ဖိတဖၣ် တချူးဟးထီၣ်လၢ ဆိၣ်ခလၣ်ဟီၣ် က၀ီၤဒံးဘၣ်အကတီၫ် တီၣ်ထီၣ်ဃာ်၀ဲ တၫ်မၤစၢၤဒီးတၫ်မၤပူၤဖျဲးတၫ်ပီးတၫ်လီၤတဖၣ်၀ံၤ တနံၤအံၤန့ၣ် ကလဲၤအိၣ်ပ တုာ်ဖဲတၫ်လီၫ်၀ဲန့ၣ်မုၫ်လၫ်၀ဲအဂ့ၫ်,မ့ၫ်တုၤဃီၤတဘျီဃီဒီးကစးထီၣ်မၤ၀ဲတၫ်မၤပူၤဖျဲးတၫ်ဖံးတၫ်မၤတဖၣ်အဂ့ၫ် တၫ် သ့ၣ်ညါဘၣ်လီၤ.
ဖဲမဟါနံၤ တုၤဂီၤ(၆), DDPMစရီတဖၣ်အဖီခိၣ် ကလံၤထံး ထံတၫ်လီၤဘၣ်ယိၣ်တၫ်အိၣ်သးန့ၣ် ဟဲနးထီၣ်ဒီးကီၫ်ရ့ၣ် (၉ )ဘ့ၣ်အပူၤ ကီၫ်ရ့ၣ်အဒ့(၉၈)ခါ,သ၀ီကရူၫ်(၆၄၃)ကရူၫ်ဒီးဒူသ၀ီခဲလၢာ် (၄,၆၈၈)ဖျၢၣ်အပူၤ ပှၤနီၫ်ဂံၫ် (၂,၁၉၆,၇၅၈)ဂၤ တူၫ်ဘၣ်ထံတၫ်လီၤဘၣ်ယိၣ်အဂ့ၫ်,ဟံၣ်ဖိဃီဖိ ၇ကလီၫ်,၉ကလးဘျဲၣ် ကွၫ်ဆၢၣ်မဲာ်ဘၣ်ထံတၫ်မၤဘၣ်ဒိဘၣ်ထံးအဂ့ၫ် ပာ်ဖျါဃာ်၀ဲလီၤ.
ကလံၤထံးတကပၤ ဟးယဲၣ်,ဆူၣ်ရးထၣ်နံၣ်,ကရၣ်ဘံၣ်,နခိၣ်စံၣ်သၣ်မရး,ထယၣ်,ဖးသလိၣ်, ဆၣ်တိၣ်,ဆိၣ်ခလၣ်, ပးတနံၣ်ဒီးနရသံၣ်၀းဟီၣ်က၀ီၤတဖၣ်အပူၤ ထံဒိၣ်ထီၣ် ကဲထီၣ်တပယူာ်ဃီဒီးကီၫ်ရ့ၣ် ၉၂ဘ့ၣ်,သ၀ီခဲလၢာ် ၄,၁၀၀ ဘျဲၣ် ထံလုၫ်ဘၢကွံာ်၀ဲအဂ့ၫ်,ထံဒိၣ်အဃိ ပှၤဘၣ်သံ(၁၃)ဂၤအဂ့ၫ် တၫ်သ့ၣ်ညါဘၣ်လီၤ.
ကၠီၣ်တဲၣ်ပီၣ်လဲၣ်က့ၣ်ကျီၤ,ကလံၤထံးဟီၣ်က၀ီၤဒီးအဲၣ်ဒမၣ်ပီၣ်လဲၣ်တကပၤ မုၫ်ထီၣ်ကလံၤစိးမိးသိၣ်ကလံၤအဂံၫ် ဆူၣ်ထီၣ်အဃိ စးထီၣ်ဖဲလါနိၣ်၀့ဘၢၣ်(၁၇)သီအနံၤန့ၣ် ကလံၤထံးတၫ်လီၫ်အါတက့ၫ်အပူၤ မူခိၣ်စူၤဒိၣ်,ခါလၢကဟဲ (၂၄)နၣ်ရံၣ်အတီၫ်ပူၤ ကလံၤထံးအဆၢလာ်တၫ်လီၫ်တနီၤ တၫ်ကစူၤကဒီး၀ဲသ့အဂ့ၫ် ကၠီၣ်တဲၣ်မူခိၣ်ကလံၤသီၣ်ဂီၤ၀ဲၤ ကျိၤ တယာ်ဃာ်၀ဲလီၤ.
