လါစဲးပထ့ဘၢၣ်(၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ဖဲလါအီကူာ်(၂၉)သီအနံၤ အံၣ်စရ့ဒုးဃီၤ၀ဲကၣ်စၣ်အပူၤ ပှၤတစှၤန့ၫ် (၅၉)ဂၤဘၣ်သံဒီးပှၤဘၣ်သံခဲလၢာ်အနီၫ်ဂံၫ်အိၣ် ထီၣ်၀ဲ ၆၃,၀၀၀ဂၤဘျဲၣ်လံန့ၣ်လီၤ.
အပူၤကွံာ်စှၤသီတၫ်ဒုးဃီၤ လၢ(၂၄)နၣ်ရံၣ်အတီၫ်ပူၤ ပှၤခဲလၢာ် ဘၣ်သံ(၅၉)ဂၤဒီးဘၣ်ဒိဘၣ်ထံး၀ဲ (၂၄၄)ဂၤအဂ့ၫ် ဆူၣ်ချ့ကရၢ ထုးထီၣ်ဘိးဘၣ်ရၤလီၤတၫ်ကစီၣ်လီၤ.
ပှၤလၢသံဒီးဘၣ်ဒိဘၣ်ထံးအါတက့ၫ်န့ၣ် အိၣ်ကးတံာ်အသးလၢတၫ်သူၣ်ထီၣ်လီၤပှီၫ်တဖၣ်အဖီလာ်အဃိ ပှၤမၤပူၤဖျဲး ထီၣ်တၫ်တဖၣ်စ့ၫ်ကီး ဂဲၤလိာ်၀ဲဒ်သိးမၤပူၤဖျဲးတၫ်ကန့ၫ်လီၤ.
ဖဲမၤတၫ်မၤပူၤဖျဲးတၫ်ဖံးတၫ်မၤကီကီခဲခဲအကတီၫ် ပှၤဘၣ်သံအိၣ်ထီၣ်၀ဲ(၂၃)ဂၤလံအဂ့ၫ်စ့ၫ်ကီး ဆူၣ်ချ့ကရၢတဲ၀ဲလီၤ.
၂၄နၣ်ရံၣ်အတီၫ်ပူၤ ဖိသၣ်(၂)ဂၤပာ်ဃုာ် ပှၤ(၅)ဂၤလီၤဒိဒီးသံအဃိ တၫ်သၣ်၀ံၤလီၤဒိအဃိ ပှၤဘၣ်သံအိၣ်ထီၣ်၀ဲ (၃၂၂)ဂၤန့ၣ်လီၤ.
ကၣ်စၣ်တၫ်သၣ်၀ံၤလီၤဒိကဃိ ပှၤသံစရီအကျါ ဖိသၣ်ပာ်ဃုာ်(၁၂၁)ဂၤဒီးအနီၫ်ဂံၫ်အါထီၣ်၀ဲလီၤ.
အံၣ်စရ့ဒုးယၤတၫ်ရဲၣ်တၫ်ကျဲၤလၢမၤ၀ဲဖဲလါမးရှး(၁၈)သီအနံၤန့ၣ် ပှၤဘၣ်သံ ၁၁,၁၇၈ဂၤဒီးဘၣ်ဒိဘၣ်ထံး ၄၇,၄၄၈ဂၤအဂ့ၫ် ဆူၣ်ချ့၀ဲၤကျိၤတၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
အံၣ်စရ့န့ၣ် လၢစးထီၣ်ဒုးပၣ်လဲးစတဲလံၤလံၤ ပှၤဘၣ်သံအစရီန့ၣ် အါထီၣ်၀ဲ ၆၃,၀၂၅ဂၤဒီးဘၣ်ဒိဘၣ်ထံး ၁၅၉,၄၉၀ဂၤအဂ့ၫ်စ့ၫ်ကီး ပာ်ဖျါ၀ဲလီၤ.
ကၣ်စၣ်အပူၤ အံၣ်စရ့မၤဆူၣ်ထီၣ်ဒုးယၤဂ့ၫ်၀ီန့ၣ် ဟီၣ်က၀ီၤအံၤအပူၤ ပှၤ(၁)ကကွဲၫ်တၫ်ကသုးကွံာ်အီၤ တၫ်လီၤဘၣ် ယိၣ်အိၣ်၀ဲအဂ့ၫ် ဘီမုၫ်စၢဖှိၣ်ကရၢတၫ်မၤပူၤဖျဲးအ့ၣ်ကၠ့ၣ်စံၣ် ဟ့ၣ်ပလီၫ်ဃာ်၀ဲလီၤ.
ဟါမးန့ၣ် လၢအံၣ်စရ့ကလံၤထံးတကပၤ မၤသံဃာ်ပှၤခဲလၢာ်(၁၂၀၀)ဂၤဒီးက့ၤဖီၣ်ဃာ်၀ဲ ၂၅၁ဂၤ၀ံၤအလီၫ်ခံ အံၣ်စရ့ န့ၣ် ဖဲ၂၀၂၃နံၣ်,လါအီကထိဘၢၣ်(၇)သီအနံၤန့ၣ် စးထီၣ်မၤဒုးယၤတၫ်ရဲၣ်တၫ်ကျဲၤဖးဒိၣ်လၢကၣ်စၣ်အဖီခိၣ်န့ၣ် လီၤ.
Ref: Reuters
