လါစဲးပထ့ဘၢၣ်(၁၂)သီ၂၀၂၅နံၣ်, အၣ်ထူခ့ၣ်တၢ်ကစီၣ်
တၫ်ဃုထၢအယီၤအဘျၣ်လၢသုးကရူၫ်ကမၤ၀ဲအလီၫ်ခံကတၢၫ်အစၢန့ၣ် လါယနူၤအါရံၤလၢကဟဲအလၢာ်န့ၣ် ကဘိး ဘၣ်ရၤလီၤ၀ဲအဂ့ၫ် သုးခီၣ်မံးရှၢၣ်အတၫ်ပၢဆှၢအဖီလာ် ကီၫ်စၢဖှိၣ်တၫ်ဃုထၢခီၣ်မံးရှၢၣ်(UEC)ပှၤဘၣ်မူဘၣ်ဒါတဂၤ တဲ၀ဲ ဖဲလါစဲးပထ့ဘၢၣ်(၁၁)သီအနံၤန့ၣ်လီၤ.
“တၫ်ဃုထၢအလီၫ်ခံကတၢၫ်အစၢန့ၣ် ၂၀၂၆နံၣ်,လါယနူၤအါရံၤအလၢာ်န့ၣ် မုၫ်လၫ်၀ဲလၢကဒိးန့ၫ်၀ဲအဂ့ၫ်”UECပှၤဘၣ်မူ ဘၣ်ဒါလၢတအဲၣ်ဒိးပာ်ဖျါအမံၤတဂၤ တဲ၀ဲလီၤ.
သုးခီၣ်မံးရှၢၣ်န့ၣ် ၂၀၂၀နံၣ် တၫ်ဃုထၢအစၢန့ၣ် ဒ်တၫ်မၤကဘျံးကဘျၣ်တၫ်ဖးအသိး လၢတၫ်အုၣ်ကီၤတအိၣ်ဘၣ်အ ပူၤ ပဲာ်အၢပဲာ်သီ၀ဲဒီး၂၀၂၁နံၣ်,လါဖ့ၤဘြူၤအါရံၤအပူၤ ထုးလီၤတဲာ်ကွံာ်ကမျၢၫ်ပဒိၣ်ဒီးဟံးန့ၫ်တၫ်စိတၫ်ကမီၤန့ၣ်လီၤ.
တၫ်ဃုထၢခီၣ်မံးရှၢၣ်န့ၣ် ဖဲမဟါနံၤ လါဖ့ၤဘြူၤအါရံၤ(၁၁)သီအနံၤန့ၣ် လၢန့ၣ်ပၠံၣ်တီၣ်မၤ၀ဲတၫ်ပာ်ဖျါထီၣ်တၫ်ကစီၣ် တၫ်ရဲၣ်တၫ်ကျဲၤတခါဒီးစးထီၣ်ဖဲလါဒံၣ်စ့ဘၢၣ်(၂၈)သီအနံၤန့ၣ် လၢထံကီၫ်ဒီတဘ့ၣ်အပတီၫ် တၫ်ဟ့ၣ်တၫ်ဖးတၫ်လီၫ် တဖၣ်အပူၤ ပၣ်တံၣ်(၆)ခါ ကနုာ်တြီၤတၫ်ဃုထၢအဂ့ၫ်,မ့မ့ၫ်လၢကီၫ်ခီဒီးကီၫ်စဲၣ်ပတီၫ် ပှၤကနုာ်လီၤသတြီၤတၫ်ဃုထၢ ပၣ်တံၣ်အိၣ်(၅၁)ခါအဂ့ၫ် တဲ၀ဲလီၤ.
သုးကရူၫ်န့ၣ် ကမၤတၫ်ဃုထၢ(၃)ပတီၫ်အဂ့ၫ်ဒီးအကူာ်တခါဒီးတခါန့ၣ်အဘၢၣ်စၢၤ ကယံာ်၀ဲ(၂)နွံအဂ့ၫ် UECတဲ၀ဲလီၤ.
သုးဟံးန့ၫ်ဆူၣ်တၫ်စိတၫ်ကမီၤ၀ံၤအလီၫ်ခံ စုက၀ဲၤတၫ်ပၢၫ်ဆၢတၫ်ဟူးတၫ်ဂဲၤတဖၣ်န့ၣ် မၤလီၤဆံးလီၤစှၤ သုးကရူၫ်အ တၫ်ပၢဆှၢထံကီၫ်ဟီၣ်က၀ီၤတၫ်လီၫ်တဖၣ်န့ၣ်လီၤ.
ဒံၣ်မိၣ်ကရ့ၣ်စံၣ်ဂံၫ်ဘါကရၢတဖၣ်,ကလုာ်ဒူၣ်ဖီၣ်စုက၀ဲၤဒီးကလုာ်ဒူၣ်ဆံးလၢအဂံၫ်ဆူၣ်တဖၣ် လၢအ၀ဲသ့ၣ်အဟီၣ်က ၀ီၤပူၤ သုးကရူၫ်အတၫ်ဃုထၢအယီၤအဘျၣ်၀ဲန့ၣ် ဟဲမၤ၀ဲသုတန့ၫ်အဂီၫ် ကထီဒါ၀ဲအဂ့ၫ် ထုးထီၣ်ဘိးဘၣ်ရၤလီၤဃာ်၀ဲ လီၤ.
သုးကရူၫ်န့ၣ် ကိးသတြီၤထီၣ်ဃာ်၀ဲလၢ တၫ်ဃုထၢမ့ၫ်ကျဲလၢတၫ်မၤကတၢၫ်ကွံာ်တၫ်သဘံၣ်သဘုၣ်အသိးဘၣ်ဆၣ် ပှၤ ခီၣ်ဆၢတၫ်အခိၣ် ဒီၣ်အီၣ်ဆါစူးကၠံၣ်တခီ ဖီၣ်ဃာ်၀ဲလၢဃိၣ်ပူၤအဖၢမုၫ်ဒံးလီၤ.
ကီၫ်ပယီၤ ဘၣ်ထွဲပှၤဂ့ၫ်၀ီခွဲးယာ် ဘီမုၫ်စၢဖှိၣ်ကရၢ ပှၤနၫ်ပၢၫ်တၫ်စ့ၫ်ကီး တၫ်ဃုထၢအခဲအံၤန့ၣ် သုးတၫ်ပၢကအိၣ်ဂၢၫ် ဆိးကျၢၤအဂီၫ်မ့ၫ်ဒၣ် “တၫ်လီတၫ်၀့ၤ”တခါလီၤအဂ့ၫ် ပဲာ်ထံနီၤဖးတဲဃာ်၀ဲန့ၣ်လီၤ.
