လါစဲးထ့ဘၢၣ်(၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
လါဖ့ၤဘြူၤအါရံၤ(၁)သီ,၂၀၂၁နံၣ် စးထီၣ်လၢတၫ်ဟံးန့ၫ်ဆူၣ်တၫ်စိတၫ်ကမီၤကဲထီၣ် တုၤ လါစဲးပထ့ဘၢၣ်(၁)သီ,၂၀၂၅ နံၣ် သုးအၢသီတဖုဒီးအ၀ဲသ့ၣ်အစုတီၤဖီလာ်တၫ်ကရၢကရိတဖၣ်အဃိ နွ့ၣ်အူတၫ်ပၢၫ်ဆၢအကတီၫ် ပှၤဟူးဂဲၤလၢဒံၣ် မိၣ်ကရ့ၣ်စံၣ်ဂ့ၫ်၀ီတဖၣ်ဒီးကမျၢၫ် ဘၣ်သံအနီၫ်ဂံၫ်ခဲလၢာ်အိၣ်၀ဲ(၇၁၆၉)ဂၤလံန့ၣ်လီၤ.
ဘၣ်ထွဲဒီးတၫ်ဟံးန့ၫ်ဆူၣ်ထံကီၫ်တၫ်စိတၫ်ကမီၤအဃိ ပှၤလၢဘၣ်တၫ်ဖီၣ်ဃာ်၀ဲအိၣ်(၂၉၆၁၃)ဂၤဒီးလၢအကျါ (၂၂၃၅၂ )ဂၤဘၣ်တၫ်ဖီၣ်ဃာ်၀ဲအဖၢမုၫ်ဒီးပှၤလၢဘၣ်တၫ်ဖီၣ်ဃာ်၀ဲအဖၢမုၫ်အကျါ (၁၁၀၂၇)ဂၤန့ၣ် တၫ်ဟ့ၣ်အီၤဃိၣ်တၫ်စံၣ် ညီၣ်န့ၣ်လီၤ.
နီၫ်ဂံၫ်နီၫ်ဒွးလၢတၫ်ပာ်ဖျါတဖၣ်န့ၣ် မ့ၫ်ဒၣ်ထဲ(AAPP)အတၫ်မၤနီၣ်ထၢဖှိၣ်ဃာ်တဖၣ်လီၤ.ဟီၣ်ခိၣ်လိၤတၫ်ကဲထီၣ်အသး တၫ်ဂ့ၫ်တၫ်ကျိၤတဖၣ်န့ၣ် အါဒိၣ်န့ၫ်ဒံးတၫ်ပာ်ဖျါ၀ဲလီၤ.မ့ၫ်မၤန့ၫ်ကဒီးတၫ်ဂ့ၫ်တၫ်ကျိၤ ပာ်ဂၢၫ်ပာ်ကျၢၤမ့ၫ်န့ၫ်ဒီးကပာ်ဖျါ ကဒီးလီၤ.
အပူၤကွံာ်တနွံအတီၫ်ပူၤ လါအီကူာ်(၂၃)သီအနံၤ သုးခီၣ်မံးရှၢၣ်အသုး ဟဲထီၣ်သုးကျိၤဒီးနုာ်လီၤ၀ဲလၢစကဲကီၫ်ခီ,ကးဘလူၣ်ကီၫ်ဆၣ်,ကၠံၣ်ကၠ့သ၀ီပူၤဒီး မၤသံကမျၢၫ်(၈)ဂၤတကးဘၣ် ဖီၣ်ဃာ်ကမျၢၫ်တဖၣ်,ဒွဲၣ်အူထီၣ်ဟံၣ်ဃီတဖၣ်လီၤ.
လၢတနီၤသရံၣ်ကီၫ်ခီ,သယဲးခၠီကီၫ်ဆၣ်အပူၤ ဖဲလါအီကူာ်(၂၅)သီအနံၤန့ၣ် သုးခီၣ်မံးရှၢၣ်အသုးနုာ်လီၤကျိၤလၢသ၀ီပူၤ ဒီးဒွဲၣ်အူထီၣ်ကွံာ်၀ဲ စီၣ်ဖၠါသ၀ီဒီးမိရွှ့ၣ်ကိသ၀ီ ဟံၣ်အဖျၢၣ်(၁၀၀)ဃၣ်ဃၣ်အသိး မၤသံဃုာ်စ့ၫ်ကီးပှၤလီၫ်က၀ီၤဖိ(၂) ဂၤအဂ့ၫ် တၫ်သ့ၣ်ညါဘၣ်လီၤ.
သုးခီၣ်မံးရှၢၣ်န့ၣ် ခးလီၤကျိဖးဒိၣ်ဒီးကလံၤကျါတၫ်ဒုးခးလီၤတၫ်လၢကမျၢၫ်အဖီခိၣ် မၤ၀ဲထီဘိဒီးဖဲလါအီကူာ်(၂၈)သီအနံၤန့ၣ် တ့ၫ်လီၤမ့ၣ်ပိၫ်လၢဒြိဖဲပကိကီၫ်ခီ,အိးဖိၣ်ကီၫ်ဆၣ်,ဒီကၠံသ၀ီပူၤအဃိ ပှၤဒီဖိမိၫ်(၂)ဂၤဘၣ်သံ၀ဲန့ၣ်လီၤ.
လါအီ ကူာ်(၂၉)သီအနံၤစ့ၫ်ကီး ခးလီၤကျိဖးဒိၣ်လၢကၠီးတကါကီၫ်ဆၣ်,စယးခ့ၣ်သ၀ီပူၤအဃိ ကမျၢၫ်ဘၣ်သံ(၂)ဂၤန့ၣ်လီၤ.ဒ်န့ၣ်အသိးလါအီကူာ်(၂၉)သီနံၤလၢယိၤဒိၣ်ကီၫ်စဲၣ်,ကၠီးမဲကီၫ်ဆၣ်,၀့ၫ်မဲလိၣ်မ့ၫ်ဂ့ၤ,လါအီကူာ်(၃၀)သီနံၤလၢစကဲကီၫ်ခီ,မၠ့မူၣ်ကီၫ်ဆၣ်,ငါက့သ၀ီမ့ၫ်ဂ့ၤ,လါအီကူာ်(၃၁)သီနံၤလၢမကွ့ကီၫ်ခီ,ယ့ၣ်စကၠိၣ်ကီၫ်ဆၣ်,ငတယီၣ်သ၀ီတဖၣ် သုးခီၣ် မံးရှၢၣ်အသုးလဲၤဒုးလၢကလံၤကျါအဃိ ဟီၣ်က၀ီၤ၀ဲန့ၣ်အပူၤ ဖံ၀ါပာ်ဃုာ်ကမျၢၫ်ဘၣ်သံ၀ဲ(၇)ဂၤအဂ့ၫ် တၫ်သ့ၣ်ညါ ဘၣ်လီၤ.
