လါအီးကထိဘၢၣ်(၉)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီးတရံး-ရၤမတံ(အ့ရှၢၣ်)ကျဲဒီးသ့ၣ်ခါညံၣ်နီၣ် သုးခီၣ်မံးရှၢၣ် မၤန့ၫ်ပၢဆှၢကဒါက့ၤ၀ဲအလီၫ်ခံ ၀့ၫ်ရၤမတံပူၤ ပၢဆှၢ ဟီၣ်က၀ီၤကန့ၫ်အဂီၫ်ဒီးသုးဖိအသီတဖၣ်အဂီၫ် ကိးမုၫ်နံၤဒဲး လူၤဖီၣ်ပှၤသးစၫ်တဖၣ်လီၤ.
ဖဲလါစဲးပထ့ဘၢၣ်(၆)သီနံၤ သုးခီၣ်မံးရှၢၣ်အသုးန့ၣ် က့ၤမၤန့ၫ်ပၢဆှၢကဒါက့ၤ၀ဲ ကီးတရံး-ရၤမတံ(အ့ရှၢၣ်)ကျဲမုၫ်ဒီး သ့ၣ်ခါညံၣ်နီၣ်န့ၣ်လီၤ.
တကးဘၣ် ရၤမတံကျဲမုၫ်ဒီးအ့ရှၢၣ်ကျဲမုၫ်ဖီခိၣ် တြဲၤတဖၣ်တခီ သုးခီၣ်မံးရှၢၣ်အသုးဒီးသုးခိးကီၫ်ဆၢ(BGF)သုးဖိတ ဖၣ် ဟံးန့ၫ်တၫ်ဘံၣ်တၫ်ဘၢလီၤ. သုးခီၣ်မံးရှၢၣ်အသုးန့ၣ် ပၢဆှၢဟီၣ်က၀ီၤကန့ၫ်အဂီၫ်ဒီး သုးဖိအသီတဖၣ်အဂီၫ် ကိးမုၫ် နံၤဒဲး လူၤဖီၣ်ပှၤသးစၫ်တဖၣ်အဂ့ၫ် ၀့ၫ်သူၣ်က့သးပှၫ်တဖၣ်တဲ၀ဲလီၤ.
၀့ၫ်သူၣ်က့သးပှၫ်တဂၤတဲ၀ဲလၢ”ပှၤလၢတနာ်န့ၫ်၀ဲတဖၣ် ဖီၣ်၀ဲ,ဟံးန့ၫ်ဂ့ၫ်၀ီ,မၤ၀ဲအကလုာ်ကလုာ်လၢတဖိးမံဘိာ်အသး ဒီးတၫ်ဘျၢတဖၣ်လီၤ.လၢပကလုာ်ဒူၣ်ဟီၣ်က၀ီၤပူၤမ့ၫ်ဂ့ၤ လၢသုးဟီၣ်က၀ီၤမ့ၫ်ဂ့ၤ ဒူသ၀ီလၢဘူးဒီး၀့ၫ်တၫ်လီၫ်တဖၣ် အပူၤ က့ၤဖီၣ်တၫ်,မၢကဲသုးဖိအသီ,က့ၤဖီၣ်၀ဲဒီးပထံၣ်ဘၣ်လၢပှၤသးစၫ်လီၤမၫ်၀ဲအါမးလီၤ.၀့ၫ်ရၤမတံအပူၤ (၉)နၣ်ရံၣ်, (၁၀)နၣ်ရံၣ်မ့ၫ်ဘၣ်န့ၣ် ပာ်ထီၣ်တၫ်ဂ့ၫ်လၢလူၤဆှၣ်တရံးတၫ်၀ံၤ တၫ်ကရၢကရိသိလ့ၣ်တဖၣ် ပာ်ဖှိၣ်ထီၣ်အသးဒီးလူၤ ဖီၣ်တၫ်အိၣ်၀ဲအဂ့ၫ်”တဲ၀ဲလီၤ.
အပူၤကွံာ် လါစဲးပထ့ဘၢၣ်(၁၄)သီအနံၤ ဟါခီအကတီၫ် ၀့ၫ်ရၤမတံအပူၤ တၫ်လူၤဘိးဘၣ်ရၤလီၤ၀ဲ မုၫ်နၤ(၉)နၣ်ရံၣ် တုၤ ဂီၤ(၅)နၣ်ရံၣ် မုၫ်နၤတၫ်တဘၣ်ဟးထီၣ်တၫ်ကလုၫ်ဒံးန့ၣ်လီၤ.
သုးခီၣ်မံးရှၢၣ်အသုးန့ၣ် မၤန့ၫ်ပၢဆှၢကဒါက့ၤ ၀့ၫ်ရၤမတံ၀ံၤအလီၫ်ခံ ပှၤလၢတနာ်၀ဲဒီးဖီၣ်၀ဲ,ပှၤလီၤမၫ်,သုးဖိအသီအဂီၫ် သးစၫ်လၢဘၣ်တၫ်ဖီၣ်န့ၫ်ဆူၣ်အီၤ အိၣ်လၢ(၅၀)တုၤ(၁၀၀)အဘၢၣ်စၢၤလံန့ၣ်လီၤ.
ပှၤ၀့ၫ်ဖိတဂၤတဲ၀ဲလၢ”လၢမုၫ်နၤ ဖိသၣ်လၢလီၤမၫ်တဖၣ်အိၣ်အါမးလီၤ.က့ၤဖီၣ်ကိး၀ဲလီၤ.ဒ်လၢပနီၫ်ဆံးခါ အသိးလီၤ. မ့ၫ်ထံၣ်၀ဲလၢကျဲန့ၣ် ဖီၣ်တီၣ်ထီၣ်၀ဲလၢသိလ့ၣ်ပူၤလီၤ.လဲၤဟးလၢသကိးဟံၣ်,လဲၤလၢ ဘါဒီးလဲၤလၢကၠူၣ်ရှ့ၣ် ဒ်သိး အံၤတဖၣ်လီၤ.မ့ၫ်မတဂၤက့ၤဖီၣ်လဲၣ်တၫ်တသ့ၣ်ညါဘၣ်.မ့ၫ်လီၤမၫ်တလံန့ၣ်ဒီးတထံၣ်လၢၤဘၣ်အဂ့ၫ်”တဲ၀ဲလီၤ.
၀့ၫ်ရၤမတံအပူၤ က၀ီၤဒ့ခိၣ်တဖၣ်,ဟံၣ်(၁၀)ဖျၢၣ်အခိၣ်တဖၣ်,ကမျၢၫ်တၫ်ဘံၣ်တၫ်ဘၢဒီးတၫ်ဒုးလီၤပှီၫ်တၫ်မၤတပျၫ် တ ပျီၫ်ကရၢတဖၣ် ပာ်ဖှိၣ်ထီၣ်သးဒီးလူၤဖီၣ်ပှၤသးစၫ်တဖၣ်အဂ့ၫ် သုးဂ့ၫ်၀ီဂ့ၫ်ခီၣ်ထံးတၫ်ကစီၣ်လၢဘူးဒီးသုးတဂၤ တဲ၀ဲ လီၤ.
“အခဲအံၤလၢ၀့ၫ်ပူၤ လီၤဂာ်လၢ(BGF)လီၤ.ဘၣ်ဆၣ်အတၫ်စဲပနီၣ်တခီ မ့ၫ်၀ဲကမျၢၫ်တၫ်ဘံၣ်တၫ်ဘၢဒီးတၫ်ဒုးလီၤပှီၫ်တၫ် မၤတပျၫ်တပျီၫ်ကရၢအိၣ်၀ဲတဖုလီၤ.ကိး၀ဲလၢ(ပလကဖ)လီၤ.ကရၢ၀ဲအံၤပာ်ဖှိၣ်လိာ်သးဒီးက၀ီၤဒ့ခိၣ်ဒီးဟံၣ်(၁၀)ဖျၢၣ်အခိၣ်တဖၣ်၀ံၤ လူၤဖီၣ်တၫ်လီၤ.တမ့ၫ်ဖီၣ်၀ဲ၀့ၫ်ရၤမတံပူၤဖိသၣ်တဖၣ်ဘၣ်.ပှၤအိၣ်ဟဲလၢတၫ်လီၫ်အဂၤတဖၣ်လီၤ.ပှၤ လီၤမၫ်လၢတၫ်တသ့ၣ်ညါဘၣ်စ့ၫ်ကီးကအိၣ်လီၤသၢၣ်.သုးပၢဆှၢက့ၤ၀့ၫ်ရၤမတံအလီၫ်ခံ အၢထီၣ်နးထီၣ်ဒိၣ်န့ၫ်အလီၫ် လီၤ.”
သုးခီၣ်မံးရှၢၣ်န့ၣ် ဒံၣ်စ့ဘၢၣ်(၂၈)သီလၢကဟဲ ကမၤ၀ဲတၫ်ဃုထၢအကူာ်(၁)ဒီး ကညီကီၫ်စဲၣ်ပူၤတခီ ကမၤ၀ဲလၢ ဖၣ် အၣ်,ရၤမတံဒီးဒီၣ်ဖးခိၣ်ကီၫ်ဆၣ်တဖၣ်အပူၤအဂ့ၫ် ထုးထီၣ်ဘိးဘၣ်ရၤလီၤ၀ဲလီၤ.
တၫ်န့ၣ်အဃိ တၫ်ဃုထၢအဂီၫ် ကပၢဆှၢဟီၣ်က၀ီၤကန့ၫ်လၢလၢပှဲၤပှဲၤအဂီၫ်ဒီးသုးကလၢၤလၢ ဘၣ်ပျၫ်ကွံာ်၀ဲတဖၣ် ကမၤန့ၫ်က့ၤ၀ဲအဂီၫ် ဟဲထီၣ်သုးကကျိၤဆူ ၀့ၫ်ရၤမတံကလံၤထံးတကပၤန့ၣ်လီၤ.
