လါစဲးပထ့ဘၢၣ်(၃)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
အိၣ်ဆၢထၢၣ်တ့ၢ်၀ဲဒီးတရူးထီဘိအသိး ကအိၣ်ဆၢထၢၣ်ဃုၥ်ဒီးတရူးဆူညါအဂ့ၢ် ရၢးရှါကီၢ်ခိၣ် ဘလၣ်တံၣ်မၣ်ပူၣ်တ့ၣ်တဲ၀ဲလၢ ထံၣ်လိၥ်သးဒီးတရူးကီၢ်ခိၣ် ရှံၣ်ကၠ့းဖၠ့ၣ် ဖဲ၀့ၢ်ခိၣ် ပ့ၣ်ကၠ့န့ၣ်လီၤ.
တချူးလၢ တၢ်ကရဲၣ်ကျဲၤမၤ တရူးတၢ်မၤနၢၤတၢ်ဒုး ပှဲၤထီၣ်(၈၀)နံၣ် သုးတၢ်ဂဲၤလိမူးဖးဒိၣ်လၢ တၢ်ကမၤအီၤဖဲ ၀့ၢ်ခိၣ်ပ့ၣ်ကၠ့ တသီ လါစဲးပထ့ဘၢၣ်(၂)သီအနံၤန့ၣ် ထံကီၢ်ခံဘၣ်ခိၣ်နၢ်တဖၣ် ထံၣ်လိၥ်တဲသကိး၀ဲ လီၤဆီန့ၣ်လီၤ.
အ၀ဲသ့ၣ်၂ဂၤန့ၣ် လဲၤထီၣ်တ့ၢ်၀ဲ ရှၣ်ဟဲတၢ်ပၥ်ဖှိၣ်မၤသကိး(SCO)တၢ်အိၣ်ဖှိၣ်လၢ ဘၣ်တၢ်ရဲၣ်ကျဲၤမၤအီၤဖဲ ကီၢ်တရူး, တံၣ်ယၣ်ကၠ့၀့ၢ်အပူၤအံၤန့ၣ်လီၤ.
ပူၣ်တ့ၣ်စံး၀ဲ ရှံၣ်လၢ Dear Friend၀ံၤ ထံကီၢ်ခံဘ့ၣ်တၢ်ရ့လိၥ်ဘၣ်ထွဲန့ၣ် ဟဲတုၤအိၣ်လၢ တၢ်ပၥ်ပနီၣ်အီၤတသ့အပတီၢ်လံအဂ့ၢ်န့ၣ်လီၤ.
တရူး-ရၢရှါ တၢ်ရ့လိၥ်ဘၣ်ထွဲန့ၣ် တူၢ်ခီၣ်ဃၥ်၀ဲဂၢၢ်ဂၢၢ်ကျၢၤကျၢၤလၢ ဟီၣ်ခိၣ်ဘီမုၢ်ထံကီၢ်တဖၣ်အတၢ်ဆီတလဲဒီး တၢ်မၤကွၢ်တဖၣ်အဂ့ၢ် ရှံၣ်ခီၣ်ဆၢက့ၤ၀ဲန့ၣ်လီၤ.
ပ့ၣ်ကၠ့န့ၣ်ကအိၣ်ဆၢထၢၣ်ဃုၥ်ဒီးမီၣ်စကိၣ်၀ံၤ ကဟ့ၣ်ဂံၢ်ဟ့ၣ်ဘါမၤဂ့ၤထီၣ် ဟီၣ်ခိၣ်ဒီဖျၢၣ်တၢ်ပၢတၢ်ပြးသနူတခါလၢ အအိၣ်ဒီးတၢ်တြီတၢ်တြၢ်လၢဂ့ၤန့ၢ်ဒံးအလီၢ်အဂ့ၢ် ရှံၣ်ခီၣ်ဆၢက့ၤ၀ဲန့ၣ်လီၤ.
ဟီၣ်ခိၣ်ဒီဖျၢၣ် တၢ်ဒုးဖးဒိၣ်(၂)ဘျီတဘျီ၀ံၤ ယပၣ်သုးတဖၣ်ပၥ်လီၤစုက၀ဲၤလၢ ကီၢ်တရူးအပူၤ ပှဲၤထီၣ်အနံၣ်(၈၀)တၢ်ကမၤလၤကပီၤအဂီၢ် ကရဲၣ်ကျဲၤမၤ၀ဲ သုးတၢ်ဂဲၤလိဖးဒိၣ်တခါ ဖဲလါစဲးပထ့ဘၢၣ်(၃)သီအနံၤန့ၣ်လီၤ.
ကီၢ်ရၢးရှၢးအပူၤ ရၢရှၢးဒုးနၢၤ နၣ်စံၣ်ကၠၣ်မနံၣ် ပှဲၤထီၣ်အနံၣ်(၈၀)မူးတၢ်ရဲၣ်တၢ်ကျဲၤလၢ တၢ်ရဲၣ်ကျဲၤမၤအီၤ ဖဲအပူၤကွံၥ် လါမ့ၤအတီၢ်ပူၤစ့ၢ်ကီး ရှံၣ်ကၠံးဖၠ့ၣ် လဲၤထီၣ်၀ဲန့ၣ်လီၤ.
Ref: Reuters
