လါစဲးပထ့ဘၢၣ်(၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်အၣ်ဖကၣ်န့ၣ်စတၣ်,မုၫ်ထီၣ်ကလံၤထံးဟီၣ်က၀ီၤအပူၤ ဖဲလါစဲးပထ့ဘၢၣ်(၁)သီနံၤ ဟီၣ်ခိၣ်ဟူးလၢအသဟီၣ်ဆူၣ် အိၣ်(၆.၀)ဟူး၀ဲအဃိ ပှၤ(၅၀၀)ဂၤဃၣ်ဃၣ်ဘၣ်သံဒီးဘၣ်ဒိဘၣ်ထံး(၁၀၀)ဂၤဘျဲၣ်န့ၣ်လီၤ.
GFZ Helmholtz Centre for Geosciences (GFZ)အတၫ်ထုးထီၣ်ဘိးဘၣ်ရၤလီၤအဖီခိၣ် ဟီၣ်ခိၣ်ဟူး၀ဲန့ၣ် ဟူးဂဲၤ၀ဲဖဲ ပၣ်က့ၣ်စတၣ်ကီၫ်ဆၢအကပၤ နၣ်ကၣ်ဟၣ်ကီၫ်ဆၣ်ပူၤ ဖဲလါစဲးပထ့ဘၢၣ်(၁)သီနံၤ ဂီၤ(၂း၁၇)နၣ်ရံၣ် အဆၢကတီၫ်န့ၣ်လီၤ.
ဟီၣ်ခိၣ်ဟူး ယိာ်၀ဲ(၁၀)ကံၣ်လိၣ်မံၣ်ထၢၣ်ဒီးအိၣ်၀ဲဒၣ်ဖဲကလံၤစိးလးတံၣ်ကၠူး ၃၄.၆၁ဒံၣ်ကရံၣ်ဒီးမုၫ်ထီၣ်လီၣ်ကၠံၣ် ကၠူး ၇၀.၈၀ဒံၣ်ကရံၣ်န့ၣ်လီၤ.
ကီၫ်အၣ်ဖကၣ်န့ၣ်စတၣ်န့ၣ် အိၣ်၀ဲဒၣ်ဖဲယူၣ်ရ့ရှါလၢၫ်ကဘျၣ်ဒီးအ့ဒံယါလၢၫ်ကဘျၣ်အဆၢအကပၤအဃိ ညီနုၫ်တူၫ်ဘၣ်ဟီၣ်ခိၣ်ဟူးန့ၣ်လီၤ.
၂၀၂၃နံၣ်,လါအီကထိဘၢၣ်(၇)သီအနံၤစ့ၫ်ကီး ဖဲကီၫ်၀ဲအံၤအပူၤ ဂံၫ်ဘါအိၣ်(၆.၃)အပတီၫ် ဟီၣ်ခိၣ်ဟူးဒီးဟီၣ်ခိၣ်ဟူး လၢအဂၤတဖၣ် ပိာ်ထွဲထီၣ်အခံလီၤ.တၣ်လံၣ်ဘၣ်ပဒိၣ်တခီ အစှၤကတၢၫ်ပှၤဘၣ်သံ(၄၀၀၀)ဂၤအဂ့ၫ် တယာ်ဃာ် ၀ဲလီၤ.
UNICEFအတၫ်ပာ်ဖျါအဖီခိၣ် ပှၤဘၣ်သံ ၉၀မျးကယၤန့ၣ် မ့ၫ်ပိာ်မုၣ်ဒီးဖိသၣ်တဖၣ်၀ံၤ ကီၫ်အၣ်ဖကၣ်န့ၣ်စတၣ်ပူၤ မ့ၫ်န့ဆၢၣ်တၫ်လီၤဘၣ်ယိၣ်တခါလၢ တၫ်သံတၫ်ပှၫ်အါ၀ဲန့ၣ်လီၤ.
၂၀၂၂နံၣ်,လါယူၤအပူၤစ့ၫ်ကီး လၢကီၫ်အၣ်ဖကၣ်န့ၣ်စတၣ်မုၫ်ထီၣ်အပူၤ ဟီၣ်ခိၣ်ဟူးဂံၫ်ဘါအိၣ် ၅.၉ အဃိ ပှၤ(၁၀၀၀)ဘျဲၣ်ဘၣ်သံဒီးဘၣ်ဒိဘၣ်ထံး(၁၅၀၀)ဂၤဘျဲၣ်ဒံးန့ၣ်လီၤ.
