လါအီးကထိဘၢၫ်(၉)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
အံၣ်စရ့န့ၣ် ၂၀၂၃နံၣ်,လါအီးကထိဘၢၣ်(၇)သီအနံၤ တၫ်ဟဲဒုးဃီၤ နံၣ်ဆဲးဆၢအနံၤန့ၣ် ဖဲအီးကထိဘၢၣ်(၇)သီအနံၤန့ၣ် မၤလၤကပီၤ၀ဲအကတီၫ် ဟါမး(စ်)ဒီးအံၣ်စရ့ခၢၣ်စးတဖၣ် ဒ်အမဲရကၤပာ်လီၤတ့ၫ် တၫ်မုာ်တၫ်ခုၣ်တၫ်ရဲၣ်တၫ်ကျဲၤ အ ဖီခိၣ် ကၣ်စၣ်တၫ်ဒုးလၢယံာ်တ့ၫ်(၂)နံၣ်အံၤကကတၢၫ်ကွံာ်အဂီၫ် မၤ၀ဲတၫ်ထံၣ်လိာ်တၢၣ်ပီၣ်တဲသကိးန့ၣ်လီၤ.
အပူၤကွံာ်(၂)နံၣ် ဖဲဆၢကတီၫ်၀ဲအံၤ ပှၤကၠူဖိအတၫ်ဃ့ထုကဖၣ်အမူးတၫ်ရဲၣ်တၫ်ကျဲၤ၀ံၤအကတီၫ် ဟါမး(စ်)တီခိၣ် ရိၣ်မဲ ပှၤပူထီၣ်တၫ်ဖိတဖၣ် စးထီၣ်ဒုးဃီၤ၀ဲအံၣ်စရ့သတူၫ်ကလာ်ဒီးမ့ၫ်မုၫ်နံၤတနံၤလၢတၫ်သံတၫ်ပှၫ်အါကတၢၫ် လၢ ထံကီၫ်တၫ်စံၣ်စိၤအပူၤန့ၣ်လီၤ.
ပၣ်လဲးစတဲ ပှၤဒုးတၫ်ဖိတဖၣ်န့ၣ် နုာ်လီၤခီဂာ်၀ဲ ကၣ်စၣ်-အံၣ်စရ့ကီၫ်ဆၢ၀ံၤ အံၣ်စရ့ကလံၤထံး ဒူသ၀ီတဖၣ်ဒီးတၫ်ဒ့ တၫ်အူအမူးတဖၣ်အပူၤန့ၣ် ဒုးဃီၤ၀ဲလၢကျိ,မျိာ်တဖၣ်ဒီးစုမ့ၣ်ပိၫ်တဖၣ်အဃိ ပှၤအံၣ်စရ့ဖိဘၣ်သံ(၁,၂၁၉)ဂၤဒီးအါတ က့ၫ်န့ၣ်မ့ၫ်ကမျၢၫ်တဖၣ်အဂ့ၫ် အံၣ်စရ့တကပၤ ပာ်ဖျါထီၣ်နီၫ်ဂံၫ်နီၫ်ဒွးအဖီခိၣ် တၫ်သ့ၣ်ညါဘၣ်လီၤ.
ပှၤပူထီၣ်တၫ်ဖိတဖၣ်န့ၣ် က့ၤဖီၣ်ကိး၀ဲ ပှၤ(၂၅၁)ဂၤဆူကၣ်စၣ်ဒီးလၢအကျါ(၄၇)ဂၤန့ၣ် ဖီၣ်ဃာ်၀ဲအဖၢမုၫ်ဒီး(၂၅)ဂၤတ ခီဘၣ်သံလံအဂ့ၫ် အံၣ်စရ့သုးတဲ၀ဲလီၤ.
တၫ်ဟဲဒုးဃီၤတၫ်နံၣ်ဆဲးဆၢအနံၤန့ၣ် ကမၤလၤကပီၤ၀ဲအဂီၫ် ဖဲမုၫ်ခံနံၤအနံၤန့ၣ် လၢအံၣ်စရ့ တၫ်ရဲၣ်ကျဲၤဃာ်မူးတၫ်ရဲၣ် တၫ်ကျဲၤတဖၣ်န့ၣ်လီၤ.
လၢနိၣ်ဘၣ်တၫ်ဒ့တၫ်အူတၫ်သူၣ်၀ံၣ်သးဆၢမူးအပူၤ ပှၤလၢဘၣ်သံတ့ၫ်အဒူၣ်ဖိထၢဖိဒီးအတံၤသကိးဖိတဖၣ်န့ၣ် လၢ အံၣ်စရ့ကလံၤထံး တၫ်လီၫ်လၢတၫ်လဲၤဒုးဃီၤ၀ဲအပူၤဒွဲၣ်ထီၣ်ပနဲတၢၣ်တဖၣ်ဒီးအိၣ်ဘှ့ၣ်သကိး၀ဲ(၁)မံးနံးဃၣ်ဃၣ်န့ၣ် လီၤ.တၫ်လီၫ်၀ဲအံၤအပူၤ ပၣ်လဲးစတဲပှၤပူထီၣ်တၫ်ဖိတဖၣ် မၤသံတ့ၫ်ပှၤအံၣ်စရ့ဖိ(၃၇၀)ဂၤဘျဲၣ်ဒီး က့ၤဖီၣ်၀ဲအဂၤ လၢအဆံတဖၣ်လီၤ.
ပှၤလၢဘၣ်တၫ်က့ၤဖီၣ်တဖၣ် တၫ်ကပျၫ်ကွံာ်အဂီၫ် တၫ်ဃ့ထီၣ်၀ဲတၫ်လီၫ်လၢခံတတီၤအပူၤ တၫ်ရဲၣ်တၫ်ကျဲၤစ့ၫ်ကီး၀ဲ ဖဲTel Aviv, Hostages’ Square န့ၣ်လီၤ.
အံၣ်စရ့အကလံၤကျါ,ထံဒီးခိသုးတဖၣ် လၢသုးဂ့ၫ်၀ီမၤဆၢက့ၤကၣ်စၣ်အဃိ ပှၤပၣ်လဲးစတဲဖိဘၣ်သံလၢအကလးဒီး မ့ၫ်တၫ်ဟးဂုၤဟးဂီၤလၢကဲထီၣ်ဒိၣ်ဒိၣ်မုာ်မုာ်န့ၣ်လီၤ.
အစှၤကတၢၫ် ပှၤဘၣ်သံ၀ဲ ၆၇,၁၆၀ဂၤဒီးနီၫ်ဂံၫ်နီၫ်ဒွးအံၤ ဘီမုၫ်စၢဖှိၣ်ကရၢနာ်ဒီးတူၫ်လိာ်ဃာ်၀ဲအဂ့ၫ် ဟါမး(စ်)တၫ်ပၢ ဆှၢဟီၣ်က၀ီၤပူၤ ဆူၣ်ချ့ကိတိာ်၀ဲၤကျိၤတဲ၀ဲလီၤ.
“တၫ်ဒုးတဘျီအံၤ ပတၫ်ဘၣ်လီၤမၫ်ကွံာ်န့ၫ်ပှၤခဲလၢာ်လီၤ.ပဟံၣ်ပဃီ,ပဟံၣ်ဖိဃီဖိ,တံၤသကိး တဖၣ်,ပှၤလၢအိၣ်ဘူးဒီး ပှၤခဲလၢာ် လီၤမၫ်ကွံာ်န့ၫ်ပှၤလီၤ.တၫ်ကဘိးဘၣ်ရၤလီၤတၫ်ပတုာ်တၫ်ခးအဂီၫ်ဒီး တၫ်မၤသံမၤ၀ီလိာ်သးလၢအကတၢၫ် တအိၣ်အံၤကပတုာ်ကွံာ်အဂီၫ် ပအိၣ်ခိးတကဲလၢၤဘၣ်.ထဲတၫ်ဟးဂုၤဟးဂီၤလီၤ.တၫ်တအိၣ် တ့ၫ်နီတမံၤလၢာ်ဘၣ်အ ဂ့ၫ်”ပှၤလၢဃ့ၫ်ပူၤဖျဲးအသးလၢ ကၠၣ်ဘၣ်လံၣ်ယၣ် သးနံၣ်(၃၆)နံၣ်အိၣ် ဟၣ်နိၣ်မိၣ်ဟၣ်မဲး တဲ၀ဲလီၤ.
အံၣ်စရ့န့ၣ် တၫ်ဒုးအကတီၫ် မၤလဲၫ်ထီၣ်တၫ်ဒုးအတကွီၫ်ဒီးဟီၣ်က၀ီၤ၀့ၫ်ဖးဒိၣ်(၅)ခါပာ်ဃုာ် လၢအံၣ်ရၣ်ပူၤ တၫ်ခးပ နီၣ်အလီၫ်တဖၣ်စ့ၫ်ကီးဒုးဃီၤ၀ဲလီၤ.ဟါမး(စ်)ခိၣ်နၫ်တဖၣ်ဒီးဟံးစဘိၣ်လၣ်ခိၣ်နၫ် Hassan Nasrallahတဖၣ်န့ၣ်လီၤ.
လၢကတီၫ်အံၤ အံၣ်စရ့ဒီးဟါမး(စ်)တဖၣ်န့ၣ် တၫ်ဒုးကကတၢၫ်ကွံာ်အဂီၫ် ကွၫ်ဆၢၣ်မဲာ်ဘၣ်ဒီးတၫ်ဆီၣ်သနံးတဖၣ်ဒီး ဘီမုၫ်စၢဖှိၣ်ကရၢတၫ်ဃုထံၣ်သမံသမိးကရၢတခီ အံၣ်စရ့န့ၣ် မၤသံကလုာ်ဒူၣ်စၢၤသွဲၣ်လၢကၣ်စၣ်အပူၤအဂ့ၫ် ဖဲအပူၤ ကွံာ်လါန့ၣ် စံးအၢစံးသီဃာ်၀ဲဒီးပှၤဂ့ၫ်၀ီတၫ်ကရၢကရိတဖၣ်စ့ၫ်ကီး ဟါမး(စ်)စ့ၫ်ကီး လါအီးကထိဘၢၣ်(၇)သီအနံၤ အ တၫ်ဒုးဃီၤတဖၣ်န့ၣ် မ့ၫ်သုးကွီၫ်မ့ၣ်တၫ်မၤကမၣ်အဂ့ၫ် စံးအၢဃာ်၀ဲလီၤ.တၫ်စံးအၢစံးသီတဖၣ်ဒု ခံခီခံကပၤလၢာ် ဂ့ၫ် လိာ်ဃာ်၀ဲလီၤ.
အပူၤကွံာ် နွံအတီၫ်ပူၤန့ၣ် အမဲရကၤကီၫ်ခိၣ် Donald Trumpန့ၣ် တၫ်ဂ့ၫ်(၂၀)ပာ်ဃုာ်တၫ်ရဲၣ်တၫ်ကျဲၤတခါ ထုးထီၣ်ပာ် ဖျါ၀ဲဒီးတၫ်ရဲၣ်တၫ်ကျဲၤအံၤအပူၤ ဟါမး(စ်)န့ၣ် ကဘၣ်ပျၫ်ကွံာ်ပှၤလၢက့ၤဖီၣ်၀ဲတဖၣ်ခဲလၢာ်၀ံၤအလီၫ်ခံကပတုာ်ကွံာ် တၫ်ခးတဘျီဃီအဂီၫ်,ဟါမး(စ်)ကရၢအတၫ်ထုးကွံာ်တၫ်စုက၀ဲၤအဂီၫ်ဒီးအံၣ်စရ့သုးတဖၣ် ကဟးထီၣ်ဆူကၣ်စၣ် က ယီကယီအဂီၫ် ဃ့ထီၣ်ဃာ်၀ဲလီၤ.
ခၢၣ်စးတဖၣ်အတၫ်ထံၣ်လိာ်သးန့ၣ် ဘၣ်တၫ်စးထီၣ်မၤ၀ဲ ဖဲလါအီးကထိဘၢၣ်(၆)သီအနံၤ လၢEgypt,၀့ၫ်Sharm El-Sheikh အပူၤန့ၣ်လီၤ.
အီးကထိဘၢၣ်(၇)သီနံၤ နံၣ်ဆဲးဆၢနံၤတချူးဘၣ် ဟါခီတၫ်တၢၣ်ပီၣ်တဲသကိးတဖၣ်န့ၣ် ယံာ်၀ဲသ့အဂ့ၫ် ပၣ်လဲးစတဲ ဂ့ၫ်ခီၣ်ထံးတၫ်ကစီၣ်သန့တခါလၢအိၣ်ဘူးဒီးဟါမး(စ်)ခၢၣ်စးတဖၣ်တဲ၀ဲလီၤ.
ကၣ်စၣ်တၫ်ဒုးလၢအံၣ်စရ့တကပၤမၤဆူၣ်ထီၣ်တၫ်ဒုးဃီၤတဖၣ်အံၤ ကကတၢၫ်ကွံာ် “တၫ်ကမၤချ့ချ့အဂီၫ်”ပှၤ တၢၣ်ပီၣ်တဲသကိးတၫ်တဖၣ်န့ၣ် ကီၫ်ခိၣ်Trumpတဲဆီၣ်တခူထီၣ်၀ဲလီၤ.
“ယဆိမိၣ်လီၤ.ပကဒိးန့ၫ်တၫ်အၢၣ်လီၤအဂီၫ် ဘူးထီၣ်လံန့ၣ်လီၤ.လၢကတီၫ်အံၤပထံၣ်ဘၣ်လၢတၫ်ပာ်သးလၢအဂ့ၤ တဖၣ်အိၣ်ဖျါ၀ဲန့ၣ်ပထံၣ်ဘၣ်လီၤ.တၫ်အံၤမ့ၫ်တၫ်လီၤကမၢကမၣ်လီၤအဂ့ၫ်”ကီၫ်ခိၣ်Trumpန့ၣ် တဲဘၣ် Newsmax TV န့ၣ်လီၤ.
Trump အတၫ်ပာ်ဖျါတဖၣ် ခံကပၤလၢာ်တူၫ်လိာ်၀ဲဘၣ်ဆၣ် တၫ်ဂ့ၫ်တၫ်ကျိၤလီၤတံၫ်လီၤဆဲးတဖၣ်ကတူၫ်လိာ်၀ဲအဂီၫ် တခီ ကကဲထီၣ်မူဒါဖးဒိၣ်တခါန့ၣ်လီၤ.
တၫ်ဒုးအပူၤ ပှၤလၢဘၣ်တၫ်က့ၤဖီၣ်တဖၣ်တၫ်ပျၫ်ကွံာ်၀ဲအဂီၫ် တၫ်ပတုာ်တ့ၫ်ဃာ်တၫ်ခးအိၣ်၀ဲခံဘျီန့ၣ်လီၤ.
တၫ်ထံၣ်လိာ်တၢၣ်ပီၣ်တဲသကိးတၫ်မ့ၫ်တကဲထီၣ်ဘၣ်န့ၣ် သုးန့ၣ်”ကမၤကဒီးတၫ်ဒုးတဖၣ်”လၢကၣ်စၣ်အဂ့ၫ် အံၣ်စရ့ သုးရိၣ်မဲခိၣ်ကျၢၫ် သုးခိၣ်ကျၢၫ်ဒိၣ်စိ Eyal Zamir ဟ့ၣ်ပလီၫ်ဃာ်၀ဲလီၤ.
