လါနိၣ်၀့ဘၢၣ်(၂၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တၫ်ရ့လိာ်ဘၣ်ထွဲဖ့ၣ်ဆၢထီၣ်ဒီးတရူးအကတီၫ် ကဆီၣ်ထွဲမၤစၢၤကီၫ်ယပၣ်အဂ့ၫ် ထဲၣ်၀ၣ်ထံဂုၤကီၫ်ဂၤကိတိာ် လ့ၣ်ခၠံၣ်ယၣ်လိၣ် ဟ့ၣ်တၫ်အၢၣ်လီၤ ဖဲလါနိၣ်၀့ဘၢၣ်(၂၀)သီအနံၤန့ၣ်လီၤ.
တၫ်ဂ့ၫ်လိာ်ဘှီလိာ်အပူၤ အလီၫ်ခံကတၢၫ်တၫ်ဒုးဃီၤအသိး တရူးန့ၣ် ကကးတံာ်ကွံာ်၀ဲ ယပၣ်အတၫ်တီၣ်သွီနုာ် ပီၣ်လဲၣ်တၫ်အီၣ်ခဲလၢာ်န့ၣ် တဲ၀ဲအဂ့ၫ် လၢယပၣ်၀့ၫ်ခိၣ်တိၣ်ကၠိၣ်အပူၤ ပဒိၣ်ပှၤဘၣ်မူဘၣ်ဒါ ၂ဂၤ တဲ၀ဲ၀ံၤအလီၫ်ခံ ဟ့ၣ်တၫ်အၢၣ်လီၤဒ်သိးအံၤလီၤ.
တရူးကီၫ်မိၫ်ပှၫ် ပဒိၣ်န့ၣ် ဆီၣ်ဘံၣ်ဆီၣ်ဘၢမုာ်ကျိၤ၀ဲၤကွာ်ဒီးသူ၀ဲသုးဂ့ၫ်၀ီတၫ်မၤပျံၤမၤဖုးဒ်သိးအံၤဒီးဆီၣ်ဘံၣ်ဆီၣ်ဘၢ ထံကီၫ်အဂၤ,တၫ်ကူၣ်လဲၫ်မၤကၤပနံာ်,တၫ်ဘျၢလီၤတဖၣ်ဒီးတၫ်ဟးထီၣ်က့ၤလီၤတၫ်ဖံးတၫ်မၤခဲလၢာ်န့ၣ် သူ၀ဲဒ်တၫ်စု က၀ဲၤအသိး၀ံၤ ဒုးဃီၤတၫ်လၢထဲၣ်၀ၣ်အဖီခိၣ်အဂ့ၫ် ထဲၣ်၀ၣ်ထံဂုၤကီၫ်ဂၤကိတိာ် တဲဘၣ်ပှၤဟံးန့ၫ်တၫ်ကစီၣ်ဖိတဖၣ် လီၤ.
လၢထဲၣ်၀ၣ်အဖီခိၣ် တရူးအတၫ်ဒုးဃီၤတဖၣ်န့ၣ် မၤပျံၤမၤဖုး ယပၣ်အတၫ်အိၣ်မူဒီးကဲထီၣ်သုးဂ့ၫ်၀ီတၫ်ခီၣ်ဆၢသ့အ ဂ့ၫ် ယပၣ်ကိတိာ်ခိၣ်ကျၢၫ်အသီ ဆၣ်အဲနၣ်တးခးအံးခၠံၣ်န့ၣ် ဖဲတလါအံၤအပူၤ တဲလီၤ၀ဲ၀ံၤအလီၫ်ခံ တရူးဒီးယပၣ်ထံ ကီၫ်ခံဘ့ၣ်အဘၢၣ်စၢၤ တၫ်ဖ့ၣ်ဆၢတဖၣ် ဘၣ်အိၣ်ထီၣ်၀ဲလီၤ.
တၫ်တဲတဖၣ်န့ၣ် ယပၣ်ကက့ၤထုးကွံာ်က့ၤ၀ဲအဂီၫ် တရူးပဒိၣ်ဃ့ထီၣ်ဃာ်၀ဲဒီးပှၤတရူးဖိတဖၣ် သုတလဲၤဆူကီၫ်ယပၣ် တဂ့ၤအဂီၫ် တဲဆီၣ်တခူထီၣ်ဃာ်၀ဲလီၤ.
အလီၫ်ခံ ဟီၣ်ခိၣ်ချၢကီၫ်ယပၣ်လၢမုာ်ကျိၤ၀ဲၤကွာ်အဂံၫ်ဆူၣ်ကတၢၫ်ထံကီၫ်(၄)ဘ့ၣ်တဘ့ၣ်အံၤ ကဲထီၣ်တၫ်ဆီၣ် ဘံၣ်ဆီၣ်ဘၢလၢ ဘၣ်ပတုာ်ကွံာ်အတၫ်တီၣ်သွီနုာ် ပီၣ်လဲၣ်တၫ်အီၣ်တဖၣ်န့ၣ်လီၤ.
ကီၫ်ယပၣ်န့ၣ် အတၫ်ရ့လိာ်ဘၣ်ထွဲဒီးထဲၣ်၀ၣ်လၢဖိးသဲစးမ့ၫ်တအိၣ်ဘၣ်ဆၣ် မ့ၫ်ထံကီၫ်ခံဘ့ၣ်သိၣ်မှံၤအသိး မ့ၫ်ပှၤမၤ သကိးမုာ်ကျိၤ၀ဲၤကွာ်လၢအရ့ဒိၣ်တဖၣ်န့ၣ်လီၤ.
ကီၫ်ယပၣ်န့ၣ် မ့ၫ်၀ဲထဲၣ်၀ၣ်အသိၣ်မှံၤထံကီၫ်ကူၣ်လဲၫ်မၤကၤတၫ်အဒိၣ်ကတၢၫ်(၃)ဖုတဖုဒီးထဲၣ်၀ၣ်တခီမ့ၫ်၀ဲကီၫ်ပယၣ် အသိၣ်မှံၤပှၤကူၣ်လဲၫ်မၤကၤတၫ်အဒိၣ်ကတၢၫ်(၄)ဖုတဖုန့ၣ်လီၤ.
