လါအီးကထိဘၢၣ်(၃၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကညီကီၫ်စဲၣ်,ဖၣ်အၣ်ကီၫ်ဆၣ်,မၠဲၣ်ကလ့သ၀ီဒီးလၣ်ကၣ်သ၀ီကရူၫ်,တၫ်ဟ့ၣ်တၫ်ဖးဟီၣ်က၀ီၤအပူၤ သုးအပၣ်တံၣ် လၢအမ့ၫ် ကျးခဲၣ်ယ့တၫ်ကဟ့ၣ်အီၤတၫ်ဖးအဂီၫ် ပှၤမၤတၫ်ဖိတဖၣ်,ပှၤလၢတၫ်လီၫ်တၫ်ကျဲတအိၣ်တဖၣ်ဒီး ပှၤလီၫ်အိၣ် ကမှံဖိတဖၣ်န့ၣ် ပၢပြးဘၣ်မူဘၣ်ဒါတဖၣ် ဟ့ၣ်တၫ်ဆီၣ်သနံးတဲပျဲၤတဲဖုး၀ဲန့ၣ်လီၤ.
ကညီကီၫ်စဲၣ်လၢ ကၠးခဲၣ်ယ့ပၣ်တံၣ်အဂံၫ်ဆူၣ်အံၤ ဖၣ်အၣ်ကီၫ်ဆၣ်,မၠဲၣ်ကလ့သ၀ီဒီးလၣ်ကၣ်သ၀ီကရူၫ် တၫ်ဟ့ၣ်တၫ် ဖးဟီၣ်က၀ီၤအပူၤ လၢသုးပၢMEC ဘံလးမၠ့ၣ်စဲးဖီကဟၣ်တၫ်မၤလီၫ် တၣ်၉၀၀ဒီးတၣ်၄,၀၀၀ပာ်ဃုာ် တၫ်ဘၣ်လဲၤ ဟ့ၣ်တၫ်ဖးလၢသုးရ့ၣ်(၃)တၫ်ဟ့ၣ်တၫ်ဖးတၫ်လီၫ်လၢဘၣ်ထွဲတဖၣ်န့ၣ်လီၤ.
ကၠးခၣ်ယ့ပၣ်တံၣ် ကမၤနၢၤတၫ်ဒိၣ်ဒိၣ်မုာ်မုာ်အဂီၫ် ပှၤမၤတၫ်ဖိလၢမၤတၫ်ဖဲသုးပၢ MECဘံလးမၠ့ၣ်စဲးဖီကဟၣ် တၫ်မၤ လီၫ်တဖၣ်,ပှၤလၢတၫ်လီၫ်တၫ်ကျဲတအိၣ်တဖၣ်ဒီးပှၤလီၫ်အိၣ်ကမှံဖိတဖၣ် ကဟ့ၣ်ကၠးခၣ်ယ့ပၣ်တံၣ်တၫ်ဖးအဂီၫ် ပၢပြးဘၣ်မူဘၣ်ဒါတဖၣ် ဟ့ၣ်တၫ်ဆီၣ်သနံးတဲပျံၤတဲဖုး၀ဲလီၤ.
ပှၤလၢတၫ်အိၣ်ဆိးလီၫ်ကျဲတအိၣ်လီၤတံၫ်တဂၤတဲ၀ဲလၢ”လၢမၠဲၣ်ကလ့န့ၣ် ပၢပြးဒီးအပှၤတဖၣ် တဲ၀ဲလၢကမျၢၫ် က ဘၣ်ဟ့ၣ် ကၠးခၣ်ယ့ပၣ်တံၣ်တၫ်ဖးလီၤ.ကမျၢၫ်စ့ၫ်ကီးတၫ်တဲပျံၤတဲဖုးအဃိ မ့တဟ့ၣ်တၫ်ဖးန့ၣ် တန့ၫ်ဘၣ်အဃိ ဘၣ် ယိၣ်တၫ်လီၤ.ဟ့ၣ်ပှၤအဂၤတၫ်ဖးတန့ၫ်ဘၣ်.မ့ၫ်တဟ့ၣ်ကျးခၣ်ယ့တၫ်ဖးဘၣ်န့ၣ် တၫ်တပျဲဒုးအိၣ်၀ဲလၢအိၣ်ကလီၫ်လၢၤ ဘၣ်.တဲပျံၤတဖုး၀ဲဒ်န့ၣ်ဒီးတၫ်ကဘၣ်ဟ့ၣ်တၫ်အ၀ဲသ့ၣ် ကျးခၣ်ယ့လီၤန့ၣ်လီၤ.
သုးကီၣ်ကးန့ၣ် ဒံၣ်စ့ဘၢၣ်(၂၈)သီလၢကဟဲ ကမၤတၫ်ဃုထၢအကူာ်(၁)၀ံၤ ကညီကီၫ်စဲၣ်ပူၤတခီ ကမၤ၀ဲဖဲဘၣ်အၣ်,ရၤ မတံဒီးဒီၣ်ဖးခိၣ်ကီၫ်ဆၣ်(၃)ခါအပူၤန့ၣ်လီၤ.
တကးဘၣ် လါအီးကထိဘၢၣ်(၂၈)သီ တုၤ ဒံၣ်စ့ဘၢၣ်(၂၆)သီန့ၣ် ပာ်ပနီၣ်၀ဲဒ်အသီ(၆၀) တၫ်လူၤကရၢကရိမၤန့ၫ်တၫ် ဖးအကတီၫ်လီၤ.
ကညီပှၤဃုသ့ၣ်ညါထံရူၫ်ကီၫ်သဲးတဂၤတဲ၀ဲလၢ”ကၠးခၣ်ယ့ကန့ၫ်အဂီၫ် ပှၤလၢမၤပၢပြးတဖၣ်န့ၣ် ကဟ့ၣ်တၫ်ဆီၣ်သနံး လၢတၫ်ကဘၣ်ဟ့ၣ်ကျးခၣ်ယ့လီၤ.မ့ၢ်တတဲဒၣ်လဲၣ်န့ၣ် သ့ၣ်ညါလီၤ.ကၠးခၣ်ယ့လၢကမျၢၫ်အဖီခိၣ်တမ့ၫ်ဂ့ၤနီ တ ဘျီဘၣ်.မၤပျံၤမၤဖုးကမျၢၫ်ဒီးမ့ၫ်ဒၣ်ဒ်မၤညီနုၫ်၀ဲအသိးလီၤ.ကွဲန့ၫ်လွဲန့ၫ်၀ဲဒီမၤပျံၤမၤဖုး၀ဲန့ၣ် မ့ၫ်ဒၣ်လၢညါလံၤလံၤ အ သးတဘျၢလၢထံဖိကီၫ်ဖိကမျၢၫ်တဖၣ်အဖီခိၣ်ဘၣ်အဂ့ၫ်”တဲ၀ဲလီၤ.
တၫ်ဃုထၢအကူာ်(၂)န့ၣ် တၫ်ကမၤ၀ဲဖဲ၂၀၂၆နံၣ်,လါယနူၤအါရံၤ(၁၁)သီနံၤ လၢကီၫ်ဆၣ်အဘ့ၣ်(၁၀၀)အပူၤ၀ံၤ ကညီကီၫ်စဲၣ်ပူၤတခီ ကမၤ၀ဲဖဲဖၣ်ပူၣ်ဒီးလူၫ်ပျဲၫ်ကီၫ်ဆၣ်(၂)ဘ့ၣ်အပူၤအဂ့ၫ် ထုးထီၣ်ဘိးဘၣ်ရၤလီၤဃာ်၀ဲလီၤ.
တၫ်ကဟ့ၣ်တၫ်ဖးအဂီၫ် တၫ်မၤပျံၤမၤဖုးတဖၣ်န့ၣ် ပၣ်တံၣ်တဖၣ်တီခိၣ်ရိၣ်မဲ၀ဲအဃိ ကြၢးလၢတၫ်ဘၣ်လဲၤတၢၣ် ၀ဲအဂ့ၫ် ခၢၣ်စးလၢနုာ်လီၤဒိးဃုထၢအသးဖဲကညီကီၫ်စဲၣ်ပူၤတဂၤတဲ၀ဲလီၤ.
“ခၢၣ်စးလၢကနုာ်လီၤသတြီၤတၫ်ဃုထၢနီၤ လၢပှၤတ၀ၢပူၤတဲ၀ဲန့ၣ်နၫ်ဟူဘၣ်လီၤ.မ့ၫ်တၢၣ်ဒီးတၢၣ်ဘၣ်ဆၣ် အိၣ်ဒၣ် ကၠးခၣ်ယ့တဖၣ်ကတၢၣ်တၫ်လီၤ.တၫ်သ့ၣ်ညါလၢကၠးခၣ်ယ့မၤ၀ဲဘၣ်ဆၣ် ပၣ်တံၣ်အဂၤဒုတမ့ၫ်ကတၢၣ်၀ဲ ဘၣ်.ကြၢး လၢတၢၣ်လီၤ.ဒ်သယ့ၣ်ညါဘၣ်အသိး ပှၤကမျၢၫ်တမ့ၫ်လဲၤတၢၣ်၀ဲကဘူၣ်ဘၣ်.ပှၤလဲၤတၢၣ်တၫ်ဘူၣ်တမ့ၫ် ကအိၣ်ဘၣ် အဂ့ၫ်”တဲ၀ဲလီၤ.
တၫ်ဃုထၢလၢသုးကမၤ၀ဲ လၢကညီကီၫ်စဲၣ်,တၫ်ဟ့ၣ်တၫ်ဖးတၫ်လီၫ်(၇)တီၤအပူၤ ပၠံၣ်ဒီၣ်စူးကၠးခၣ်ယ့ဒီးဖွ့းဖၠိယ့ ပၣ်တံၣ်,ဖလိၣ်စှီၤပၣ်တံၣ်,ကညီဒီကလုာ်ဒံၣ်မိၣ်ကရဲးတံးပၣ်တံၣ်,ယိၤဒီးကလုာ်ဒူၣ်ဒံၣ်မိၣ်ကရဲးတံးပၣ်တံၣ်,ပအဲဒီကလုာ်တၫ်ဃူတၫ်ဖိးပၣ်တံၣ်,ကလုာ်ဒူၣ်တၫ်အိၣ်ဃူအိၣ်ဖိးပၣ်တံၣ်ဒီးပၠံၣ်သူးရှ့းဆီၣ်ပၣ်တံၣ်တဖၣ် ကနုာ်လီၤသတြီၤ တၫ်ဃုထၢန့ၣ်လီၤ.
ကမျၢၫ်ဘျီၣ်ဒိၣ်အပူၤ ခၢၣ်စး ၃၁ဂၤ,ဒီကလုာ်ဘျီၣ်ဒိၣ်အပူၤ ခၢၣ်စး ၂၉ဂၤ,ကီၫ်စဲၣ်ဘျီၣ်ဒိၣ်အပူၤ ပှၤနီၫ်တဂၤပာ်ဃုာ် ခၢၣ်စး ၃၆ဂၤ ကနုာ်လီၤဒိးဃုထၢအသးလီၤ.
တၫ်ဃုထၢလၢသုးကရူၫ်ကမၤ၀ဲအံၤန့ၣ် တဖိးသဲစးဒီးမ့ၫ်အယီၤအဘျၣ်၀ံၤ တၫ်ကပာ်ဖှိၣ်ထီဒါဘၣ်အဂီၫ် ဒီကလုာ်ဃူဖိးပဒိၣ်(NUG)ဒီးတၫ်ပၢၫ်ဆၢဂံၫ်ဘါကရၢတဖၣ် ထုးထီၣ်ဘိးဘၣ်ရၤလီၤဃာ်၀ဲလီၤ.
